ریڈ لائن بی آر ٹی میں بڑی پیش رفت، سول ایوی ایشن اتھارٹی 4 مقامات پر تعمیرات کے لیے تیار
اشاعت کی تاریخ: 28th, March 2025 GMT
سندھ کے سینیئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کی زیر صدارت محکمہ ٹرانسپورٹ و ماس ٹرانزٹ کے اعلیٰ سطحی اجلاس میں روڈ حادثات کے روک تھام، ریڈ لائن بی آر ٹی ،، یلولائن بی آر ٹی کے تعمیراتی کام، موٹر وہیکل انسپیکشن (ایم وی آئی )سینٹرز کے قیام، سمیت دیگر ٹرانسپورٹ منصوبوں پر غور کیا گیا۔
یہ بھی پڑھیں:ڈی آئ جی ٹریفک پولیس کا کراچی کے شہریوں کو عید کا انوکھا تحفہ
اجلاس میں سیکریٹری ٹرانسپورٹ اسد ضامن، ایم ڈی ایس ایم ٹی اے کمال دایو، سی ای او ٹرانس کراچی طارق منظور چانڈیو، یلولائن بی آر ٹی کے پروجیکٹ ڈائریکٹر ضمیر عباسی، سیکریٹری پی ٹی اے اوکاش میمن اور دیگر اعلیٰ حکام نے شرکت کی۔
سی او ٹرانس کراچی طارق منظور چانڈیو نے ریڈ لائن بی آر ٹی منصوبے میں اہم پیش رفت سے متعلق اجلاس کو آگہی دی کہ سول ایوی ایشن اتھارٹی نے ریڈ لائن بی آر ٹی منصوبے کے 5 میں سے 4 مقامات پر تعمیرات کی منظوری دے دی ہے، جبکہ ایک مقام پر مزید بات چیت جاری ہے۔
اجلاس میں بایو گیس پلانٹ اور بی آر ٹی منصوبے کے ڈیپوز کے ڈیزائن اور تعمیرات میں ہونے والی پیش رفت، کنسلٹنٹس اور ٹھیکیداروں کی کارکردگی کا بھی تفصیلی جائزہ لیا گیا۔
اجلاس کو بتایا گیا کہ کراچی میں موٹر وہیکل انسپیکشن سینٹرز کو فعال کر دیا گیا ہے۔ سینیئر وزیر شرجیل انعام میمن نے کہا کہ تمام کمرشل گاڑیوں کا لازمی فٹنس سرٹیفکیٹ حاصل کرنا ہوگا۔
انہوں نے ہدایت دی کہ سندھ کے دیگر اضلاع میں بھی موٹر وہیکل انسپیکشن سینٹرز کا قیام جلد از جلد یقینی بنایا جائے۔
یہ بھی پڑھیں:کراچی کی جیلوں کے 13 ہزار قیدی اعتکاف سے کیوں محروم ہو گئے؟
اجلاس میں عید الفطر کے موقع اضافی کرایہ وصول کرنے والے ٹرانسپورٹرز کے خلاف کارروائیوں کا بھی جائزہ لیا گیا اور سینیئر وزیر شرجیل انعام میمن نے سخت ہدایات جاری کیں کہ مسافروں سے اضافی کرایہ وصول کرنے والے ٹرانسپورٹرز کے خلاف سخت کارروائی کی جائے۔
بی آر ٹی منصوبوں کی بروقت تکمیل کی ہدایات دیتے ہوئے سینئر وزیر شرجیل انعام میمن نے کہا کہ ریڈ لائن اور یلو لائن بی آر ٹی منصوبوں کی تعمیراتی رفتار میں مزید تیزی لائی جائے تاکہ کسی بھی قسم کی غیر ضروری تاخیر سے بچا جا سکے۔
انہوں نے کہا کہ ہم بی آر ٹی منصوبوں کی بروقت تکمیل اور سندھ میں عوامی ٹرانسپورٹ کی بہتری کے لیے پرعزم ہیں اور کسی بھی قسم کی تاخیر یا غفلت برداشت نہیں کی جائے گی۔
سینیئر وزیر شرجیل انعام میمن نے سیکریٹری ٹرانسپورٹ اسد ضامن کو ہدایت دی کہ عیدالفطر کے بعد تمام منصوبوں پر روزانہ کی بنیاد پر پیش رفت کی رپورٹ پیش کی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریڈ لائن بی آر ٹی سندھ حکومت شرجیل میمن کراچی.ذریعہ: WE News
کلیدی لفظ: ریڈ لائن بی ا ر ٹی سندھ حکومت شرجیل میمن کراچی وزیر شرجیل انعام میمن نے ریڈ لائن بی آر ٹی اجلاس میں پیش رفت
پڑھیں:
ایئر کراچی جلد اڑان بھرنے کو تیار، افتتاح ہوگیا
data-id="863a0a8" data-element_type="widget" data-widget_type="theme-post-content.default">
کراچی:پاکستان کی نجی ائیر لائن میں ایک اور اضافہ،نئی فضائی کمپنی ’ایئر کراچی‘ کا باضابطہ افتتاح کردیا گیا۔
نجی شعبے کے باہمی اشتراک سے بننے والی ایئر کراچی کی افتتاحی تقریب کراچی کے اولڈ ایئرپورٹ پر منعقد کی گئی، افتتاحی تقریب سے خطاب کرتے ہوئے چیئرمین ایئر کراچی حنیف گوہر نے بتایا کہ ایئرلائن کے قیام کا خواب 2006 میں شروع ہوا، طویل جدوجہد کے بعد آج یہ خواب حقیقت بن گیا۔
یہ ایئرلائن 42 کاروباری شراکت داروں کے اشتراک سے قائم کی گئی ہے، جو کراچی کی شناخت کو دوبارہ اجاگر کرنے کے عزم کی علامت ہے، ایئر کراچی کا آغاز ملکی معیشت کے استحکام اور مقامی صنعتوں کے فروغ کی جانب ایک مثبت قدم ہے۔
اس موقع پر تقریب کے مہمانِ خصوصی سیکرٹری ڈیفنس لیفٹیننٹ جنرل ریٹائرڈ محمد علی نے کہا کہ کراچی کے بزنس کمیونٹی نے ایک بار پھر ملک کا نام فخر سے بلند کیا ہے، حکومت نئی ایئرلائنز اور ہوا بازی کے شعبے کے تمام اسٹیک ہولڈرز کو مکمل تعاون فراہم کرے گی۔
ایئر کراچی اور پی آئی اے کے درمیان اشتراک سے ملکی ایوی ایشن انڈسٹری کی کارکردگی بہتر ہوگی۔
بتایا گیا ہے کہ ایئر کراچی انتظامیہ کی طرف سے پاکستان سول ایوی ایشن اتھارٹی (PCAA) کو رواں سال فروری میں ریگولر پبلک ٹرانسپورٹ (RPT) لائسنس کے لیے درخواست دی تھی، جس کے اجراءکا فیصلہ وفاقی حکومت کی منظوری کے بعد کیا جائے گا۔
ایئر لائن کے قیام کے لیے ابتدائی 5 ارب روپے کی سرمایہ کاری کی گئی ہے، ہر شیئرہولڈر نے 5 کروڑ روپے کی سرمایہ کاری کی ہے۔
معلوم ہوا ہے کہ ایئر کراچی کے نمایاں سرمایہ کاروں میں عقیل کریم ڈھیڈی، عارف حبیب، ایس ایم تنویر، بشیر جان محمد، خالد تواب، زبیر طفیل اور حمزہ تبانی شامل ہیں۔
ایئر کراچی کے چیف ایگزیکٹو آفیسر (CEO) کے طور پر سابق ایئر وائس مارشل ریٹائرڈ عمران کو تعینات کیا گیا ہے، ابتدائی مرحلے میں تین طیارے لیز پر حاصل کیے جائیں گے۔
ویب ڈیسک
Faiz alam babar
پیپلز پارٹی کی وزیراعظم آزاد کشمیر کو استعفیٰ دینے کی مہلت