ایم ڈی یوٹیلیٹی اسٹورز محمد علی عامر کو عہدے سے ہٹا دیا گیا
اشاعت کی تاریخ: 14th, February 2025 GMT
حکومت نےایم ڈی یوٹیلیٹی اسٹورز محمد علی عامر کوعہدے سے ہٹا کر فیصل نثار چوہدری کو منیجنگ ڈائریکٹر تعینات کردیا۔تفصیلات کے مطابق وفاقی حکومت نے ایم ڈی یوٹیلیٹی اسٹورز محمد علی عامر کوعہدے سے ہٹادیا اورفیصل نثار چوہدری کویوٹیلیٹی اسٹور کارپوریشن کا منیجنگ ڈائریکٹر مقرر کردیا۔گریڈ 20 کے فیصل نثار چوہدری ڈی جی سیکریٹریٹ ٹریننگ انسٹی ٹیوٹ تعینات تھے تاہم فیصل نثارچوہدری مستقل ایم ڈی کی تعیناتی تک فرائض انجام دیں گے۔وفاقی کابینہ کی منظوری کے بعد اسٹبلشمنٹ ڈویژن نے فیصل نثار چوہدری کی ایم ڈی یوٹیلٹی اسٹورز کارپوریشن تعیناتی کا نوٹیفکیشن جاری کر دیا گیا ہے۔اس کے ساتھ ہی محمد علی عامر کی خدمات واپس پنجاب حکومت کےحوالے کردی گئی ہے۔دوسری جانب گریڈ 21 کے افسر عادل اکبر خان کو سینئر جوائنٹ سیکرٹری آبی وسائل ڈویژن، نیلوفر حفیظ کو جوائنٹ سیکرٹری پلاننگ ڈویژن اور او ایس ڈی کاشف گلزار کو جوائنٹ سیکرٹری کامرس ڈویژن تعینات کیا گیا ہے جبکہ جوائنٹ سیکرٹری انڈسٹریز اینڈ پروڈکشن ڈویژن کامران احمد کو اسٹیبلشمنٹ ڈویژن رپورٹ کرنے کی ہدایت کی گئی ہے۔جوائنٹ سیکریٹری اسٹیٹس اینڈ فرنٹیئر ریجنز ڈویژن عذرا جمالی کو تبدیل کرکے جوائنٹ سیکریٹری انڈسٹریز اینڈ پروڈکشن ڈویژن تعینات کیا گیا ہے۔حسیب شہباز امین سیکشن آفیسر فنانس ڈویژن اور سیکشن آفیسر محمد معتصم باللہ کو نارکوٹکس کنٹرول ڈویژن سے نیشنل فوڈ سیکیورٹی ڈویژن میں تبدیل کر دیا گیا ہے۔دریں اثناء وزارت قانون و انصاف نے راجہ نعیم اکبر کو SPS-1 میں سینئر ٹیکنیکل ایڈوائزر تعینات کر دیا ہے۔ یہ تقرری دو سال کی مدت کے لیے کنٹریکٹ پر ہے، جو 12 فروری 2025 سے نافذ العمل ہے۔
.ذریعہ: Nawaiwaqt
پڑھیں:
اسلام آباد ہائیکورٹ:ثاقب نثار کی آڈیو لیک، کمشن تشکیل دینے کی درخواست
اسلام آباد(آئی این پی )اسلام آباد ہائی کورٹ نے سابق چیف جسٹس ثاقب نثار کی پانامہ کیس کے فیصلے سے متعلق 2021 کی مبینہ آڈیو لیک کے حوالے سے کمیشن تشکیل دینے کی درخواست خارج کردی۔اسلام آباد ہائی کورٹ نے درخواست عدم پیروی پر خارج کی، عدالت میں کیس کال ہونے پر درخواست گزار کی جانب سے کوئی پیش نہ ہوا، جسٹس محمد آصف نے درخواست عدم پیروی پر خارج کردی۔سابق چیف جسٹس ثاقب نثار کی 2021 میں مبینہ آڈیو سامنے آئی تھی، مبینہ آڈیو میں سابق چیف جسٹس پانامہ کیس کے فیصلے سے متعلق ہدایات دے رہے تھے۔سندھ ہائیکورٹ بار کے سابق صدر صلاح الدین نے مبینہ آڈیو پر کمیشن تشکیل کی درخواست دائر کی تھی، سابق چیف جسٹس اطہر من اللہ نے دلائل کے بعد درخواست قابل سماعت ہونے پر فیصلہ محفوظ کیا تھا۔
9 مئی و توشہ خانہ کیسز؛ عمران خان اور بشریٰ بی بی کی عبوری ضمانتوں میں توسیع