چیئرمین سینیٹ کی مسلسل غیرحاضری موضوع بحث بن گئی
اشاعت کی تاریخ: 21st, February 2025 GMT
اسلام آباد(ڈیلی پاکستان آن لائن )سینیٹ کے اجلاس سے چیئرمین یوسف رضا گیلانی کی مسلسل غیر حاضری موضوع بحث بن گئی۔
روز نامہ امت کے مطابق شبلی فراز نے کہاکہ چیئرمین سینیٹ سید یوسف رضا گیلانی نے سینیٹر اعجاز چودھری کے پروڈکشن آرڈر جاری کئے تھے ان پر عمل نہ ہوا۔ چیئرمین سینیٹ ایوان کی عزت کے لئے خاموشی سے لڑ رہے ہیں، ہم چیئرمین سینیٹ کے ساتھ کھڑے ہیں،سینیٹر عرفان صدیقی نے کہا کہ ہم سب مل کر سید یوسف رضا گیلانی کو منائیں گے۔سینیٹ اجلاس پریذائیڈنگ افسرعرفان صدیقی کی زیرصدارت جاری ہے، شہید سکیورٹی اہلکاروں کی شہادت پر دعائے مغفرت کرائی گئی۔ دعائے مغفرت سینیٹر شہادت اعوان نے کرائی۔
پریذائیڈنگ افسرعرفان صدیقی نے ایوان میں کہا کہ پنجاب اوربلوچستان کے درمیان کوئی منافرت نہیں، دہشت گردی کے واقعات منافرت نہیں پھیلا سکتے۔شبلی فراز نے وزرا کی عدم موجودگی پر سوالات اٹھاتے ہوئے کہا کہ وقفہ سوالات کے دوران وزراء ایوان میں موجود نہیں ہیں۔ جس کے بعد سینیٹ اجلاس میں وقفہ سوالات معطل کر دیا۔پریزائیڈنگ افسر نے کہا کہ وزرا ایوان میں نہیں ہیں، تھوڑی دیر بعد وقفہ سوالات دوبارہ لیں گے۔
شبلی فرازن نے کہا کہ چیئرمین سینیٹ ایوان میں مسلسل نہیں آرہے، چیئرمین سینیٹ کا ایوان سے غیرحاضر رہنا سمجھ سے باہر ہے، چیئرمین نے اعجازچودھری کے پروڈکشن آرڈرجاری کئے تھے۔ چیئرمین سینیٹ کے پروڈکشن آرڈر پر عملدرآمد نہیں ہوا، چیئرمین سینیٹ ایوان کی عزت کیلئے خاموشی سے لڑرہے ہیں۔
انھوں نے کہا کہ پنجاب حکومت نے پروڈکشن آرڈر کی بے توقیری کی، ہم چیئرمین سینیٹ کے ساتھ کھڑے ہیں، ہم نے کوشش کی ڈپٹی چیئرمین کی بھرپورحمایت کریں، ڈپٹی چیئرمین قانون کونہیں سمجھتے تھے پھربھی سپورٹ کیا۔
شبلی فراز نے اظہارِ خیال کرتے ہوئے کہا کہ ڈپٹی چیئرمین سینیٹ کا مقام سب کیلئے برابر ہے، ڈپٹی چیئرمین کا رویہ جارحانہ اور متنازع ہوتا جا رہا ہے، کے پی سینیٹرز کی ایوان میں نمائندگی دی جائے، ڈپٹی چیئرمین سینیٹ کواپوزیشن سے معافی مانگنی چاہئے، اپوزیشن کے معطل سینیٹرز کو بحال کیا جائے۔
پریذائیڈنگ افسرنے کہا کہ چیئرمین سینیٹ یوسف رضا گیلانی کومل کرمنائیں گے، حکومت اوراپوزیشن کے سینیٹرز منانے جائیں گے۔
وفاقی وزیر امور کشمیر انجینئر امیر مقام نے علی امین گنڈا پورکا مناظرے کا چیلنج قبول کرلیا
مزید :.ذریعہ: Daily Pakistan
کلیدی لفظ: یوسف رضا گیلانی چیئرمین سینیٹ ڈپٹی چیئرمین ایوان میں نے کہا کہ سینیٹ کے
پڑھیں:
سید یوسف رضا گیلانی سے نیپال کی سفیر ریتا دھیتال کی ملاقات،دوطرفہ تعلقات کو مزید مضبوط بنانے کے عزم کا اعادہ
اسلام آباد (اُردو پوائنٹ اخبارتازہ ترین - این این آئی۔ 23 جولائی2025ء)چیئرمین سینیٹ سید یوسف رضا گیلانی نے کہا ہے کہ پاکستان نیپال کے ساتھ اپنے برادرانہ تعلقات کو انتہائی قدر کی نگاہ سے دیکھتا ہے،جو مشترکہ تاریخ، ثقافتی رشتوں اور باہمی احترام پر مبنی ہیں، دوطرفہ تعلقات کو مزید مضبوط بنانے کے عزم کا اعادہ کرتے ہوئے سید یوسف رضا گیلانی نے زور دیا کہ اعلیٰ سطحی پارلیمانی و سفارتی روابط دونوں ممالک کے درمیان تعاون کو گہرا کرنے میں کلیدی کردار ادا کرتے ہیں اور ایسے روابط کے تسلسل میں اضافے کی اشد ضرورت ہے۔چیئرمین سینیٹ نے یہ بات نیپال کی پاکستان میں نو تعینات سفیر ریتا دھیتال سے اسلام آباد میں ملاقات کے دوران کہی۔ انہوں نے سفیر کو ان کی تعیناتی پر دلی مبارکباد دی اور پاکستان میں ان کی سفارتی ذمہ داریوں کے لیے نیک خواہشات کا اظہار کیا۔(جاری ہے)
ملاقات کے دوران چیئرمین سینیٹ نے اس امر پر زور دیا کہ موجودہ دوطرفہ تجارتی حجم دونوں ممالک کے درمیان موجود حقیقی استعداد اور خیرسگالی کا عکاس نہیں۔
مالی سال 2024-25 میں دوطرفہ تجارت کا حجم صرف 6.47 ملین امریکی ڈالر رہا۔ انہوں نے دفاعی شعبے میں بڑھتے ہوئے تعاون پر اطمینان کا اظہار کرتے ہوئے کہا کہ پاکستان نے نیپالی افواج کے لیے 101 تربیتی نشستیں مفت فراہم کیں، جن میں سے 31 پر عملدرآمد کیا جا چکا ہے۔تعلیمی تعاون کے فروغ کے حوالے سے چیئرمین سینیٹ نے کہا کہ پاکستان ٹیکنیکل اسسٹنس پروگرام (PTAP) کے تحت ہر سال نیپالی طلبہ کو 25 وظائف فراہم کرتا ہے اور یہ سلسلہ آئندہ بھی جاری رہے گا۔مذہبی سیاحت کے شعبے پر روشنی ڈالتے ہوئے چیئرمین سینیٹ نے پاکستان اور نیپال کے درمیان مشترکہ بدھ مت ورثے کا ذکر کیا۔ انہوں نے ٹیکسلا اور لمبنی کے تاریخی روابط کو مذہبی سیاحت کے عملی مواقع میں بدلنے کی ضرورت پر زور دیا۔ سید یوسف رضا گیلانی نے نیپالی شہریوں کو پاکستان میں مذہبی سیاحت کے لیے مدعو کرتے ہوئے کہا کہ پاکستان میں مذہبی سیاحت سے وہ مستفید ہوسکتیں ہیں۔انہوں نے دونوں ممالک کو درپیش ماحولیاتی تبدیلیوں کے منفی اثرات پر تشویش کا اظہار کرتے ہوئے کہا کہ اس چیلنج سے نمٹنے کے لیے دوطرفہ، علاقائی اور عالمی سطح پر قریبی تعاون اور حکمت عملی اختیار کرنا نا گزیر ہے۔ چیئرمین سینیٹ نے جنوبی ایشیا میں علاقائی تعاون کے مؤثر پلیٹ فارم کے طور پر سارک (SAARC) کو دوبارہ فعال بنانے کی خواہش کا اعادہ کیا۔ انہوں نے نیپال کے موجودہ چیئر اور میزبان کے طور پر کردار کو سراہا اور امید ظاہر کی کہ تنظیم کی مکمل سرگرمیاں جلد بحال ہوں گی۔آخر میں چیئرمین سینیٹ نے سفیر کے لیے کامیاب سفارتی مدت کی نیک خواہشات کا اظہار کیا۔ سفیر نے چیئرمین سینیٹ کا شکریہ ادا کیا اور ان کے خیالات سے مکمل اتفاق کیا۔
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق