چیمپئنز ٹرافی 2017،جب پاکستان نے دنیا کو حیران کر دیا
اشاعت کی تاریخ: 19th, February 2025 GMT
پاکستان دنیائے کرکٹ کی ایک اہم قوت ہے لیکن جب بات عالمی ایونٹس کی آتی ہے تو اس نے بس گنتی کے 3 ہی ٹاپ آئی سی سی ٹورنامنٹس جیتے ہیں ، ان میں سے ایک چیمپئنز ٹرافی ہے، جب 2017 میں پاکستان نے سرفراز احمد کی قیادت میں چیمپئنز ٹرافی جیت کر دنیا کو حیران کر دیا تھا۔
یہ ٹورنامنٹ اس وقت کی ٹاپ 8 رینکڈ ٹیموں کے درمیان یکم سے 18 جون تک انگلینڈ میں کھیلا گیا، پاکستان نے اوول میں کھیلے گئے فائنل میں بھارت کو 180 رنز سے شکست دے کر پہلی بار چیمپئنز ٹرافی جیتنے کا اعزاز حاصل کیا، یہ کسی بھی آئی سی سی ون ڈے ٹورنامنٹ کے فائنل میں حاصل ہونے والی سب سے بڑی فتح تھی، بارش اور خراب موسم کی وجہ سے اس ٹورنامنٹ کے 15 میں سے 5 میچز متاثر ہوئے تھے۔
اس وقت آئی سی سی ون ڈے رینکنگ کی 2 ٹیمیں جنوبی افریقہ اور آسٹریلیا ابتدائی راؤنڈ سے ہی باہر ہوگئی تھی، 2015 میں ورلڈ چیمپئن بننے والا آسٹریلیا اپنے تینوں گروپ میچز میں سے ایک بھی نہیں جیت سکا، 2015 ورلڈکپ کی دوسری فائنلسٹ ٹیم نیوزی لینڈ بھی گروپ اسٹیج سے ہی باہر ہوگئی تھی، وہ بھی اس ٹورنامنٹ میں ایک میچ بھی نہیں جیت سکی تھی، گروپ اے سے انگلینڈ اور بنگلہ دیش جبکہ گروپ بی سے پاکستان اور بھارت نے سیمی فائنلز کیلیے کوالیفائی کیا تھا۔ اس ٹورنامنٹ میں پاکستان ٹیم نے اپنے سفر کا آغاز بھارت کے خلاف برمنگھم کے ایجبسٹن اسٹیڈیم میں کیا۔
گرین شرٹس کو بارش سے متاثرہ اس میچ میں ڈک ورتھ لوئس میتھڈ کے تحت 124 رنز سے شکست ہوئی، پہلے یہ میچ 48 اوورز فی سائیڈ تک محدود کیا گیا تھا، پاکستان نے ٹاس جیت کر پہلے فیلڈنگ کا فیصلہ کیا، بھارت نے 3 وکٹ پر 319 رنز کا ٹوٹل اسکور بورڈ پر سجا دیا، روہت شرما نے 91 رنز کی اننگز کھیلی، ویراٹ کوہلی ناٹ آؤٹ 81، شیکھر دھون 68 اور یوراج سنگھ 53 رنز کے ساتھ نمایاں رہے تھے، وہاب ریاض نے چیمپئنز ٹرافی کی تاریخ کی سب سے بدتر بولنگ کرتے ہوئے بغیر کسی وکٹ کے 87 رنز کی پٹائی برداشت کی تھی، جواب میں مزید بارش کی وجہ سے گرین شرٹس کو 41 اوورز میں 289 رنز کا ہدف ملا مگر ٹیم 33.
پاکستان کا ٹورنامنٹ میں دوسرا میچ جنوبی افریقہ کے خلاف بھی بارش سے متاثر ہوا مگر اس بار گرین شرٹس نے ڈی ایل ایس پر 19 رنز سے کامیابی سمیٹی، پروٹیز نے 50 اوورز میں 8 وکٹ پر 219 رنز بنائے، حسن علی نے 3 وکٹیں لیں، جواب میں پاکستان نے 27 اوورز میں 3 وکٹ پر 119 رنز بنائے تھے کہ بارش شروع ہوگئی، جس کی وجہ سے باقی میچ ممکن نہیں ہوسکا ، مطلوبہ رن ریٹ سے آگے ہونے کی وجہ سے گرین شرٹس کو فاتح قرار دیا گیا۔
ون ڈے ڈیبیو کرنے والے فخر زمان نے 31 رنز بنائے۔ پاکستان کا تیسرا اور آخری گروپ میچ سری لنکا سے ہوا، جس میں ٹیم نے 3 وکٹ سے کامیابی سمیٹی، سری لنکا کی ٹیم 236 پر آؤٹ ہوئی، جنید خان نے 3 وکٹیں لیں، جواب میں گرین شرٹس نے 7 وکٹ پر ہدف حاصل کرلیا، کپتان سرفراز احمد نے ناقابل شکست 61 رنز بنائے، اس طرح پاکستان نے سیمی فائنل کا ٹکٹ کٹوا لیا، جہاں پر اس کا مقابلہ میزبان انگلینڈ سے ہوا، کارڈف کے صوفیہ گارڈنز پر کھیلے گئے اس میچ کا ٹاس پاکستان نے جیتا اور حسب سابق پہلے فیلڈ سنبھالی، انگلش ٹیم آخری اوور میں 211 رنز بناکر آؤٹ ہوگئی، جو روٹ 46 رنز کے ساتھ ٹاپ اسکورر رہے، حسن علی نے 3 کھلاڑیوں کو آؤٹ کیا، جواب میں پاکستان نے صرف 2 وکٹیں گنوا کر ہدف آسانی سے حاصل کرلیا، اظہر علی نے 76اور فخر زمان نے 57 رنز بنائے، بابراعظم 38 اور حفیظ 31 رنز پر ناٹ آؤٹ رہے۔ دوسرے سیمی فائنل میں بھارت نے بنگلہ دیش کو 9 وکٹ سے زیر کیا۔
اب 18 جون کو لندن کے اوول گراؤنڈ پر روایتی حریف پاکستان اور بھارت ٹرافی کیلیے فیصلہ کن جنگ میں صف آرا ہوئے، اس بار ٹاس بھارت نے جیتا اور پاکستان کو پہلے بیٹنگ دی اور یہی فیصلہ گلے پڑگیا، اوپنرز اظہر علی اور فخرزمان نے ٹیم کو 128 رنز کی مضبوط بنیاد فراہم کی، اظہر 59 رنز بناکر رن آؤٹ ہوئے تو فخر کو بابر نے جوائن کیا، دونوں مجموعے کو 200 تک لے گئے، فخر 114 رنز کی شاندار اننگز کھیل کر ہردیک پانڈیا کی وکٹ بنے، کیچ جڈیجا نے تھاما، فخر نے 106 بالز کا سامنا کرتے ہوئے 3 چھکے اور 12 چوکے جڑے، شعیب ملک 12 رنز پر آؤٹ ہوئے، بابر کو 46 کے انفرادی اسکور پر جادھیو نے یوراج کی مدد سے قابو کیا تو پاکستان کا اسکور 267 تھا، اس کے بعد بھارت کو مزید کوئی وکٹ نہیں ملی، محمد حفیظ اور عماد وسیم کے درمیان پانچویں وکٹ کیلیے 71 رنز کی ناقابل شکست شراکت نے ٹوٹل کو 4 وکٹ پر 338 تک پہنچایا، حفیظ 5 اور عماد 25 رنز پر ناٹ آؤٹ رہے۔
جواب میں بھارتی ٹیم کے ٹاپ آرڈر کو محمد عامر کی تباہ کن بولنگ نے زمین بوس کردیا، 33 پر 3 اور 54 رنز تک پہنچنے تک بھارت کے 5 پلیئرز میدان بدر ہوگئے، روہت صفر، کوہلی 5 اور دھونی صرف 4 رنز بناسکے، درمیان میں ہردیک پانڈیا نے کچھ ہمت کرتے ہوئے 43 بالز پر 6 چھکوں کی مدد سے 76 رنز بنائے مگر ان کے رن آؤٹ ہونے کے بعد کوئی بھی پاکستانی بولنگ کے سامنے نہیں ٹھہر سکا اور پوری بھارتی ٹیم 158 رنز پر ڈھیر ہوگئی۔
عامر اور حسن علی نے 3، 3 جبکہ شاداب خان نے 2 وکٹیں لیں۔ فخر زمان کو فائنل جبکہ حسن علی کو سب سے زیادہ 13 وکٹیں لینے پر ٹورنامنٹ کا بہترین کھلاڑی قرار دیا گیا۔ یہ چیمپئنز ٹرافی کا آخری ایڈیشن تھا، جس کے بعد یہ ٹورنامنٹ ختم کردیا گیا ، اب اس کی دوبارہ واپسی ہورہی ہے، پاکستان اپنے ہی ہوم گراؤنڈز پر اس ٹائٹل کا دفاع کرے گا جو اس نے سرفراز احمد کی قیادت میں جیتا تھا۔
ذریعہ: Express News
کلیدی لفظ: چیمپئنز ٹرافی میں پاکستان پاکستان نے اوورز میں کی وجہ سے بھارت نے جواب میں نے 3 وکٹ حسن علی رنز کی وکٹ پر علی نے
پڑھیں:
پاکستان کے حلوہ پوری اورسری پائے دنیا کے 100 بہترین ناشتوں کی فہرست میں شامل
پاکستان کے حلوہ پوری اورسری پائے دنیا کے 100 بہترین ناشتوں کی فہرست میں شامل WhatsAppFacebookTwitter 0 9 June, 2025 سب نیوز
ذائقوں کا انسائیکلوپیڈیا کہلانے والی میگزین ٹیسٹ اٹلس نے سو شاندار ناشتوں کی فہرست جاری کردی۔
دنیا کے بہترین ناشتوں میں پاکستان کے دو روایتی ناشتے شامل کرلیے گئے ہیں،پاکستان کے حلوہ پوری اور سری پائے کو 100 شاندار ناشتوں کی فہرست میں شامل کیا گیا۔
فہرست میں پاکستانی حلوہ پوری 33 نمبر پرہےجبکہ سری پائے کو 40 نمبر میں رکھا گیا ہے,ترکیہ کا روایتی ناشتہ’کہوالتی’ کو سب سے اعلیٰ ناشتہ قرار دیا گیا,جس میں روایتی قہوے کےساتھ درجن بھر اشیا میز پر سجائی جاتی ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت سندھ طاس معاہدہ معطل نہیں کر سکتا، پانی روکنا اعلان جنگ ہوگا، بلاول بھٹو پنجاب میں نان رجسٹرڈ ریسٹورنٹ اور شادی ہالوں کی رجسٹریشن کا فیصلہ عیدالاضحیٰ کے دوسرے دن بھی سی ڈی اے سولڈ ویسٹ مینجمنٹ ڈائریکٹوریٹ کی انتھک محنت جاری حافظ آباد; شوہر کے سامنے خاتون سے اجتماعی زیادتی کرنے والاایک اورملزم پولیس مقابلے میں ہلاک ڈیرہ اسماعیل خان: گاڑی کھائی میں گرنے سے 4 افراد جاں بحق فیصل آباد: عید کے موقع پر افسوسناک واقعہ، دیرینہ دشمنی پر 3 افراد قتل آج ملک میں کہاں گرمی کی لہر، کہاں آندھی اور کہاں بارش ہوگی؟Copyright © 2025, All Rights Reserved
رابطہ کریں ہمارے بارے ہماری ٹیم
سمبڑیال ضمنی الیکشن: پی ٹی آئی نے دھاندلی کا الزام عائد کردیا