نیو اسلام آباد ایئرپورٹ کی باڑ کے قریب چیتا آنے سے حکام میں کھلبلی
اشاعت کی تاریخ: 29th, October 2025 GMT
نیو اسلام آباد انٹرنیشنل ایئرپورٹ کی باؤنڈری کے قریب اچانک چیتا نظر آنے سے حکام میں کھلبلی مچ گئی۔ ایئرپورٹ انتظامیہ نے فوری طور پر محکمہ وائلڈ لائف کو اطلاع دے دی۔
ذرائع کے مطابق، چیتا گزشتہ رات ایئرپورٹ کی باڑ کے قریب دیکھا گیا۔ اس کی موجودگی کو سی سی ٹی وی فوٹیج اور پٹرولنگ پر موجود اہلکاروں نے بھی نوٹ کیا۔ فوٹیج میں چیتے کو باڑ کے ساتھ ساتھ جنگل کی سمت بھاگتے ہوئے واضح طور پر دیکھا جا سکتا ہے۔
ابتدائی طور پر واقعے کی اطلاع محکمہ وائلڈ لائف اسلام آباد کو دی گئی، تاہم چونکہ ایئرپورٹ کا علاقہ پنجاب کی حدود میں آتا ہے، اس لیے معاملہ بعد ازاں محکمہ وائلڈ لائف پنجاب، راولپنڈی کے حوالے کر دیا گیا۔
وائلڈ لائف کی ٹیم نے جائے وقوعہ کا دورہ کیا اور وہاں سے چیتے کے پنجوں کے نشانات بھی دریافت کیے، تاہم چیتا اس وقت تک گھنے جنگل کی جانب جا چکا تھا۔
محکمہ وائلڈ لائف کے حکام نے بتایا کہ ایئرپورٹ انتظامیہ کو ہدایت دی گئی ہے کہ جنگل سے متصل باڑ کو مضبوط کیا جائے اور آئندہ چار سے پانچ روز تک علاقے کی نگرانی جاری رکھی جائے۔ اگر چیتے کی دوبارہ نقل و حرکت دیکھی جائے تو فوراً اطلاع دی جائے تاکہ بروقت کارروائی کی جا سکے۔
دوسری جانب، ایئرپورٹ سیکیورٹی فورس (ASF) کے مطابق، چیتا ایئرپورٹ کے باہر سول ایریا کی جانب دیکھا گیا تھا، اور فی الحال مسافروں یا ایئرپورٹ عملے کے لیے کسی خطرے کی اطلاع نہیں ملی۔
ذریعہ
ذریعہ: Daily Mumtaz
کلیدی لفظ: محکمہ وائلڈ لائف
پڑھیں:
بیوٹی انفلوئنسر کاسمیٹک سرجری کے دوران چل بسی
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر 30 سالہ ایڈریانا گارشیا (Adriana Garcia)کاسمیٹک سرجری کے دوران پیش آنے والی پیچیدگیوں کے باعث چل بسی۔
رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا، جہاں دورانِ سرجری پیچیدگیاں پیدا ہونے کے بعد ان کی موت واقع ہوگئی،مقامی حکام نے تاحال موت کی سرکاری وجہ جاری نہیں کی، جبکہ واقعے کی تحقیقات جاری ہیں۔
مزیدپڑھیں:عالمی منڈی میں خام تیل کی قیمتوں میں بڑا اضافہ
واقعے کے بعد حکام نے سرجری کے دوران پیش آنے والے حالات اور ممکنہ طبی غفلت کے پہلوؤں کا جائزہ لینے کے لیے تحقیقات شروع کر دی ہیں۔ ایڈریانا گارشیا کے انسٹاگرام اور دیگر سوشل میڈیا پلیٹ فارمز پر 90 ہزار سے زائد فالوورز تھے، ان کے انتقال کی تصدیق میکسیکو کی کمپنی نے بھی کی، جس کے ساتھ وہ بطور انفلوئنسر کام کرتی تھی۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان