قائمہ کمیٹی نے اگنائیٹ کو ورچوئل پروڈکشن سٹوڈیو کی بولی کے عمل سے روک دیا
اشاعت کی تاریخ: 27th, February 2025 GMT
اسلام آباد: سینیٹ کی قائمہ کمیٹی برائے آئی ٹی نے ورچوئل پروڈکشن سٹوڈیو کی بولی کے عمل میں شفافیت سے متعلق اٹھنے والے سوالات کے بعد اگنائیٹ کو بولی کا عمل مکمل کرنے سے روک دیا ، قائمہ کمیٹی نے اگنائیٹ کے چیف اگزیکٹو عدیل اعجاز سے بولی کا تمام ریکارڈ طلب کرتے ہوئے ایک نکاتی ایجنڈا پر کمیٹی اجلاس آئندہ ہفتے دوبارہ طلب کرلیا ۔
سینیٹ کی قائمہ کمیٹی برائے آئی ٹی اور ٹیلی کام نے چیئر پرسن سینیٹر پلوشہ خان کی زیرصدارت اجلاس میں ورچوئل پروڈکشن سٹوڈیو منصوبہ سے متعلق معاملات کا جائزہ لیا ۔ اگنائیٹ کے چیف اگزیکٹو عدیل اعجاز اور دیگر افسران ورچوئل پروڈکشن سٹوڈیو کے قیام کی بولی کے عمل سے متعلق سینیٹ کی قائمہ کمیٹی کو مطمئن کرنے میں ناکام رہے ۔ بولی میں ناکام قرار دی گئی کمپنی کیوب سٹوڈیو انگلینڈ کے چیف ایگزیکٹو جیمز ہیکسلے نے کمیٹی کو اپنے موقف سے آگاہ کیا ۔ کمیٹی ممبران نے اگنائیٹ حکام سے سوال کیا کہ پہلی بولی میں کامیاب بولی دہندہ کمپنی این ٹی ایس کیوب سٹوڈیو کو کس بنیاد پر دوسری بولی سے آئوٹ کیا؟ جس پر اگنائیٹ حکام نے بتایا کہ این ٹی ایس یو کیوب کی مالی حیثیت آر ایف کے مطابق نہیں تھی ، اگنائیٹ کا موقف مسترد کرتے ہوئے این ٹی ایس کیوب سٹوڈیو کنسورشیم کی جانب سے کمیٹی کو بتایا گیا کہ اس کی مالی حیثیت ایک ارب سے زائد بنتی ہے جبکہ آر ایف پی میں صرف 20 کروڑ کی مالی حیثیت کا تقاضا کیا گیا تھا ۔قائمہ کمیٹی آئی ٹی کے ممبران نے اگنائیٹ کے اعتراض کو مسترد کردیا ۔
سینیٹر انوشہ رحمان نے کہا کہ پہلی بولی کی بنیاد پر اگنائیٹ کو ورچوئل پروڈکشن سٹوڈیو کا پراجیکٹ این ٹی ایس کیوب سٹوڈیو کو دینا چاہیے تھا ۔ پیپرا رولز میں اکلوتی کمپنی کو بولی میں کامیابی پر پراجیکٹ دینے کی کوئی ممانعت نہیں۔ بتایا جائے کہ پہلی بولی میں این ٹی ایس کیوب سٹوڈیو کی کامیابی کے انہیں پراجیکٹ کیوں نہ دیا گیا ؟ ۔ انہوں نے کہا کہ اگنائیٹ کے حوالے سے مسائل مسلسل آرہے ہیں ۔اگنائیٹ نے پہلے بھی بعض ٹیلی کام کمپنیوں کو بولی کے عمل سے باہر کیا ۔
چیف ایگزیکٹو اگنائیٹ عدیل اعجاز نے بتایا کہ پہلی بولی کی بنیاد پر این ٹی ایس کیوب سٹوڈیو کو پراجیکٹ دینے کی بجائے صحت مند مقابلے کے لیے دوبارہ بولی کا فیصلہ کیا تھا جس میں تین کمپنیوں نے حصہ لیا ۔ سینیٹر انوشہ رحمان نے کہا کہ پیپرا رولز میں صحت مند مقابلے کا کہیں نہیں لکھا ۔ اپنی مرضی کے لوگوں کے جیتنے کے لیے بولی بار بار کرانا پیپرا رولز میں شامل نہیں ، چیئر پرسن آئی ٹی کمیٹی پلوشہ خان اور ممبران نے اگنائیٹ کے موقف کو مسترد کردیا ۔ پی ٹی آئی کے سینیٹر ہمایوں مہمند نے کہا کہ محسوس ہوتا ہے پہلی بولی میں ناکام قرار پانے والی دونوں کمپنیوں کو موقع فراہم کیا گیا ۔پاکستان میں غیرملکی سرمایہ کار اس لیے نہیں آتے کہ من پسند افراد کو نوازا جاتا ہے ۔نیوٹرل ماہرین کے ذریعے بولی دہندگان کا تکنیکی جائزہ لیا جانا چاہیے ۔ این ٹی ایس کیوب سٹوڈیو کے ساتھ زیادتی کی جارہی ہے ۔اگنائیٹ کو ورچوئل پروڈکشن سٹوڈیو منصوبہ کی دوبارہ بولی کرنی چاہیے ،
کمیٹی ارکان کے مطالبہ پر اگنائیٹ حکام یہ ریکارڈ فراہم کرنے میں ناکام رہے کہ دوسری بولی میں ناکام دونوں کمپنیوں کو اب کس بنیاد پر کامیاب قرار دیا گیا ۔چیئر پرسن پلوشہ خان نے سوال کیا کہ اگنائیٹ حکام ورچوئیل ٹیکنالوجی کے ماہر نہیں تو انہوں نے تکنیکی جائزہ کیسے لیا ؟ اگنائیٹ حکام نے جواب دیا کہ ہم نے ورچوئیل ٹیکنالوجی کو سال ڈیڑھ سال تک سمجھا ،۔ سینیٹر پلوشہ خان نے کہا سمجھنے سے تو کوئی ٹیکنالوجی پر ماہر نہیں بن جاتا ۔آپ مجھے تکنیکی جائزہ کے لیے ایٹم بم دے دیں ، میں تو یہ نہیں کرسکتی ۔پلوشہ خان کے فقرے پر کمیٹی روم قہقہوں سے گونج اٹھا ۔
سینیٹر پلوشہ خان نے کہا کہ ہم نہیں چاہتے کہ بولی کے ایسے عمل سے حکومت اور پاکستان کی بدنامی ہو ۔ اگنائیٹ حکام کی جانب سے تسلی بخش جواب نہ ملنے پر قائمہ کمیٹی نے متفقہ طور پر بولی کا عمل روکنے کا فیصلہ کیا ہے ۔ ورچوئل پروڈکشن سٹوڈیو کے معاملہ پر آئندہ ہفتے قائمہ کمیٹی آئی ٹی کا اجلاس دوبارہ ہوگا ۔ اگنائیٹ حکام آئندہ اجلاس میں بولی سے متعلق تمام ریکارڈ پیش کریں
ذریعہ: Daily Mumtaz
کلیدی لفظ: اگنائیٹ حکام قائمہ کمیٹی بولی کے عمل اگنائیٹ کے نے اگنائیٹ اگنائیٹ کو پلوشہ خان میں ناکام نے کہا کہ بولی میں بنیاد پر کمیٹی ا بولی کا ا ئی ٹی
پڑھیں:
بتایاجائے کس نے چینی برآمد کرنے کی اجازت دی، کس کس نے برآمد کی؟.پبلک اکاﺅنٹس کمیٹی
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2025 )پارلیمنٹ کی پبلک اکاﺅنٹس کمیٹی (پی اے سی) نے شوگر ملز مالکان کی تفصیلات طلب کرتے ہوئے استفسار کیا ہے کہ بتایاجائے کس نے چینی برآمد کرنے کی اجازت دی،کس کس نے برآمد کی، یہ بھی بتایا جائے کہ کس کس ملک کو چینی برآمد کی گئی تھی. پبلک اکاﺅنٹس کمیٹی کا اجلاس جنید اکبر کی زیر صدارت منعقد ہوا، کمیٹی کو ملک چینی کی قیمتوں پر بریفنگ دی گئی رکن کمیٹی معین پیرزادہ نے کہاکہ شوگر مافیا صوبائی حکومتوں کے بس میں نہیں ہے، کیا مراد علی شاہ یا مریم نواز کے پاس اس مافیا کے خلاف کارروائی کرنے کا اختیار ہے؟ شوگر ایڈوائزری بورڈ میں تمام مال بیچنے والے موجود ہیں لیکن صارفین کی کوئی نمائندگی نہیں ہے. یاد رہے کہ پبلک اکاﺅنٹس کمیٹی نے گزشتہ ہفتے حکومتی فیصلے کی روشنی میں چینی کی درآمد پر ٹیکس چھوٹ کی منظوری پر ایف بی آر کے نوٹیفیکیشن کا نوٹس لیتے ہوئے ایس آر او پر وضاحت کے لیے چیئرمین ایف بی آر کو آج طلب کیا تھا چیئرمین ایف بی آر راشد محمود لنگڑیال نے آج پبلک اکاﺅنٹس کمیٹی میں پیش ہوکر انکشاف کیا کہ 5لاکھ ٹن چینی کی درآمد کیلئے کابینہ کی ہدایت پر 4 قسم کے ٹیکسوں میں کمی کی گئی، مختلف ٹیکسز کو 18 فیصد سے کم کرکے 0.2 فیصد پر لایا گیا. سیکرٹری فوڈ سیکیورٹی نے کمیٹی کو بتایا کہ سیزن کے آغاز میں 1.3 ملین ٹن چینی کا ذخیرہ موجود تھا، چینی برآمد کرنے کی اجازت کاشتکاروں کو تحفظ دینے کے لیے دی گئی تھی، سیکرٹری فوڈ سیکورٹی کے ریمارکس پر کمیٹی کے ارکان نے تشویش کا اظہار کیا. چیئرمین پی اے سی جنید اکبر نے کہا کہ چند شوگر ملز مالکان کو ارب پتی بنانے کے لیے پہلے چینی برآمد کرنے کی اجازت دی گئی تھی، پی اے سی نے چینی کا معاملہ آئندہ ہفتے تک موخر کر دیا واضح رہے کہ فاقی کابینہ نے شوگر ملز مالکان کی جانب سے 21 نومبر 2024 سے پیداوار شروع کرنے کی شرط پر مزید 5 لاکھ میٹرک ٹن چینی برآمد کرنے کی منظوری دی تھی بعدازاں ملک بھر میں چینی کی قیمتوں میں اضافے کے بعد حکومت نے گزشتہ ماہ 5 لاکھ ٹن چینی درآمد کرنے کا فیصلہ کیا تھا تاہم حکومت کو 50 ہزار ٹن چینی درآمد کرنے کے عالمی ٹینڈر پر کوئی بولی موصول نہیں ہوئی ہے. علاوہ ازیں پبلک اکاﺅنٹس کمیٹی نے آڈٹ رپورٹ 24-2023 میں فنانس ڈویژن سے متعلق آڈٹ اعتراضات کا جائزہ لیا، فراڈ پر مبنی سرگرمیوں میں ملوث کمپنی کو قرضہ دینے کی وجہ سے 23 ارب روپے کے نقصان کا معاملہ بھی اجلاس بھی زیر غور آیا. آڈٹ حکام نے بتایا کہ نیشنل بینک نے حیسکول پٹرولیم لمیٹڈ کا معاشی تجزیہ کیے بغیر یہ قرضہ دیا، سینیٹر افنان اللہ نے فنانس ڈویژن کے حکام سے سوال کیا کہ آپ بتائیں 23 ارب روپے کہاں گئے، سید نوید قمر نے کہاکہ آپ کو ذمہ داروں کا تعین کرنا ہوگا۔(جاری ہے)
ایف آئی اے حکام نے بتایا کہ ایف آئی آر کے اندر 32 ملزمان کے نام تھے، اس میں کچھ بینکرز کا کردار بھی تھا، صدر نیشنل بینک نے بتایا کہ 2 ارب روپے ہمیں وصول ہوچکے ہیں، جنہوں نے جرم کیا وہ چھوٹ گئے جبکہ نیشنل بینک کے لوگ ایف آئی اے کے پاس ہیں۔ایف آئی اے حکام نے عدالت کو بتایا کہ حیسکول کے 12 میں سے 7 بندوں کا کوئی کردار نہیں تھا،2 افراد کو عدالت نے چھوٹ دی جبکہ 5 افراد کا کیس ابھی ختم نہیں ہوا، پی اے سی نے معاملہ عدالت میں ہونے کی وجہ موخر کردیا.
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف