فوڈ پراسیسنگ کی صنعت کوجدید سائنسی بنیاد پر ترقی دی جا سکتی ہے
اشاعت کی تاریخ: 19th, February 2025 GMT
فیصل آباد (کامرس ڈیسک) فیصل آباد چیمبر آف کامرس اینڈانڈسٹریز کے سینئر نائب صدر قیصر شمس گچھا نے لاہور چیمبر کے صدر ابو ذر شاد کی دعوت پرچیمبر کی خصوصی تقریب میں شرکت کی جس میںا سپیشل انویسٹمنٹ فیسلی ٹیشن کونسل کے نیشنل کو آرڈی نیٹر لیفٹیننٹ جنرل سرفراز احمد اور سیکرٹری جمیل احمد قریشی بھی موجود تھے۔اجلاس میں معیشت کو ٹھوس اور پائیدار بنیاد پر استوار کرنے کیلئے حکومت اور اداروں کے باہمی تعاون سے کی جانے والی منظم کوششوں کو سراہا گیا۔ قیصر شمس گچھا نے خاص طور پر گرین پنجاب کے نام سے شروع کئے جانے والے پروگرام کو سراہا جس کے ذریعے زرعی پیداوار کو بڑھانے کے علاوہ فوڈ پراسیسنگ کی صنعت کو بھی جدید سائنسی بنیاد پر ترقی دی جا سکتی ہے۔ انہوں نے کہا کہ کارپوریٹ فارمنگ مستقبل کی ضرورت ہے تاہم بجلی اور زرعی مداخل کی سستے داموں فراہمی سے بھی زرعی پیداوار بڑھانے میں مدد ملے گی۔ انہوں نے اس سلسلے میں آرمی چیف کے ویڑن کو سراہا اور کہا کہ حکومت اور اداروں کی مشترکہ کوششوں سے معیشت کو جلد بحالی کی راہ پر ڈال دیا گیا ہے۔ قیصر شمس گچھا نے سپیشل انویسٹمنٹ فیسلی ٹیشن کونسل کے کو آرڈی نیٹر لیفٹیننٹ جنرل سرفراز کو فیصل آباد چیمبر آف کامرس اینڈانڈسٹریز کے دورے کی دعوت دی جسے انہوں نے قبول کر لیا۔
.ذریعہ: Jasarat News
پڑھیں:
اورنگی ٹائون میں آنکھوں کے سب سے بڑے اسپتال کا سنگ بنیاد رکھ دیاگیا
data-id="863a0a8" data-element_type="widget" data-widget_type="theme-post-content.default">
250916-02-23
کراچی (اسٹاف رپورٹر)ایشیاء کی سب سے بڑی کچی آبادی اورنگی ٹائون میں پریوینشن آف بلائنڈ نیس ٹرسٹ( پی او بی) نے آنکھوں کے سب سے بڑے اسپتال کا سنگ بنیاد رکھ دیا ہے۔اورنگی ٹائون گلشن بہار سے چند منٹ کے مسافت پرامن چوک گلشن ضیاء میں پریوینشن آف بلائنڈ نیس ٹرسٹ( پی او بی) اسپتال کے سب سے بڑے پانچویں کیمپس کی گرائونڈ بریکنگ تقریب منعقد ہوئی، جہاں اورنگی ٹائون کے درجنوں افراد خوشی اور شکرگزاری کے جذبات کے ساتھ موجود تھے۔سنگ بنیاد رکھنے اس تقریب سے پاکستان اسلامک میڈیکل ایسوسی ایشن (پیما) کے مرکزی صدر پروفیسر ڈاکٹر عاطف حفیظ صدیقی،سیکرٹری پی او بی ٹرسٹ ڈاکٹر شایان شادمانی ، ڈاکٹر مصباح الدین عزیز چیئر مین پی او بی ٹرسٹ، معروف طبی ماہرین ڈاکٹر اظہر چغتائی، ڈاکٹر ثاقب انصاری،ڈاکٹر شاہد نور،ڈاکثر خالد مجیدسمیت دیگر نے خطاب کیا اس موقعے پر امیر جماعت اسلامی اورنگی ٹاؤن مدثر حسین انصاری سمیت دیگر ذمت داران بھی موجود تھے۔تقریب سے خطاب کرتے ہوئے پی او بی ٹرسٹ کے سیکرٹری ڈاکٹر شایان شادمانی نے کہاکہ اورنگی ٹائون میں پی او بی 4 لیولز کا افتتاحی طور پرا سپتال ہوگا جس میں بیسمنٹ گراونڈ اور فرسٹ اینڈ سیکنڈ فلور ہوں گے ،ہمارا مین اسپتال وہ بھی 6 سو گز پر مشتمل ہے اوریہ 800گز پر اورنگی ٹائون میں ایک بڑا اسپتال ہوگا اور آئندہ آنے والے سال میں بڑی تعداد میں اورنگی ٹاؤن کی عوام کی بھرپور طریقے سے خدمت کرسکے گا ہمارے اس اسپتال سے متصیل ایک بڑی جگہ جو 2400 سو گز پر مشتمل ہے وہ اگلے مراحل میں ایکسٹینشن پلان کا حصہ ہے
پی او بی کے تحت اورنگی ٹائون میں آنکھوں کے سب سے بڑے اسپتال کا سنگ بنیاد رکھ دیا گیا۔ اس موقع پر پروفیسر ڈاکٹر عاطف حفیظ صدیقی ودیگر موجود ہیں
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام