آئی جی موٹروے پولیس کی ٹرانسپورٹرز سے ملاقات، مسافروں کی سہولت اور تحفظ پر زور
اشاعت کی تاریخ: 26th, March 2025 GMT
آئی جی موٹروے پولیس کی ٹرانسپورٹرز سے ملاقات، مسافروں کی سہولت اور تحفظ پر زور WhatsAppFacebookTwitter 0 26 March, 2025 سب نیوز
اسلام آباد:(سب نیوز)آئی جی موٹروے پولیس رفعت مختار راجہ نے ریجنل آفس اسلام آباد میں ٹرانسپورٹرز سے ملاقات کی۔ اس موقع پر ترجمان موٹروے پولیس نے کہا کہ رمضان المبارک کے آخری ایام میں ٹرانسپورٹرز مسافروں کے ساتھ مکمل تعاون کریں اور اوور لوڈنگ یا زائد کرایہ ہرگز قابل قبول نہیں ہوگا۔
ترجمان موٹر وے پولیس کے مطابق آئی جی موٹروے پولیس رفعت مختار راجہ نے کہا کہ مسافروں کے محفوظ سفر کو یقینی بنانے کے لیے موٹروے پولیس ہر ممکن اقدامات کر رہی ہے۔ انہوں نے اعلان کیا کہ آر ایف آئی ڈی نظام کے تحت پبلک سروس گاڑیوں کے لیے اسپیڈ کنٹرول مانیٹرنگ نظام متعارف کرایا جائے گا تاکہ ٹریفک قوانین پر سختی سے عمل درآمد کیا جا سکے۔
مزید برآں، کلر کہار سالٹ رینج میں خودکار نظام کے تحت گاڑیوں کی رفتار کو مانیٹر کرنے کا فیصلہ بھی کیا گیا ہے۔ آئی جی موٹروے پولیس نے کہا کہ موٹروے پولیس ٹرانسپورٹرز کے ساتھ مل کر مسافروں کی سلامتی کو یقینی بنا رہی ہے اور ان کے مسائل کے حل کے لیے بھرپور تعاون فراہم کرے گی۔
.ذریعہ: Daily Sub News
کلیدی لفظ: ا ئی جی موٹروے پولیس
پڑھیں:
آئی سی سی ججوں پر امریکی پابندیاں نظام انصاف کے لیے نقصان دہ، وولکر ترک
اسلام آباد (اُردو پوائنٹ ۔ UN اردو۔ 06 جون 2025ء) اقوام متحدہ کے ہائی کمشنر برائے انسانی حقوق وولکر ترک نے امریکی حکومت کی جانب سے عالمی فوجداری عدالت (آئی سی سی) کے چار ججوں کے خلاف پابندیاں عائد کرنے کے اقدام کو نظام انصاف کے لیے انتہائی نقصان دہ قرار دیا ہے۔
ہائی کمشنر نے کہا ہے کہ یہ پابندیاں اپنے عدالتی فرائض انجام دینے والے ججوں پر حملہ اور قانون کی عملداری سمیت ان اقدار کی کھلی توہین ہیں جن کا امریکہ طویل عرصہ سے دفاع کرتا آیا ہے۔
امریکہ کے وزیر خارجہ مارکو روبیو نے گزشتہ روز عدالت کے ان ججوں پر پابندیاں لگانے کا اعلان کیا تھا جو افغانستان میں امریکی اور افغان فوج کے ہاتھوں مبینہ جنگی جرائم سے متعلق 2020 کے مقدمے کی سماعت کر رہے ہیں اور جنہوں نے گزشتہ سال اسرائیل کے وزیراعظم بنجمن نیتن یاہو اور اس وقت کے وزیردفاع یوآو گیلنٹ کی گرفتاری کے وارنٹ جاری کیے تھے۔
(جاری ہے)
یہ چاروں جج خواتین ہیں جن کا تعلق بینن، پیرو، سلوانیہ اور یوگنڈا سے ہے۔
فیصلہ واپس لینے کا مطالبہوولکر ترک کا کہنا ہےکہ عدالت کے ججوں پر پابندیاں عائد کرنے کا فیصلہ بے حد پریشان کن ہے۔ امریکہ کی حکومت اس پر فوری نظرثانی کرے اور اسے واپس لیا جائے۔
'آئی سی سی' کو دنیا بھرکے 125 ممالک تسلیم کرتے ہیں جس نے امریکہ کی حکومت کے اس فیصلے پر کڑی تنقید کرتے ہوئے پابندیوں کو بین الاقوامی عدالتی ادارے کی خودمختاری کو کمزور کرنے کی کھلی کوشش قرار دیا ہے۔
عدالت کی جانب سے جاری کردہ بیان میں ان پابندیوں کو مسترد کرتے ہوئے کہا گیا ہے کہ ان سے سنگین ترین جرائم پر احتساب یقینی بنانے کی عالمی کوششوں کو نقصان ہو سکتا ہے۔ علاوہ ازیں، امریکہ کے اس فیصلے سے قانون کی عملداری کے لیے مشترکہ عزم، عدم احتساب کے خلاف جدوجہد اور قوانین پر مبنی بین الاقوامی نظام کی بقا کو بھی خطرہ لاحق ہو گیا ہے۔
مودی کے بیانات، خطے میں آگ یا راکھ؟