امن معاہدے کی آڑ لے کر اسرائیل نے اپنے چھپے ہوئے پنجے دکھانا شروع کر دیئے، ثروت اعجاز قادری
اشاعت کی تاریخ: 24th, March 2025 GMT
گفتگو کرتے ہوئے مرکزی صدر پی ایس ٹی نے کہا کہ غزہ میں اس وقت علاج معالجے کی کوئی سہولت موجود نہیں ہے، اسپتالوں میں بھی طبی امداد کا سامان ختم ہوچکا ہے، جنگ بندی اور امن معاہدے کی آڑ لے کر اسرائیل مسلسل مظلوم فلسطینیوں کی نسل کشی کر رہا ہے، زمینی اور فضائی حملے ابھی بھی اسرائیل کی جانب سے کیے جا رہے ہیں۔ اسلام ٹائمز۔ اسلام مخالف قوتیں اپنے ناپاک عزائم کو سرانجام دینے کے لیے اسرائیل کے ذریعے غزہ میں مظلوم فلسطینیوں پر مظالم کے پہاڑ ڈھائے جا رہے ہیں، اسرائیل کی جانب سے امن معاہدے کی بھی پاسداری نہیں کی جا رہی ہے۔ ان خیالات کا اظہار پاکستان سنی تحریک کے مرکزی صدر انجینئر محمد ثروت اعجاز قادری نے اسرائیل کی جانب سے مظلوم فلسطینیوں پر ظلم و جبر کے حوالے سے گفتگو کرتے ہوئے کیا۔ انہوں نے کہا کہ امن معاہدے کی آڑ لے کر اسرائیل نے اپنے چھپے ہوئے پنجے دکھانا شروع کر دیئے، ہر روز اسرائیل مظلوم فلسطینیوں کو شہید کررہا ہے، غزہ پر قبضہ کرنے کے لیے اسرائیل مسلسل حملے کر رہا ہے، آفرین ہیں مظلوم فلسطینیوں کی ہمت پر کہ وہ اب بھی اسرائیل کے سامنے سیسہ پلائی دیوار کی طرح کھڑے ہیں۔ ایک سوال کے جواب میں ثروت اعجاز قادری کا کہنا تھا کہ غزہ اور مظلوم فلسطینیوں تک امداد پہنچانے کے تمام راستے اسرائیل نے بند کر دیئے ہیں، غزہ میں اس وقت علاج معالجے کی کوئی سہولت موجود نہیں ہے، اسپتالوں میں بھی طبی امداد کا سامان ختم ہوچکا ہے، جنگ بندی اور امن معاہدے کی آڑ لے کر اسرائیل مسلسل مظلوم فلسطینیوں کی نسل کشی کر رہا ہے، زمینی اور فضائی حملے ابھی بھی اسرائیل کی جانب سے کیے جا رہے ہیں۔
ان کا کہنا تھا کہ اسرائیل کے حملوں میں زخمی ہونے والوں جس ہسپتال بھی لے جایا جاتا ہے اسرائیل وہاں پر بھی حملہ کر دیتا ہے، اسرائیل کی اس طرح کی حرکتیں ایک بہت بڑی سازش کا پیش خیمہ معلوم ہو رہی ہیں، اسرائیلی فضائی حملوں میں 400 سے زائد فلسطینی شہید ہو چکے ہیں، اسرائیل یہ سب کچھ اس لیے کر رہا ہے کہ بے گھر ہونے والے فلسطینی واپس اپنے گھر نہ آ جائیں، اسرائیل کی جانب سے غزہ لے جانے والے امدادی سامان پر بھی پابندی عائد کر دی گئی ہے، اسرائیل یہ سب کچھ امریکہ کی ایماء پر کر رہا ہے، امریکہ عذاب الہی سے ڈرے کچھ عرصہ قبل ہی اللہ کا قہر امریکہ پر نازل ہوا تھا جس کے بعد امریکہ میں بھی تباہی مچ گئی تھی، رمضان المبارک کے بابرکت مہینے میں اسرائیل کا فلسطینیوں پر کئے جانے والا ظلم و جبر مظلوم روزے دار فلسطینیوں کی ہمت کو پوری امت مسلمہ سلام پیش کرتی ہے، تمام امت مسلمہ او آئی سی اقوام متحدہ اور انسانی حقوق کی تنظیموں سے پاکستان سنی تحریک اپیل کرتی ہے کہ غزہ میں انسانی حقوق کی پامالی کو روکا جائے اور غزہ کے مظلوموں کو خوراک کی فراہمی اسپتالوں میں دوائیوں کی فراہمی اور زخمیوں کو طبی سہولیات فراہم کی جائے، عالمی برادری کو غزہ کے مسئلے کے حل کے لیے اپنا کردار ادا کرنا ہوگا۔
ذریعہ: Islam Times
کلیدی لفظ: امن معاہدے کی آڑ لے کر اسرائیل اسرائیل کی جانب سے مظلوم فلسطینیوں فلسطینیوں کی کر رہا ہے
پڑھیں:
مجلس عزاء میں رہبر کی تصویر لانا سیاست نہیں، علامہ حسن ظفر نقوی
ممتاز عالم دین نے کہا کہ رہبر معظم نے امت کو سیاسی شعور دیا، مظلوم کی ہمیشہ حمایت کی اور ڈنکے کی چوٹ پر کی، کیا مظلوم کی حامی کی حمایت کرنا یا اس کی تصویر مجلس میں لانا کیسے سیاست ہو گیا؟۔ انہوں نے کہا کہ جو لوگ ایسا کہتے ہیں یا سوچتے ہیں تو وہ دین کی روح سے نابلد ہیں، رہبر کی مخالفت کرنیوالوں کا کھوج لگانا ہوگا کہ ان کی کڑیاں کہاں ملتی ہیں۔ اسلام ٹائمز۔ ممتاز عالم دین علامہ حسن ظفر نقوی نے کہا ہے کہ مجلس عزاء میں رہبر معظم آیت اللہ سید علی خامنہ ای کی تصاویر لانا سیاست نہیں، بلکہ عین دین ہے۔ انہوں نے کہا کہ حیرت ہے جو لوگ ایسا سوچتے ہیں کہ رہبر کی تصویر مجلس میں ہو تو سیاست ہوتی ہے؟ انہوں نے کہا کہ کوئی کرپٹ، بدعنوان اور لٹیرا سیاسی لیڈر اگر مجلس میں آ جائے یا اس کی تصویریں لے کر آ جاو تو یہ سیاست نہیں؟؟ اکثر دیکھا گیا ہے کہ کوئی سیاسی لیڈر اگر مجلس میں آ جائے تو لوگ مجلس چھوڑ کر اس کے آگے پیچھے ہو رہے ہوتے ہیں، یہ چاپلوسی ہی اصل سیاست ہے۔
علامہ حسن ظفر نے کہا کہ رہبر معظم نے امت کو سیاسی شعور دیا، مظلوم کی ہمیشہ حمایت کی اور ڈنکے کی چوٹ پر کی، کیا مظلوم کی حامی کی حمایت کرنا یا اس کی تصویر مجلس میں لانا کیسے سیاست ہو گیا؟۔ انہوں نے کہا کہ جو لوگ ایسا کہتے ہیں یا سوچتے ہیں تو وہ دین کی روح سے نابلد ہیں، رہبر کی مخالفت کرنیوالوں کا کھوج لگانا ہوگا کہ ان کی کڑیاں کہاں ملتی ہیں، یہ کون لوگ ہیں جو فلسطین کے مظلوم بچوں کیلئے آواز اٹھانے والوں کیخلاف بول رہے ہیں؟ ایسے عناصر کا محاسبہ کرنا ہوگا۔
ملک بھر میں ووٹر کی تعداد کتنی ہوگئی؟ رپورٹ سامنے آگئی