شادی خواتین کے مقابلے میں مردوں کو زیادہ موٹا بناتی ہے، تحقیق
اشاعت کی تاریخ: 20th, March 2025 GMT
یورپ میں کی جانے والی ایک منفرد تحقیق سے معلوم ہوا ہے کہ حیران کن طور پر شادی خواتین کے مقابلے میں مردوں کو زیادہ موٹا بنا دیتی ہے، شادی کے بعد مردوں کے وزن میں اوسطا تین گنا اضافہ ہوجاتا ہے۔
طبی ویب سائٹ کے مطابق یورپی ملک پولینڈ کے ماہرین کی جانب سے 2400 سے زائد 50 سال کی عمر کے افراد پر کی جانے والی تحقیق سے معلوم ہوا کہ مجموعی طور پر شادی دونوں جنسوں کے افراد کو موٹا بنا دیتی ہے۔
ماہرین نے تحقیق کے دوران یہ جاننے کی کوشش کی کہ کیا واقعی شادی مرد حضرات کو صحت مند بنا دیتی ہے اور ان میں شادی کے بعد بیماریاں کم ہوتی ہیں؟
ماہرین نے پایا کہ حیران کن طور پر شادی کے بعد مردوں کا وزن خواتین کے مقابلے زیادہ بڑھتا ہے، جس سے عندیہ ملتا ہے کہ شادی کے بعد ان کی صحت خراب ہوسکتی ہے۔
ماہرین نے پایا کہ شادی کے بعد مجموعی طور پر مرد اور خواتین کا وزن بڑھنا شروع ہوتا ہے، تاہم مردوں کا وزن زیادہ بڑھتا ہے۔
ماہرین کے مطابق غیر شادی شدہ مردوں کے مقابلے شادی شدہ مردوں کا وزن تین گنا بڑھ جاتا ہے جب کہ خواتین میں یہ شرح کم ہوتی ہے۔
ماہرین نے بتایا کہ شادی کے بعد مردوں کے وزن میں 62 فیصد جب کہ خواتین کے وزن میں 39 فیصد تک اضافہ ہوجاتا ہے اور ہر سال اس میں ترتیب وار اضافہ ہوتا چلا جاتا ہے۔
اس سے قبل کی جانے والی متعدد تحقیقات میں بتایا گیا تھا کہ شادی سے مردوں کی مجموعی صحت اور زندگی بہتر ہوتی ہے، ان میں نہ صرف بیماریاں کم ہونے لگتی ہیں بلکہ وہ دماغی اور دلی طور پر بھی پرسکون ہوجاتے ہیں۔
ماضی میں کی جانے والی تحقیقات میں بتایا گیا تھا کہ شادی کے بعد مردوں میں امراض قلب کے امکانات بھی کم ہوجاتے ہیں جبکہ ان کے مقابلے میں خواتین کو زیادہ طبی فوائد نہیں ملتے لیکن نئی تحقیق سے معلوم ہوا کہ عورتوں کے مقابلے مردوں کا وزن زیادہ بڑھتا ہے۔
تحقیق میں یہ واضح نہیں کیا گیا کہ شادی کے بعد کن وجوہات کی بنا پر خواتین کے مقابلے مردوں کا وزن زیادہ بڑھتا ہے؟
Post Views: 1.ذریعہ: Daily Mumtaz
کلیدی لفظ: شادی کے بعد مردوں خواتین کے مقابلے کہ شادی کے بعد کی جانے والی مردوں کا وزن ماہرین نے
پڑھیں:
انسٹا گرام نے ٹک ٹاک کیپ کٹ کے مقابلے میں صارفین کو اچھی خبر سنا دی
جنوری 2025 میں میٹا کی جانب سے ایک نئی ویڈیو ایڈیٹنگ ایپ انسٹا گرام صارفین کے لیے متعارف کرانے کا اعلان کیا گیا تھا۔
ایڈیٹس نامی ایپ کو اب جاکر صارفین کے لیے پیش کر دیا گیا ہے اور اس کا مقصد ٹک ٹاک کی ایڈیٹنگ ایپ کیپ کٹ کو ٹکر دینا ہے۔اس نئی ایپ میں میٹا کی دیگر ایپس کے مقابلے میں زیادہ ایڈوانسڈ ایڈیٹنگ ٹولز صارفین کو دستیاب ہوں گے۔اس کا ان ایپ کیمرا صارفین کو 10 منٹ کی ویڈیو بنانے کا موقع فراہم کرے گا جسے بہترین کوالٹی کے ساتھ انسٹا گرام پر پوسٹ کرنا ممکن ہوگا۔
اس میں مختلف مقبول ایڈیٹنگ ایفیکٹس جیسے گرین اسکرین اور انسٹا گرام کی میوزک کیٹلاگ بھی دستیاب ہوگی۔میٹا کی جانب سے آرٹی فیشل انٹیلی جنس (اے آئی) پر مبنی فیچرز بھی اس نئی ایپ کا حصہ بنائے گئے ہیں۔ان میں سے ایک فیچر animate ہے جو صارفین کو ایک تصویر سے ویڈیو بنانے کی سہولت فراہم کرے گا۔دوسرا کٹ آؤٹس ہے جس کے ذریعے آپ کسی ویڈیو سے مخصوص افراد یا اشیا کو نکال سکیں گے۔
جنوری میں انسٹا گرام کے سربراہ ایڈم موسیری نے تھریڈز پر ایک ویڈیو پوسٹ کرکے بتایا تھا کہ ایڈیٹس متعدد ٹولز پر مشتمل مفت ویڈیو ایڈیٹنگ ایپ ہے۔انہوں نے بتایا کہ اس میں ایک ٹیب انسپائریشن کے لیے مختص ہے جبکہ دوسری ٹیب ابتدائی خیالات کی ٹریکنگ کرتی ہے۔ان کا کہنا تھا کہ ایپ کا معیاری کیمرا اچھی ویڈیوز ریکارڈ کرتا ہے اور وہاں آپ کو تمام ایڈیٹنگ ٹولز بھی دستیاب ہوتے ہیں۔
میٹا کی جانب سے انسٹا گرام سے متعلق چند مخصوص فیچرز بھی اس نئی ایپ کا حصہ بنائے گئے ہیں تاکہ ریلز ویڈیوز بنانے والے اسے لازمی استعمال کریں۔کمپنی کی جانب سے ایک بلاگ پوسٹ میں بتایا گیا کہ ایپ کا موجودہ ورژن ایڈیٹس کے لیے پہلا قدم ہے اور بہت جلد دیگر صارفین سے شراکت داری کرکے مزید فیچرز کو اس کا حصہ بنایا جائے گا۔یہ ایپ ایپل کے ایپ اسٹور اور گوگل پلے اسٹور میں دستیاب ہے۔
تمام اختلافات بھلا کر دہشت گردی کے خاتمے کیلئے مل کر کام کرنا ہے:شہباز شریف