چیمپئینز ٹرافی کی انعامی رقم کا اعلان:فاتح ٹیم کو 62 کروڑ روپے ملیں گے
اشاعت کی تاریخ: 14th, February 2025 GMT
دبئی:انٹرنیشنل کرکٹ کونسل (آئی سی سی) نے چیمپئینز ٹرافی 2025ء کے لیے انعامی رقم کا اعلان کر دیا ہے۔ اس بار ٹورنامنٹ کی انعامی رقم میں نمایاں اضافہ کیا گیا ہے جو کہ 2017 کے مقابلے میں 53 فیصد زیادہ ہے۔
چیمپئینز ٹرافی جیتنے والی ٹیم کو 2.24 ملین ڈالر (تقریباً 62 کروڑ پاکستانی روپے) کی خطیر رقم دی جائے گی۔ رنر اپ ٹیم کو 1.
ٹورنامنٹ کے گروپ مرحلے میں ہر جیت پر فاتح ٹیم کو 34,000 ڈالر (تقریباً 94 لاکھ پاکستانی روپے) ملیں گے جب کہ ٹورنامنٹ میں پانچویں اور چھٹے نمبر پر آنے والی ٹیموں کو 350,000 ڈالر (تقریباً 9 کروڑ 70 لاکھ پاکستانی روپے)۔ ساتویں اور آٹھویں نمبر کی ٹیموں کو 140,000 ڈالر (تقریباً 3 کروڑ 88 لاکھ پاکستانی روپے) دیے جائیں گے۔
اس کے علاوہ ٹورنامنٹ میں شرکت کرنے والی تمام 8 ٹیموں کو 125,000 ڈالر (تقریباً 3 کروڑ 47 لاکھ پاکستانی روپے) کی ضمانتی رقم بھی دی جائے گی۔
چیمپئینز ٹرافی میں انعامی رقم میں اضافے کا مقصد ٹیموں کی حوصلہ افزائی کرنا اور ٹورنامنٹ کی اہمیت کو بڑھانا ہے۔ یہ ٹورنامنٹ نہ صرف کرکٹ کے شائقین کے لیے ایک میگا ایونٹ ہے بلکہ یہ ٹیموں کے لیے بھی ایک بڑا موقع ہوگا کہ وہ خطیر انعامی رقم کے ساتھ ساتھ عالمی شہرت بھی حاصل کریں۔
پاکستان میں منعقد ہونے والی چیمپئینز ٹرافی کو لے کر کرکٹ دنیا میں بہت زیادہ توقعات وابستہ ہیں۔ یہ ٹورنامنٹ نہ صرف کھلاڑیوں بلکہ کرکٹ کے مداحوں کے لیے بھی ایک یادگار تجربہ ثابت ہوگا۔
انعامی رقم میں اضافے کے ساتھ ساتھ آئی سی سی نے یہ بھی یقینی بنایا ہے کہ ہر ٹیم کو ٹورنامنٹ میں شرکت کے لیے معقول معاوضہ ملے۔ اس اقدام سے نہ صرف ٹیموں کی حوصلہ افزائی ہوگی، بلکہ یہ کرکٹ کے معیار کو بھی بہتر بنانے میں مددگار ثابت ہوگا۔
ذریعہ
ذریعہ: Jasarat News
کلیدی لفظ: لاکھ پاکستانی روپے چیمپئینز ٹرافی ٹیموں کو 000 ڈالر کے لیے ٹیم کو
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم