سندھ کو منشیات سے پاک کرنا چاہتے ہیں‘ مکیش چاولہ
اشاعت کی تاریخ: 18th, February 2025 GMT
کراچی (اسٹاف رپورٹر)سندھ کے وزیر ایکسائز اینڈٹکیسیشن مکیش کمار چاؤلہ نے کہا ہے کہ حکومت سندھ معاشرے کو منشیات سے پاک کرنے کے معاملے میں سنجیدہ ہے ، اس حوالے سے اہم اقدامات کیے گئے ہیں، اگر کہیں منشیات فروخت ہورہی ہیں تو ارکان اسمبلی نشاندہی کریں ہمارا محکمہ فوری طور پر ایکشن لے گا۔منشیات کے عادی افراد کی بحالی کے زیادہ تر مراکز حکومت سندھ خود چلارہی ہے۔انہوں نے یہ بات پیر کو سندھ اسمبلی میں محکمہ ایکسائیز نارکوٹکس اینڈ ٹیکسیشن کے متعلق وقفہ سوالات کے دوران ارکان کے مختلف تحریری اور ضمنی سوالوں کا جواب دیتے ہوئے کہی۔ارکان سندھ اسمبلی کی جانب سے اس امر پر تشویش کا اظہار کیا گیا کہ سندھ میں منشیات کا استعمال بڑھتا جارہا ہے پلوں کے نیچے نشے بازوں نے ڈیرے ڈالے ہوئے ہیں اور ان کی طرف کسی کی توجہ نہیں ہے۔مکیش چالہ نے کہا کہ میں فلور پر کھڑا ہوکر چیلنج کرتا ہوں کہ آئیں مجھے دکھائیں ڈرگز کہاں
بکتی ہیں میں آپ کے ساتھ جاکر ایکشن لوں گا۔ انہوں نے کہا کہ منشیات کی بحالی کے جتنے بھی سینٹرز ہیں وہ حکومت سندھ کے ہیں اور محکمہ صحت کے ہیں۔ پی ٹی آئی کے رکن سجاد سومرو نے کہا کہ لیاری میں ری ہیب سینٹر موجود ہے۔ لیاری میں سرعام ڈرگز فروخت ہوتی ہیں۔ جس پر وزیر ایکسائز نے کہا کہ میں آپ کے ساتھ وہاں جاؤں گا مجھے دیکھانا کہ کہاں منشیات فروخت ہورہی ہیں ہم کسی کو بھی منشیات فروخت کرنے نہیں دیں گے اگرپولیس ملوث ہے تو اس کے خلاف بھی کارروائی کریں گے۔بہت سے ارکان نے اپنے اپنے حلقوں میں منشیات کی کھلے عام فروخت کی بھی شکایت کی۔ پیپلز پارٹی کے نادر اکمل لغاری نے کہا کہ ہماری ینگ جنریشن ختم ہوتی جا رہی ہے۔ پراسیکیوشن بھی صحیح کام نہیں کررہا۔صوبائی وزیر نے کہا کہ منشیات کے خلاف حکومت کے دوسرے محکمے بھی بہت زیادہ فعال طریقے سے کام کررہے ہیں اس حوالے سے عوامی آگاہی بھی بہت ضروری ہے۔
مکیش چاولہ
ذریعہ
ذریعہ: Jasarat News
کلیدی لفظ: نے کہا کہ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار