نازش جہانگیر کا شادی سے متعلق بیان: کونسا میرے بال سفید ہو رہے ہیں
اشاعت کی تاریخ: 8th, March 2025 GMT
پاکستانی معروف ماڈل اور اداکارہ نازش جہانگیر نے حال ہی میں اپنی شادی کے حوالے سے خیالات کا اظہار کیا ہے۔
ایک نجی ٹی وی پروگرام میں شرکت کے دوران جب ان سے شادی کے بارے میں پوچھا گیا تو انہوں نے کہا کہ "شادی کا ایک وقت مقرر ہے، تو میں اس سے پہلے شادی کیوں کروں؟ کیوں اس کے لیے ہاتھ پیر ماروں جب ہونی ہو گی ہوجائے گی، ابھی کونسا میری عمر نکل رہی ہے یا میرے بال سفید ہو رہے ہیں۔"
نازش جہانگیر نے نوجوان لڑکیوں کو مشورہ دیتے ہوئے کہا کہ شادی کے لیے ضروری ہے کہ آپ کی سامنے والے کے ساتھ ہم آہنگی ہو، آپ ایک دوسرے کو سمجھ سکیں۔ اگر آپ سامنے والے کو سمجھ نہیں سکتے تو جلد بازی میں شادی کا فیصلہ نہ لیں۔
انہوں نے مزید کہا کہ کسی بھی لڑکی کو صرف اس لیے جلد بازی میں شادی کا فیصلہ نہیں لینا چاہیے کہ اس کی عمر نکل رہی ہے بلکہ جب تک وہ سامنے والے کے ساتھ دل سے سکون محسوس نہ کرے اس وقت تک شادی کا فیصلہ نہ کرے۔
واضح رہے کہ نازش جہانگیر حال ہی میں اپنے بولڈ لباس کے باعث تنقید کی زد میں آئی تھیں۔ تاہم، انہوں نے اس تنقید کا بھرپور جواب دیتے ہوئے کہا تھا کہ ان کے ساتھ کام کرنا مشکل نہیں ہے بلکہ وہ اپنے کام سے مخلص ہیں اور پیشہ ورانہ رویہ رکھتی ہیں۔
نازش جہانگیر پاکستان شوبز انڈسٹری کی ایک معروف اداکارہ اور ماڈل ہیں جو اپنی خوبصورتی اور اداکاری کے باعث مداحوں میں مقبول ہیں۔
.ذریعہ: Express News
کلیدی لفظ: نازش جہانگیر شادی کا
پڑھیں:
سینیٹر سیف اللہ ابڑو کا سینیٹ سے مستعفی ہونے کا اعلان
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان تحریک انصاف کے سینیٹر سیف اللہ ابڑو نے سینیٹ سے مستعفی ہونے کا اعلان کر دیا۔
پی ٹی آئی سینیٹر سیف اللہ ابڑو نے سینیٹ اجلاس میں 27ویں آئینی ترمیم کے حق میں ووٹ دینے کے بعد اظہار خیال کرتے ہوئے کہا کہ پاک فوج کے کردار سے بھارت کو تاریخی شکست ہوئی۔ اور بھارت اپنی شکست تسلیم نہیں کر رہا تھا لیکن اب اسے ماننا پڑا۔انہوں نے کہا کہ امریکی صدر ڈونلڈ ٹرمپ نے فیلڈ مارشل عاصم منیر کو غیر معمولی عزت دی۔ میں نے ووٹ پاک فوج اور فیلڈ مارشل عاصم منیر کے لیے دیا ہے۔
سیف اللہ ابڑو نے کہا کہ کچھ ارکان طنز کرتے ہیں لیکن پہلے اخلاقیات سیکھیں، قانون سازی ہر دور میں ہوتی رہے گی، یہ کسی کی اجارہ نہیں۔ اور اگر کل ہماری حکومت آئے گی تو علی ظفر قانون سازی کریں گے اور ہر حکومت اپنی باری میں آئینی ترامیم لاتی ہے۔
انہوں نے کہا کہ پچھلے سال میرے خاندان کے 10 افراد گرفتار ہوئے اور پی ٹی آئی میں کسی کا ایک فیصد بھی نقصان نہیں ہوا، میری فیملی کے 10سے 15افراد اٹھائے گئے اور پارٹی نے میرے لیے کوئی آواز نہیں اٹھائی۔
سینیٹر سیف اللہ ابڑو نے کہا کہ ترمیم کے بعد میرے خلاف الیکشن کمیشن میں ریفرنس جمع کرایا گیا۔ میں اپنی نشست سے استعفیٰ دینے کا اعلان کرتا ہوں۔ وقت ضائع کرنے پر ارکان سے معذرت خواہ ہوں۔ سیف اللہ ابڑو نے استعفیٰ کے بعد الیکشن کمیشن کو ڈی نوٹیفائی کرنے کی استدعا کر دی۔
فٹبال لیجنڈ ڈیوڈ بیکہم کو برطانوی اعزاز، ’سر‘ کا خطاب حاصل