حضرت خدیجہؓ اور حضرت عائشہؓ دنیا بھر کی خواتین کیلیے مشعلِ راہ ہیں، نادیہ جمیل
اشاعت کی تاریخ: 13th, March 2025 GMT
معروف اداکارہ نادیہ جمیل نے کہا کہ تمام خواتین اور بالخصوص آج کل کی لڑکیوں کو حضرت خدیجہؓ اور حضرت عائشہؓ کی زندگی سے سیکھنا چاہیے۔
عالمی خبر رساں ادارے کے مطابق ان خیالات کا اظہار نادیہ جمیل نے آغا خان کلچرل سروس پاکستان کے تحت منائے گئے یوم خواتین کے موقع پر کیا تھا۔
نادیہ جمیل نے اپنے خطاب میں خواتین کو خود سے محبت اور اپنی کامیابیوں کا جشن منانے کی ترغیب دیتے ہوئے کہا کہ پاکستانی خواتین نے نمایاں ترقی کی ہے لیکن یہ کافی نہیں۔ ابھی ہمیں مزید آگے بڑھنا ہوگا۔
اداکارہ نادیہ جمیل نے امہات المومنین حضرت خدیجہؓ اور حضرت عائشہؓ کی تاریخ ساز جدوجہد کو سراہتے ہوئے کہا کہ خواتین اور بالخصوص نوجوان لڑکیوں کو امہات المومنین کی زندگیوں سے سیکھنا چاہیے۔
پاکستانی ڈراموں میں خواتین کی یک رُخی نمائندگی پر افسوس کا اظہار کرتے ہوئے کہا کہ اکثر ہمارے یہاں خواتین کردار کو صرف رومانوی کہانیوں تک محدود رکھا جاتا ہے۔
نادیہ جمیل نے کہا کہ حالانکہ ہماری خواتین معیشت اور معاشرے کا فعال حصہ ہیں مگر ڈراموں میں انہیں محض کسی مرد کا دل جیتنے میں مصروف دکھایا جاتا ہے۔
اپنی فنی زندگی کے آغاز کو یاد کرتے ہوئے بادیہ جمیل نے بتایا کہ وہ ہمیشہ مسابقت سے زیادہ سیکھنے پر یقین رکھتی تھیں۔ میرا واحد مقابلہ خود سے تھا۔
اداکارہ نادیہ جمیل نے اپنے والد کے الفاظ دہرائے کہ تمہاری آزادی اللہ کی عطا کردہ نعمت ہے، اسے کسی کو چھیننے نہ دینا۔
نادیہ جمیل اپنے خطاب میں مردوں کو مشورہ دیا کہ وہ خواتین کے جذبات اور فیصلوں کا احترام کریں۔
اداکارہ نادیہ جمیل نے خواتین کو ایک نازک مگر مضبوط پھول سے تشبیہ دی۔ انہوں نے کہا عورت کی حساسیت اور آنسو اس کی کمزوری نہیں، بلکہ بے پناہ ثابت قدمی کی دلیل ہے۔
TagsShowbiz News Urdu.
ذریعہ: Al Qamar Online
کلیدی لفظ: اداکارہ نادیہ جمیل نے کہا کہ
پڑھیں:
کترینہ کیف کی نجی تصاویر وائرل، مداح برس پڑے
بالی ووڈ کی معروف اداکارہ کترینہ کیف ایک بار پھر خبروں کی زینت بن گئیں جب ان کی مبینہ طور پر حاملہ ہونے کی تصاویر سوشل میڈیا پر وائرل ہوگئیں۔
بھارتی میڈیا رپورٹس کے مطابق ایک آن لائن میڈیا پورٹل نے اداکارہ کترینہ کیف کی چند نجی تصاویر شیئر کی ہیں، جو مبینہ طور پر ان کے ممبئی کے اپارٹمنٹ کی بالکونی میں لی گئی ہیں۔
ان تصاویر میں کترینہ کیف کو ڈھیلے کپڑوں میں دیکھا جا سکتا ہے، جس پر قیاس آرائیاں کی جا رہی ہیں کہ وہ اس وقت تین ماہ کی حاملہ ہیں۔
کترینہ کیف کی نجی تصاویر کے وائرل ہونے پر سوشل میڈیا صارفین نے حیرت کا اظہار کیا اور ان کی پرائیویسی کی خلاف ورزی پر شدید ردِعمل دیا۔ متعدد صارفین نے میڈیا پلیٹ فارمز سے مطالبہ کیا کہ ایسی ذاتی نوعیت کی تصاویر شیئر کرنے والوں کے خلاف قانونی کارروائی کی جائے۔
اداکارہ سوناکشی سنہا نے بھی اس تصویر کے وائرل ہونے پر شدید برہمی کا اظہار کیا۔
یاد رہے کہ کترینہ کیف اور اداکار وکی کوشل حال ہی میں انسٹاگرام پر ایک پوسٹ کے ذریعے مداحوں کو خوشخبری سناتے ہوئے تصدیق کی تھی کہ ان کے ہاں جلد ننھے مہمان کی آمد متوقع ہے۔
صیہونی فوج نے جنین میں تین فلسطینیوں کو شہید کر دیا