آئی سی سی چیمپئنز ٹرافی 2025 میں نئی تاریخ رقم
اشاعت کی تاریخ: 27th, February 2025 GMT
آئی سی سی چیمپئنز ٹرافی 2025 میں سنچریوں کی نئی تاریخ رقم ہوگئی ہے۔
بدھ کے روز، انگلش بیٹر جو روٹ نے افغانستان کے خلاف 98 گیندوں پر سنچری اسکور کی، جو اس ٹورنامنٹ کی 11ویں سنچری تھی۔ یہ کسی بھی چیمپئنز ٹرافی ایڈیشن میں سب سے زیادہ سنچریوں کا نیا ریکارڈ ہے۔ اس سے قبل، 2002 اور 2017 کے ایڈیشنز میں 10 سنچریاں بنی تھیں۔
View this post on InstagramA post shared by ESPNcricinfo (@espncricinfo)
اب تک ٹورنامنٹ میں 8 میچز کھیلے جا چکے ہیں جن میں ول ینگ، ٹام لیتھم، توحید ہردوئی، شبمن گل، رائن ریکلٹن، بین ڈکٹ، جوش انگلس، ویرات کوہلی، راچن رویندرا، ابراہیم زادران اور جو روٹ سنچریاں اسکور کر چکے ہیں۔
واضح رہے کہ آئی سی سی چیمپئنز ٹرافی 2025 میں مجموعی طور پر 15 میچز کھیلے جائیں گے۔
.
ذریعہ: Express News
کلیدی لفظ: چیمپئنز ٹرافی
پڑھیں:
اسٹرینجر تھنگز کا پانچواں سیزن کب ریلیز ہوگا، تاریخ سامنے آگئی
نیٹ فلکس کی مقبول ترین سیریز ’اسٹرینجر تھنگز‘ سیریز کا پانچواں سیزن بھی جلد ریلیز کے لیے تیار ہے جس نے شائقین کا جوش بڑھا دیا ہے صارفین کا کہنا ہے کہ یہ ’اسٹریجر تھنگز‘ کے دوستوں کے ساتھ ایک بار پھر جڑنے کا وقت ہے اور پانچویں سیزن کے آنے سے پہلے پچھلے 4 سیزنز کو دوبارہ دیکھ لیں۔
یہ مقبول سائنس فکشن سیریز بچوں کے گروپ کی داستان بیان کرتی ہے جو اپنی دوستی، ہمت اور قربانی کے جذبے کے ساتھ ڈیماگورگنز اور مائنڈ فلیئرز جیسے خوفناک مخلوقات سے لڑتے ہیں اور خطرناک حالات میں بھی ایک دوسرے کا ساتھ نہیں چھوڑتے۔ ان کے قصبے میں اسرار واقعات رونما ہوتے ہیں اور ایک دوسری دنیا کی موجودگی کا انکشاف ہوتا ہے جسے ’اپ سائیڈ ڈاؤن‘ کہا جاتا ہے۔
یہ سیریز پہلی بار 15 جولائی 2016 کو ریلیز ہوئی، اور فوراً ہی دنیا بھر میں پسند کی جانے لگی۔ اسٹرینجر تھنگز کے اب تک 4 سیزن ریلیز ہو چکے ہیں جبکہ پانچواں سیزن آخری ہوگا جس کا ٹریلر ریلیز کردیا گیا ہے۔
پہلا سیزن 2016 میں ریلیز ہوا تھا جس میں ول بائرز نامی لڑکے کے غائب ہونے اور الیون نامی لڑکی کے پراسرار طور پر نمودار ہونے کے واقعات دکھائے گئے تھے۔
دوسرے سیزن میں ’اپ سائیڈ ڈاؤن‘ کے ہاکنز پر بڑھتے ہوئے اثرات اور نئے خطرات کو دکھایا گیا تھا۔ نو سال پہلے ہی الیون (میلی بوبی براؤن) نے پہلی بار اسکرین پر قدم رکھا جو ایک خاموش مگر طاقتور لڑکی تھی۔ یہ جملے مکمل کرنے میں تو ہچکچاتی تھی، لیکن اسکول کے غنڈوں کو سبق سکھانے میں ذرا دیر نہ لگاتی۔
یہ بھی پڑھیں: نیٹ فلکس بھی مصنوعی ذہانت سے تیار کردہ مناظر استعمال کرنے لگا، کچھ طبقے ناخوش وجہ کیا ہے؟
جبکہ تیسرے سیزن میں ہاکنز میں ایک نئی مال کے کھلنے اور سوویت یونین کی خفیہ سرگرمیوں کو نمایاں کیا گیا۔ چوتھا سیزن کافی زیادہ بڑا تھا، جس میں کئی نئے کرداروں کو متعارف کرایا گیا تھا اور کہانی کو ایک نئے خطرناک موڑ پر لے جایا گیا تھا۔
پانچواں اور آخری سیزن 2025 میں ریلیز ہوگا اور اس کی 8 اقساط کے عنوانات کا اعلان کیا جا چکا ہے۔ اس سیزن میں 1987 کے واقعات دکھائے جائیں گے اور یہ ہاکنز کے باشندوں کی ’اپ سائیڈ ڈاؤن‘ کے خلاف آخری جنگ ہو گی، یہ سیریز اپنی بہترین کہانی، مضبوط اداکاری اور 80 کی دہائی کی نوسٹالجیا کی وجہ سے دنیا بھر میں بے حد مقبول ہوئی ہے۔
اسٹرینجر تھنگز سیریز کا آخری سیزن کا پہلا حصہ 26 نومبر کو ریلیز ہو رہا ہے، دوسرا حصہ کرسمس کے دن یعنی 25 دسمبر کو، اور فائنل اور آخری قسط نئے سال کی شام یعنی 31 دسمبر کو نشر کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹرینجر تھنگز نیٹ فلکس ہالی ووڈ
بانی پی ٹی آئی کے بیٹے پاکستان آئیں گے یا نہیں؟ جمائما گولڈ اسمتھ کا مؤقف سامنے آگیا