دلہے کا 31 لاکھ روپے جہیز لینے سے انکار، عزت کی خوبصورت مثال قائم
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی:ھارت میں ایک نوجوان دلہے نے سسرال کی جانب سے جہیز میں پیش کیے گئے لاکھوں روپے ٹھکرا کر معاشرے کو ایک مضبوط اور مثبت پیغام دے دیا۔ 26 سالہ دلہے کے اس فیصلے نے نہ صرف شادی کی تقریب میں موجود افراد کو حیران کیا بلکہ ملک بھر میں تعریفوں کے چرچے بھی شروع ہوگئے۔
عالمی میڈیا رپورٹس کے مطابق یہ واقعہ 22 نومبر کو ریاست اُترپردیش کے ضلع مظفرنگر میں پیش آیا، جہاں شادی کی تقریب کے دوران دلہن کے گھر والوں نے روایتی رسم کے تحت 31 لاکھ بھارتی روپے جو پاکستانی کرنسی میں تقریباً 97 لاکھ روپے بنتے ہیں، ایک تھال میں سجا کر دلہے کے سامنے رکھے۔
رپورٹس کے مطابق 24 سالہ دلہن کے والد کورونا کے دوران انتقال کر گئے تھے، اور یہ رقم ان کی زندگی بھر کی محنت کی کمائی تھی، جب دلہے کو یہ علم ہوا تو اس نے فوری طور پر جہیز لینے سے انکار کر دیا اور سب کے سامنے کہا کہ ،یہ میری حق تلفی ہے، یہ رقم دلہن کے والد کی کمائی ہے، میں اسے قبول نہیں کرسکتا، اس موقع پر دلہے نے صرف 1 روپیہ بطور شگون قبول کیا۔
تقریب میں شریک افراد کا کہنا تھا کہ دلہے کے اس فیصلے نے وہاں موجود ہر شخص کے دل کو چھو لیا اور روایت سے ہٹ کر لیے گئے اس اقدام نے ماحول کو جذباتی بنا دیا۔ دلہے کے والدین نے بھی اپنے بیٹے کی سوچ کی مکمل حمایت کی جبکہ دلہن کے اہل خانہ نے اس عزت افزائی پر اسے دل سے دعا دی۔
بعد ازاں شادی کی تمام رسومات خوشی اور مسکراہٹ کے ساتھ انجام پائیں اور دلہن احترام اور اعتماد کے ساتھ اپنے نئے گھر رخصت ہوئی۔
تقریب میں موجود مہمانوں نے اس عمل کو جہیز جیسی فرسودہ روایت کے خلاف ایک مضبوط اور عملی قدم قرار دیا اور کہا کہ معاشرے کو ایسی ہی مثالوں کی ضرورت ہے تاکہ نئی نسل اس لعنت سے آزادی پا سکے۔
ذریعہ
ذریعہ: Jasarat News
کلیدی لفظ: دلہن کے
پڑھیں:
ماہرین فلکیات نے مقناطیسی میدان رکھنے والے سیاروں کا سراغ لگا لیا
ماہرین فلکیات نے نظام شمسی سے باہر موجود سیاروں (ایگزوپلینیٹس) میں مقناطیسی میدانوں کے شواہد دریافت کر لیے ہیں جسے اس حوالے سے اب تک کا مضبوط ترین ثبوت قرار دیا جا رہا ہے۔
یہ بھی پڑھیں: کیا پلوٹو کو سیارے کا درجہ دوبارہ مل جائے گا، یہ سیاروں کی فہرست سے نکالا کیوں گیا؟
سائنس دانوں نے چلی اور ہوائی میں نصب جدید دوربینوں کی مدد سے 7 بڑے اور انتہائی گرم گیسوں پر مشتمل سیاروں کا مشاہدہ کیا۔ تحقیق کے دوران ان سیاروں کی فضائی ہواؤں کے غیرمعمولی رویے کا جائزہ لیا گیا جس سے معلوم ہوا کہ ان پر مقناطیسی میدان موجود ہیں۔
یہ تحقیق جریدے نیچر آسٹرونومی میں شائع ہوئی ہے اور اس کے مطابق مقناطیسی میدان وہ غیر مرئی قوت ہے جو کسی سیارے کے اندر موجود پگھلے ہوئے دھاتی مواد کی حرکت اور اس کی گردش سے پیدا ہوتی ہے۔
تحقیق کی سربراہ اور فرانس کے آبزرویٹری ڈی لا کوٹ ڈی آزور سے وابستہ ماہر فلکیات جولیا سیڈل کے مطابق سائنس دانوں کی توقع تھی کہ زیادہ گرم سیاروں پر ہوائیں زیادہ تیز ہوں گی کیونکہ وہاں توانائی کی مقدار زیادہ ہوتی ہے لیکن مشاہدات میں اس کے برعکس نتائج سامنے آئے۔
مزید پڑھیے: 45 نئے سیارے دریافت جہاں زندگی کے امکانات موجود ہیں
انہوں نے کہا کہ سب سے زیادہ گرم سیاروں پر ہواؤں کی رفتار توقع سے کم دیکھی گئی جس سے ظاہر ہوتا ہے کہ ستاروں سے ملنے والی اضافی توانائی کسی اور طریقے سے ضائع ہو رہی ہے۔
ان کے مطابق اس کی سب سے ممکنہ وجہ مقناطیسی میدان اور فضا میں موجود برقی ذرات کے درمیان تعامل ہے۔
تحقیق میں شامل ساتوں سیارے اپنے ستاروں کے انتہائی قریب گردش کرتے ہیں۔ ان کا ایک حصہ مسلسل ستارے کی طرف جبکہ دوسرا حصہ ہمیشہ تاریکی میں رہتا ہے۔ اس قسم کے سیاروں کو ’ہاٹ جیوپیٹر‘ کہا جاتا ہے کیونکہ ان کا حجم اور ساخت مشتری سے ملتی جلتی ہوتی ہے تاہم ان کا درجہ حرارت بہت زیادہ ہوتا ہے۔
ان سیاروں پر ہواؤں کی رفتار بعض مقامات پر 25 ہزار کلومیٹر فی گھنٹہ تک ریکارڈ کی گئی جو نظامِ شمسی کے سب سے بڑے سیارے مشتری کی ہواؤں سے بھی زیادہ ہے۔
مزید پڑھیں: سب سے چھوٹے سیارے عطارد کا وجود ایک معمہ، جانیے اس پراسرار جہان کی حقیقت؟
ماہرین کا کہنا ہے کہ چونکہ نظام شمسی کے بیشتر سیاروں میں مقناطیسی میدان موجود ہیں اس لیے یہ بات حیران کن نہیں کہ دوسرے نظاموں کے سیاروں میں بھی یہ خصوصیت پائی جائے تاہم اب تک اس کے واضح شواہد دستیاب نہیں تھے۔
تحقیق میں شامل جرمنی کے یورپی جنوبی رصدگاہ سے وابستہ ماہر فلکیات بیبیانا پرنوتھ کے مطابق مقناطیسی میدان کسی سیارے کو قابلِ رہائش بنانے کا واحد عنصر نہیں لیکن یہ طویل عرصے تک فضا کو برقرار رکھنے میں اہم کردار ادا کرتا ہے۔
انہوں نے کہا کہ زندگی کے لیے فضا کا موجود ہونا انتہائی ضروری ہے کیونکہ فضا سطحی دباؤ کو برقرار رکھنے، درجہ حرارت کو متوازن رکھنے اور زمین کی طرح مائع پانی کے وجود کو ممکن بناتی ہے۔
یہ بھی پڑھیے: زمین جیسے سیارے کی تلاش ایک دلچسپ جدوجہد، سائنسدان پرامید
ماہرین کے مطابق اگرچہ اس تحقیق میں شامل تمام سیارے گیسوں پر مشتمل ہیں اور زندگی کے لیے موزوں نہیں سمجھے جاتے تاہم ان میں مقناطیسی میدانوں کی موجودگی کی دریافت مستقبل میں زمین جیسے چٹانی سیاروں کے مطالعے اور قابلِ رہائش دنیاوں کی تلاش میں اہم پیش رفت ثابت ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مقناطیسی میدان رکھنے والے سیاروں کا سراغ مقناطیسی میدان رکھنے والے سیارے نظام شمسی ہاٹ جیوپیٹر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ