’شکریہ پاکستان‘، چیمپیئنز ٹرافی کے شاندار انعقاد پر آئی سی سی نے ویڈیو شیئر کردی
اشاعت کی تاریخ: 7th, March 2025 GMT
انٹرنیشنل کرکٹ کونسل (آئی سی سی) نے چیمیپیئنز ٹرافی 2025 کے شاندار انعقاد پر پاکستان کی تعریف کی ہے اور ایک ویڈیو بھی جاری کی ہے۔
ویڈیو میں چیمپیئنز ٹرافی 2025 کے سیمی فائنلز تک کے میچز کے سنسنی خیز لمحات اورشائقین کا جوش و جذبہ دکھایا گیا ہے جبکہ ویڈیو کا اختتام چیمپیئنز ٹرافی کے ساتھ ’شکریہ پاکستان‘ کے جملے سے کیا گیا ہے۔
آئی سی سی سیفٹی اینڈ سکیورٹی منیجر ڈاکٹر ڈیومسکر نے بھی پاکستان میں چیمپیئنز ٹرافی کے ایونٹ کو شاندار قرار دے دیا۔ ان کا کہنا تھا کہ ٹورنامنٹ شروع ہونے سے پہلے ٹیموں کو پاکستان آنے پر تحفظات تھے تاہم پورے ٹورنامنٹ میں پاکستان کے سیکیورٹی اداروں نے بھرپور تعاون کیا۔
ان کا مزید کہنا تھا کہ مجھے ذاتی طور پر کوئی شک نہیں کہ یہاں پروفیشنلزم بہت شاندار تھا، اس ٹورنامنٹ سے پوری دنیا میں پاکستان، عوام اور سکیورٹی اداروں کا مثبت امیج جائے گا، یہ ٹورنامنٹ بہت شاندار رہا ہے۔
واضح رہے کہ آئی سی سی چیمپیئنز ٹرافی کا آغاز پاکستان کی میزبانی میں 19 فروری سے ہوا تھا۔ جبکہ فائنل میں بھارت اور نیوزی لینڈ کی ٹیمیں کوالیفائی کر چکی ہیں۔ اور فائنل میچ 9 مارچ کو ہائبرڈ ماڈل کے تحت دبئی میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی انڈیا بمقابلہ نیوزی لینڈ پاکستان چیمپینز ٹرافی 2025 دبئی.ذریعہ: WE News
کلیدی لفظ: پاکستان چیمپینز ٹرافی 2025 چیمپیئنز ٹرافی
پڑھیں:
اسلام آباد کی ترقی ،چیرمین سی ڈی محمد علی رندھاوا کی قیادت میں شاندار کارکردگی
اسلام آباد کی ترقی ،چیرمین سی ڈی محمد علی رندھاوا کی قیادت میں شاندار کارکردگی WhatsAppFacebookTwitter 0 27 July, 2025 سب نیوز
اسلام آباد(سب نیوز) پاکستان کا خوبصورت دارالحکومت، اپنے صاف ستھرے ماحول، منظم انفراسٹرکچر اور سرسبز و شاداب مناظر کی وجہ سے دنیا بھر میں مشہور ہے۔ حالیہ برسوں میں کیپیٹل ڈیولپمنٹ اتھارٹی نے وفاقی وزیر داخلہ محسن نقوی کے ویژن اور چیرمین سی ڈی اے محمد علی رندھاوا کی قیادت میں شہر کی ترقی، خوبصورتی اور شہری سہولیات کو بہتر بنانے میں مثالی کارکردگی کا مظاہرہ کیا ہے۔ سی ڈی اے کی منصوبہ بندی سے بھرپور اقدامات اور جدید طرز حکمرانی نے اسلام آباد کو ایک جدید، پُرامن اور رہنے کے قابل شہر بنانے میں اہم کردار ادا کیا ہے
شہری ترقی اور انفراسٹرکچر
سی ڈی اے کی بڑی کامیابیوں میں شہر کی سڑکوں، پلوں اور بنیادی ڈھانچے کی تعمیر و مرمت شامل ہے۔ پرانی اور ٹوٹی پھوٹی سڑکوں کی دوبارہ تعمیر، سگنل فری کوریڈورز، اور جدید ٹریفک سگنلز کی تنصیب سے ٹریفک کے بہاؤ میں نمایاں بہتری آئی ہے۔
اس کے علاوہ، پانی کی فراہمی، نکاسی آب، اور سیوریج کے نظام کو بھی جدید خطوط پر استوار کیا گیا ہے، جس سے شہریوں کی زندگی میں آسانی پیدا ہوئی ہے اور شہر کا ماحولیاتی توازن برقرار رکھنے میں مدد ملی ہے۔
ماحولیاتی تحفظ اور سرسبزی
سی ڈی اے نے اسلام آباد کو سرسبز اور خوبصورت رکھنے کے لیے بھرپور شجرکاری مہمات شروع کی ہیں۔ گرین بیلٹس کی بحالی، پارکوں کی تزئین و آرائش اور نئے پودوں کی تنصیب سے شہر کی فضا مزید دلکش ہو گئی ہے۔
ایف نائن پارک، روز اینڈ جیسمین گارڈن، اور لیک ویو پارک جیسے اہم مقامات کی دیکھ بھال اور بہتری کے لیے بھی مؤثر اقدامات کیے گئے ہیں۔
صفائی ستھرائی کی مہمات کے ذریعے نہ صرف کچرے کو مؤثر طریقے سے ہٹایا گیا بلکہ شہریوں میں صفائی کا شعور بھی اجاگر کیا گیا ہے۔
تجاوزات کے خلاف کارروائیاں اور خوبصورتی میں اضافہ
سی ڈی اے نے غیر قانونی تجاوزات کے خلاف مؤثر کارروائیاں کرتے ہوئے سرکاری زمینوں کو واگزار کروایا ہے۔ ان اقدامات سے نہ صرف شہر کی خوبصورتی بحال ہوئی بلکہ پیدل چلنے والوں اور عوام کے لیے سہولت بھی پیدا ہوئی۔شہر کو مزید خوبصورت بنانے کے لیے سٹریٹ لائٹس، فٹ پاتھز، اور بینچز کی تنصیب جیسے منصوبے کامیابی سے مکمل کیے گئے ہیں۔
عوامی خدمات اور ڈیجیٹائزیشن
سی ڈی اے نے شہریوں کو بہتر سہولیات فراہم کرنے کے لیے خدمات کو ڈیجیٹل پلیٹ فارمز پر منتقل کیا ہے۔ اب شہری پراپرٹی ریکارڈ، بلڈنگ اپروولز، اور ٹیکس ادائیگی جیسے امور آن لائن انجام دے سکتے ہیں، جس سے شفافیت اور وقت کی بچت ممکن ہوئی ہے۔
سی ڈی اے کی ہیلپ لائنز، موبائل ایپس اور شکایات کے فوری ازالے کا نظام عوام کی آسانی اور اعتماد میں اضافہ کر رہا ہے۔
عوامی شراکت داری اور مستقبل کا وژن
سی ڈی اے نے شہریوں کی رائے کو اہمیت دیتے ہوئے انہیں مختلف منصوبوں میں شامل کیا ہے۔ “کلین اینڈ گرین اسلام آباد”، کمیونٹی گارڈننگ، اور اربن فارمنگ جیسے منصوبوں نے شہریوں میں شعور اور شراکت داری کا جذبہ پیدا کیا ہے۔
سی ڈی اے کا وژن ہے کہ اسلام آباد کو ایک “سمارٹ سٹی” میں تبدیل کیا جائے، جہاں ٹیکنالوجی کی مدد سے جدید شہری منصوبہ بندی، توانائی کی بچت اور بہترین سہولیات کو یقینی بنایا جا سکے۔سی ڈی اے
نے اسلام آباد کو ترقی دینے، ماحول کو محفوظ رکھنے، شہری سہولیات کو بہتر بنانے، اور عوامی شراکت داری کو فروغ دینے میں شاندار کردار ادا کیا ہے۔ اس کی مسلسل محنت اور وژن کی بدولت اسلام آباد نہ صرف پاکستان بلکہ پورے خطے کا ایک مثالی دارالحکومت بن چکا ہے۔ اگر یہ سلسلہ اسی جذبے سے جاری رہا تو اسلام آباد جلد ہی دنیا کے بہترین شہروں میں شامل ہو جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسعودیہ میں 8گھنٹے طویل آپریشن کے بعد دھڑ جڑی دو شامی بچیوں کو الگ کردیا گیا سعودیہ میں 8گھنٹے طویل آپریشن کے بعد دھڑ جڑی دو شامی بچیوں کو الگ کردیا گیا مجلس وحدت مسلمین نے زیارات کیلئے زمینی راستے سے جانے پر حکومتی پابندی کو مسترد کردیا،خاتمے کا مطالبہ پیپلزپارٹی کا این اے 129لاہور کی خالی ہونے والی نشست پر ضمنی الیکشن لڑنے کا اعلان خیبرپختونخوا،محکمہ لائیوسٹاک کیلئے خریدی گئیں 80گاڑیاں غائب، آڈٹ رپورٹ نے بھانڈا پھوڑ دیا وفاقی وزیر احسن اقبال سے چینی سفیر کی ملاقات،جے سی سی میں اہم فیصلے متوقع یو اے ای اور پاکستان نے ایک دوسرے کیلئے سفارتی اور آفیشل پاسپورٹ کو ویزا فری کردیاCopyright © 2025, All Rights Reserved
رابطہ کریں ہمارے بارے ہماری ٹیم
لاہور ہائیکورٹ کا رات 12 بجے کے بعد ریسٹورنٹس کھلے رکھنے والوں کے خلاف کارروائی کا حکم