گوسپ گرل اسٹار 39 برس کی عمر میں انتقال کرگئیں
اشاعت کی تاریخ: 27th, February 2025 GMT
ہالی ووڈ میں بطور چائلڈ اسٹار قدم رکھنے والی معروف امریکی اداکارہ مشیل ٹریچٹن برگ 39 سال کی عمر میں انتقال کرگئیں۔
غیر ملکی خبر رساں ادارے کی رپورٹ کے مطابق اداکارہ مشیل ٹریچٹن برگ اپنے ڈرامے ’بفی دی ویمپائر سلیئر‘ اور ’گوسپ گرل‘ کیلئے مشہور تھیں۔ اداکارہ کو ان کے گھر میں مردہ حالت میں پایا گیا ہے۔
پولیس کا کہنا ہے کہ انہیں بدھ کی صبح 8 بجے نیویارک سٹی میں ان کے اپارٹمنٹ سے ایک ایمرجنسی کال موصول ہوئی، جہاں پہنچ کر پولیس نے مشیل ٹریچٹن کو بے ہوش پایا۔ تاہم طبی عملے نے موقع پر ہی ان کی موت کی تصدیق کر دی تھی۔
View this post on InstagramA post shared by Michelle Trachtenberg (@michelletrachtenberg)
پولیس کے مطابق ابتدائی تحقیقات میں کسی مجرمانہ سرگرمی کا شبہ نہیں ہے کیونکہ اداکارہ طبی مسائل کا شکار تھیں تاہم ان کی موت کی اصل وجہ میڈیکل ایگزامینر کے دفتر سے آئے گی۔
ذرائع نے بتایا کہ مشیل جگر کے مرض میں مبتلا تھیں اور حال ہی میں جگر کی پیوند کاری بھی کروائی تھی اس لئے ممکن ہے کہ ان کی موت طبعی ہو۔
View this post on InstagramA post shared by Viral Bhayani (@viralbhayani)
دوسری جانب اداکارہ کے اہل خانہ نے اس دکھ کی گھڑی میں پرائیویسی فراہم کرنے کی درخواست کرتے ہوئے کوئی بھی تبصرہ کرنے سے انکار کیا ہے۔
.
ذریعہ: Express News
پڑھیں:
اداکارہ خوشبو خان کا ارباز خان سے طلاق کے بیان پر یوٹرن
پاکستانی فلم انڈسٹری کی ماضی کی مقبول اداکارہ خوشبو خان نے اپنی طلاق سے متعلق زیرِ گردش خبروں کو مسترد کر دیا۔حال ہی میں اداکارہ نے مقامی صحافی کو انٹرویو دیا اور علیحدگی سے متعلق اپنے ماضی کے بیان پر یوٹرن لے لیا۔انہوں نے کہا کہ بعض میڈیا اداروں نے خبر چلائی کہ میری اور ارباز کی طلاق ہوگئی، جبکہ میں نے اس وقت کہا تھا کہ آپ اس بارے میں ارباز سے سوال کریں، میں ارباز کے خلاف نہ کبھی گئی ہوں اور نہ جاؤں گی، وہ میرے بچوں کے باپ ہیں اور میں ابھی بھی ان کے نکاح میں ہوں۔اداکارہ خوشبو نے واضح کرتے ہوئے کہا کہ ارباز نے مجھے طلاق نہیں دی۔واضح رہے کہ اس سے قبل خوشبو نے ایک انٹرویو میں ارباز خان پر دھوکا دہی کا الزام عائد کیا تھا اور کہا تھا کہ ارباز میرے لئے سب کچھ تھے لیکن جب بھی کسی مشکل وقت میں مجھے ان کی ضرورت پیش آئی تو وہ میرے ساتھ نہیں تھے، جس پر مجھے بہت افسوس ہوتا ہے۔انہوں نے یہ بھی کہا تھا کہ میرا اور ارباز کا کوئی جھگڑا نہیں ہوا وہ بس بغیر بتائے کہیں چلے گئے اور واپس نہیں آئے، انہیں گئے ہوئے 5 برس بیت چکے ہیں لیکن آج بھی وہ میری یادوں میں میرے ساتھ ہیں، مجھے اس بات کا بہت دکھ ہے کہ مجھے کئی برسوں سے انہیں دیکھنے کا موقع بھی نہیں ملا، مجھے سمجھ نہیں آتی کہ وہ ہمیں چھوڑ کر کیوں چلے گئے۔
جیولین تھرور ارشد ندیم ٹریننگ کیلئے گراؤنڈ میں لوٹ آئے