چیمپئنز ٹرافی: کیا افغانستان کی ٹیم اب بھی سیمی فائنل میں پہنچ سکتی ہے؟
اشاعت کی تاریخ: 28th, February 2025 GMT
آئی سی سی چیمپئنز ٹرافی 2025 میں اصولی طور پر سیمی فائنل لائن اپ مکمل ہو گئی۔گروپ اے سے نیوزی لینڈ اور بھارت نے فائنل فور میں جگہ بنائی جبکہ گروپ بی سے آسٹریلیا اور جنوبی افریقا نے سیمی فائنل میں کھیلنے کا حق حاصل کر لیا تاہم جنوبی افریقا اور انگلینڈ کے درمیان ہونے والے میچ میں اگر مگر کا معاملہ درپیش ہے۔
گروپ بی کا تیسرا اور آخری میچ ہفتہ کو نیشنل اسٹیڈیم میں کھیلا جائے گا۔ جنوبی افریقا اور انگلینڈ کے درمیان کھیلے جانے والے ڈے اینڈ نائٹ میچ میں گروپ کی دوسری سیمی فائنلسٹ ٹیم کا بھی فیصلہ ہو جائے گا۔
جمعہ کو لاہور کے قذافی اسٹیڈیم میں آسٹریلیا اور افغانستان کے درمیان کھیلا جانے والا میچ بارش کی نذر ہونے کے بعد دونوں ٹیموں کو ایک ایک پوائنٹ مل گیا اور اس طرح آسٹریلیا نے مجموعی طور پر چار پوائنٹس جوڑ کےسیمی فائنل میں جگہ بنا لی جب کہ افغانستان کے 3 پوائنٹس ہو گئے۔
ہفتے کو کراچی میں اہم ترین میچ کھیلا جائے گا۔ جنوبی افریقا کے 3 پوائنٹس ہیں جبکہ انگلینڈ دونوں میچز ہار کر ایک پوائنٹ بھی جمع نہیں کر سکا۔
تاہم، اگر انگلینڈ نے جنوبی افریقہ کو 174 رنز سے شکست دے دی تو بہتر رن ریٹ کی بنیاد پر افغانستان سیمی فائنل میں جگہ بنانے میں کامیاب ہو جائے گا۔
جنوبی افریقا نے کراچی میں اپنے پہلے میچ میں افغانستان کو شکست سے ہمکنار کیا تھا جبکہ راولپنڈی میں آسٹریلیا کے خلاف میچ بارش کی نظر ہو جانے کے بعد اسے ایک پوائنٹ ملا تھا۔
دوسری جانب انگلینڈ کو لاہور میں آسٹریلیا سے شکست کے بعد لاہور ہی میں افغانستان کے ہاتھوں بھی ناکامی اٹھانی پڑی تھی۔
دریں اثناجنوبی افریقہ اور انگلینڈ نے جمعہ کو نیشنل اسٹیڈیم میں بھرپور پریکٹس سیشنز میں شرکت کی۔دونوں ٹیموں کے درمیان ہفتے کو میچ کا آغاز دوپہر 2 بجے ہوگا۔
.
ذریعہ
ذریعہ: Express News
کلیدی لفظ: سیمی فائنل میں جنوبی افریقا کے درمیان جائے گا
پڑھیں:
نمائندہ یورپی یونین کایا کالاس وفد کے ہمراہ پاکستان پہنچ گئیں
یورپی یونین کی نمائندہ کایا کالاس—فائل فوٹویورپی یونین کی نمائندہ کایا کالاس وفد کے ہمراہ پاکستان پہنچ گئیں۔
یورپی یونین کا وفد پاکستان میں وزیرِ اعظم شہباز شریف اور نائب وزیرِ اعظم اسحاق ڈار سمیت اعلیٰ حکومتی عہدیداران سے ملاقات کرے گا۔
کایا کالاس نے پاکستان پہنچنے کے بعد اسلام آباد سے ایک انسٹا اسٹوری شیئر کی ہے۔
انہوں نے اپنی انسٹا اسٹوری میں لکھا ہے کہ میں آج اسلام آباد میں ہوں۔
یورپی یونین کی نمائندہ نے مزید لکھا ہے کہ پاکستان ایک بڑی علاقائی طاقت ہے اور یورپی یونین کے لیے ایک اہم شراکت دار ہے۔
انہوں نے یہ بھی لکھا ہے کہ یہ دورہ ایک ایسے اہم موقع پر ہوا ہے جب دنیا اور اس خطے نے گہری تبدیلیوں کا تجربہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ