امت مسلمہ منجی بشریت امام مہدی (ع) کے انتظار میں ہے، علامہ مقصود ڈومکی
اشاعت کی تاریخ: 10th, February 2025 GMT
جیکب آباد میں محفل جشن سے خطاب کرتے ہوئے علامہ مقصود ڈومکی نے کہا کہ امام مہدی (ع) پوری دنیا کو ظلم اور بربریت سے پاک کرکے زمین پر عدل و انصاف کا نظام قائم کرینگے۔ جسکا وعدہ تورات، زبور، انجیل اور قران مجید میں دیا گیا ہے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ اس وقت دنیا ظلم اور بربریت سے بھر چکی ہے۔ شیطان بزرگ امریکا اور شیاطین عالم مل کر اقوام عالم کا استحصال کر رہے ہیں۔ ہر طرف ظلم و بربریت جاری ہے۔ ایسے میں دنیا ایک نجات دہندہ کے انتظار میں ہے جو پوری دنیا کو ظلم اور بربریت سے پاک کرکے زمین پر عدل و انصاف کا نظام قائم کرے۔ جس کا وعدہ تورات، زبور، انجیل اور قران مجید میں دیا گیا ہے۔ انبیاء الٰہی نے جس منجی عالم بشریت کا تذکرہ کیا ہے، آج پوری انسانیت اس امام مہدی علیہ السلام کے انتظار میں ہے۔ ان خیالات کا اظہار انہوں نے جیکب آباد میں رئیس لیاقت علی سولنگی اور رئیس محبت علی سولنگی کی رہائش گاہ پر جشن میلاد حضرت علی اکبر علیہ السلام و میلاد منجی بشریت حضرت امام مہدی علیہ السلام کی مناسبت پر منعقدہ تقریب سے خطاب کرتے ہوئے کیا۔
علامہ مقصود علی ڈومکی نے کہا کہ آسمانی کتابوں اور انبیاء الٰہی نے بشریت کو ایک ایسے عادل الٰہی رہبر کی خوشخبری دی ہے جو آخر الزمان میں آ کر پوری دنیا کو عدل و انصاف سے بھر دے گا، اور دنیا سے ظلم و ستم کے آثار مٹا دے گا۔ امت مسلمہ آج منجی بشریت حضرت امام مہدی علیہ السلام کے انتظار میں ہے اور خدا کی زمین پر مستضعفین محرومین کی حاکمیت کا وقت قریب آ چکا ہے۔ انہوں نے کہا کہ ایران کے مستضعفین نے رہبر کبیر حضرت امام خمینی کی قیادت میں اڑھائی ہزار سالہ شہنشاہیت کو عبرتناک شکست دی۔ یمن کے مستضعفین نے آٹھ سالہ جنگ میں امریکہ اور سعودی عرب کی سربراہی میں قائم 39 ممالک کے ظالم لشکر کو عبرتناک شکست دی۔ حماس جہاد اسلامی اور حزب اللہ کے مقابلے میں 15 مہینے جنگ کے بعد امریکہ اور اسرائیل کو غزہ میں ذلت امیز شکست ہوئی اور غزہ، لبنان و یمن کے مظلوموں کو ظالموں کے مقابلے میں فتح اور نصرت حاصل ہوئی۔
ذریعہ: Islam Times
کلیدی لفظ: کے انتظار میں ہے علامہ مقصود علیہ السلام نے کہا
پڑھیں:
صدر اور وزیراعظم کی قوم و امت مسلمہ کو عیدالاضحیٰ کی مبارکباد
اسلام آباد: صدر مملکت آصف علی زرداری اور وزیر اعظم شہباز شریف نےعید الاضحیٰ کے موقع پر قوم اور عالمِ اسلام کو دل کی گہرائیوں سے مبارکباد پیش کی اور اپنے پیغامات میں دونوں رہنماؤں نے عید قرباں کو ایثار، قربانی اور اطاعت کا عظیم درس قرار دیا۔صدر آصف علی زرداری نے کہا کہ عید الاضحیٰ ایثار، بھائی چارے اور قربانی کے جذبے کو زندہ کرنے کا دن ہے، حضرت ابراہیمؑ کی سنت ہمیں اللہ کے حکم کے سامنے سر تسلیم خم کرنے، اطاعت اور قربانی کا پیغام دیتی ہے۔انہوں نے اس موقع پر دعا کی کہ یہ بابرکت دن امت مسلمہ کے لیے خیر، برکت اور اتحاد کا ذریعہ بنے۔آصف علی زرداری نے زور دیا کہ معاشرے کے محروم اور کمزور طبقے کی دل کھول کر مدد کی جائے، کیونکہ یہی اصل قربانی ہے۔صدر مملکت نے اس بات پر بھی زور دیا کہ اللہ کی اطاعت میں ہی فرد اور قوم کی کامیابی ہے، ہمیں حضرت ابراہیمؑ کے جذبہ ایثار و قربانی کی روح سے سبق سیکھنے کی ضرورت ہے تاکہ ملک میں اخوت، بھائی چارہ اور اتحاد کو فروغ دیا جا سکے۔دوسری جانب وزیر اعظم شہباز شریف نے بھی اپنے پیغام میں کہا کہ عید الاضحیٰ ہمیں حضرت ابراہیمؑ اور حضرت اسماعیلؑ کی بے مثال قربانی کی یاد دلاتی ہے، جسے تاقیامت عبادت کا درجہ حاصل ہے۔انہوں نے کہا کہ قربانی کا پیغام صرف جانور ذبح کرنے تک محدود نہیں بلکہ نفس، خواہشات اور ذاتی مفادات کو اعلیٰ مقاصد کے لیے قربان کرنے کی تعلیم دیتا ہے۔وزیراعظم نے کہا کہ ایثار و قربانی جیسی صفات قوموں کی ترقی کی بنیاد ہوتی ہیں اور یہی جذبہ ہمیں قومی یکجہتی، معاشرتی بھلائی اور ترقی کی راہ پر گامزن کرتا ہے۔انکا کہنا تھا کہ بھارتی حملے کے خلاف قوم نے اتحاد سے دشمن کو واضح پیغام دیا کہ ہم اپنے دفاع، وقار اور خودمختاری کے لیے ہر قربانی دینے کو تیار ہیں۔شہباز شریف نے فلسطین اور مقبوضہ کشمیر کے مظلوم عوام کے ساتھ یکجہتی کا اظہار کرتے ہوئے کہا کہ ہمیں ان بھائیوں اور بہنوں کو یاد رکھنا چاہیے جو آج بھی ظلم، جبر اور بھوک کا شکار ہیں۔وزیر اعظم نے اس عزم کا اعادہ کیا کہ پاکستان کو عالمی سطح پر ایک طاقتور اور کامیاب ملک بنانے کے لیے قومی اتحاد، ایثار اور قربانی کے جذبے کو فروغ دینا ہوگا۔انہوں نے مزید کہا کہ ذاتی مفادات سے بالاتر ہو کر، اجتماعی ترقی، خوشحالی اور خود کفالت کے لیے تمام طبقات کو مل کر کام کرنا ہوگا۔دونوں رہنماؤں نے دعا کی کہ اللہ تعالیٰ پاکستانی قوم، امت مسلمہ کی عبادات اور قربانیوں کو قبول فرمائے اور وطن عزیز کو امن، ترقی اور خوشحالی عطا کرے۔
واشنگٹن میں شہد کی مکھیوں سے بھرا ٹرک الٹ گیا، 25 کروڑ مکھیاں آزاد