حافظ نعیم الرحمان کا بڑی احتجاجی تحریک شروع کرنے کا اعلان
اشاعت کی تاریخ: 24th, February 2025 GMT
لاہور:
جماعت اسلامی نے رمضان المبارک کے بعد بڑی احتجاجی تحریک شروع کرنے کا فیصلہ کرلیا۔
امیر جماعت اسلامی حافظ نعیم الرحمان کی زیر صدارت منصورہ لاہور میں جماعت اسلامی کی مرکزی مجلس شوری کے اجلاس میں عوامی حقوق کے لیے جاری تحریک سمیت ملکی سیاسی صورتحال کا جائزہ لیا گیا۔
حافظ نعیم الرحمان نے شوریٰ کے فیصلوں سے میڈیا کو آگاہ کرتے ہوئے بتایا کہ رمضان المبارک کے بعد پہلے مرحلے میں مین شاہراہوں پر دھرنے دیں گے، پھر گورنر ہاؤس اور وزیر اعلیٰ ہاؤس کا گھیراؤ کیا جائے گا، حکومت کے لئے پھر عوام کو ریلیف دینے کے علاؤہ کوئی آپشن نہیں ہوگا۔
انہوں نے کہا کہ ائی پی پیز کے معاہدہ میں تبدیلی کے باوجود عوام کو ریلیف نہیں مل رہا، عوام کو بجلی کے بلوں اور پیٹرول کی قیمت میں بڑا ریلیف ملنا چاہئے۔
حافظ نعیم الرحمان نے کہا کہ ملک میں امن و امان کی بدترین صورتحال ہے، قبائلی علاقوں میں حالات زیادہ سنگین ہیں، بلوچستان میں ہزاروں لوگ لاپتہ ہیں، ریاست جب خود آئین کو پامال کریں گی لوگ کیسے آئین پر عمل کریں گے۔
.ذریعہ: Express News
کلیدی لفظ: حافظ نعیم الرحمان
پڑھیں:
مینار پاکستان غزہ ملین مارچ، تحریک بیداری امت مصطفیٰ کا بھرپور شرکت کا اعلان
ترجمان تحریک بیداری کا کہنا ہے کہ ہم اس کا خیر مقدم کرتے ہیں اور عوام سے اپیل کرتے ہیں کہ اس اجتماع میں بھرپور شرکت کرکے اپنی انسانی و اسلامی غیرت و حمیت کا ثبوت دیں۔ اس حوالے سے تحریک بیداری امت مصطفیٰ نے اپنے کارکنوں کو بھی کل کے جلسے میں شریک ہونے کی ہدایت کر دی ہے۔ اسلام ٹائمز۔ تحریک بیداری امت مصطفیٰ نے آج مینار پاکستان لاہور میں ہونیوالے جلسے کی بھرپور حمایت کا اعلان کر دیا۔ ترجمان تحریک کے مطابق آج 27 اپریل کو مینار پاکستان گراونڈ میں فلسطین و غزہ کی حمایت میں ’’مجلس اتحاد امت‘‘ کے زیراہتمام غزہ ملین مارچ کا اعلان کیا گیا ہے۔ ترجمان تحریک بیداری کا کہنا ہے کہ ہم اس کا خیر مقدم کرتے ہیں اور عوام سے اپیل کرتے ہیں کہ اس اجتماع میں بھرپور شرکت کرکے اپنی انسانی و اسلامی غیرت و حمیت کا ثبوت دیں۔ اس حوالے سے تحریک بیداری امت مصطفیٰ نے اپنے کارکنوں کو بھی جلسے میں شریک ہونے کی ہدایت کر دی ہے۔ ترجمان کا کہنا ہے کہ جہاں بھی فلسطین کیلئے آواز اٹھائی جائے گی ہم اس کی حمایت کریں گے۔
دوسری جانب جماعت اسلامی نے فیصلہ کیا ہے کہ صرف جماعت کی اعلیٰ قیادت ہی جلسے میں شریک ہوگی۔ جماعت کی طرف سے کارکنوں کو کوئی ہدایات جاری نہیں کی گئیں۔ ذرائع کے مطابق جماعت کے رہنماوں کا کہنا ہے کہ جماعت کے کارکن اپنے طور پر شرکت کرنا چاہیں تو جا سکتے ہیں۔ قیادت کی جانب سے کوئی ہدایات جاری نہیں کی گئیں؟۔ یاد رہے کہ جمعیت علمائے اسلام (ف) کی جانب سے غزہ ملین مارچ کیا جا رہا ہے، جس میں شرکت کیلئے مختلف مذہبی و سیاسی جماعتوں کو دعوت دینے کیلئے ’’مجلس اتحاد امت‘‘ کا پلیٹ فارم استعمال کیا گیا ہے۔
پاکستان اور یو اے ای کے درمیان مفاہمت کی یادداشتوں پر دستخط