فیصل بینک کا انڈس ہسپتال کا دورہ، معاشرتی فلاح و بہبود کے عزم کا اعادہ
اشاعت کی تاریخ: 29th, March 2025 GMT
پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے انڈس ہسپتال اینڈ ہیلتھ نیٹ ورک (آئی ایچ ایچ این) کے دورے کے دوران معاشرتی فلاح و بہبود کے عزم کا اعادہ کیا۔ اس موقع پر فیصل بینک بورڈ آف ڈائریکٹرز کے چیئرمین میاں محمد یونس نے ہسپتال کی نئی عمارت میں فلور کا افتتاح کیا۔
نیا فلور ہسپتال کی صلاحیت میں ایک قابل قدر اضافہ ہے، جو اُسے مربوط نظام اور مریضوں پر مرکوز ماحول کے ذریعے بہترین طبی سہولتیں فراہم کرنے کے قابل بنائے گا۔ فیصل بینک کے صدر اور سی ای او یوسف حسین نے آئی ایچ ایچ این کے صدر ڈاکٹر عبدالباری خان سے ملاقات کی اور ‘Own a Day’ اقدام کے پہلے کارپوریٹ شراکت دار کے طور پر اپنی حمایت کی توثیق کی، جو اسپتال کے یومیہ امور میں تعاون اور ضرورت مندوں کو معیاری طبی سہولتوں کی فراہمی کے عزم کی عکاسی کرتا ہے۔
فیصل بینک کے بورڈ آف ڈائریکٹرز کے چیئرمین میاں محمد یونس نے اس موقع پر کہا کہ فیصل بینک میں ہمارا یقین ہے کہ ترقی کا بہترین ذریعہ وہ مثبت تبدیلی ہے جو لوگوں کی زندگیوں میں تبدیلی لائے۔ انڈس ہسپتال کے ساتھ ہمارا تعاون صحت کی سہولتوں تک رسائی کو مستحکم بنانے اور ان افراد کی مدد کرنے کی جانب ایک قدم ہے جنہیں ان کی سب سے زیادہ ضرورت ہے۔ یہ ہمارے لیے اعزاز کی بات ہے کہ ہم ایک ایسے ادارے کے ساتھ کھڑے ہیں جو بے شمار لوگوں کے لیے امید اور شفا کا ذریعہ ہے۔
فیصل بینک کے صدر اور سی ای او یوسف حسین نے کہا کہ صحت کی سہولتیں ہر انسان کا بنیادی حق ہے۔ ہماری معاونت ہمیں ان ہزاروں افراد کی زندگیوں میں مثبت کردار ادا کرنے کا موقع فراہم کرتی ہے جو ان خدمات پر انحصار کرتے ہیں۔ ہمدردی اور خدمت کے اصولوں پر کاربند رہتے ہوئے فیصل بینک ایسے اقدامات کو فروغ دینے کے لیے پُرعزم ہے جو دیرپا اثرات مرتب کرتے ہیں۔
انڈس ہسپتال اینڈ ہیلتھ نیٹ ورک کے صدر ڈاکٹر عبدالباری خان نے کہا کہ فیصل بینک کا عزم کسی ایک نیکی کے عمل تک محدود نہیں بلکہ یہ ایک مسلسل تعاون ہے جو صحت کے شعبے میں سخاوت اور ہمدردی کی ایک پائیدار میراث قائم کرے گی، جو آنے والی نسلوں کو بھی فائدہ پہنچائے گی۔
ایسے اقدامات فیصل بینک کی بینکنگ خدمات کے ساتھ سماجی اثرات مرتب کرنے کے عزم کو تقویت د ے رہاہے جو پاکستان میں جامع اور مستحکم صحت کے نظام کی تشکیل میں اپنا کردار ادا کر رہا ہے۔
اشتہار
.ذریعہ: Al Qamar Online
کلیدی لفظ: انڈس ہسپتال فیصل بینک کے عزم کے صدر
پڑھیں:
وزیراعظم شہباز شریف اور امیر قطر کی ملاقات ، مکمل حمایت اور یکجہتی کا اعادہ
اویس کیانی :وزیراعظم شہباز شریف نے امیر قطر شیخ تمیم بن حمد الثانی سے ملاقات میں اسرائیلی حملے کی مذمت کرتے ہوئے قطر کی مکمل حمایت اور یکجہتی کا اعادہ کیا۔
تفصیلات کے مطابق دوحہ میں ہنگامی عرب اسلامی سربراہ اجلاس کے موقع پر وزیراعظم شہباز شریف اور امیرِ قطر شیخ تمیم بن حمد الثانی کے درمیان اہم ملاقات ہوئی، ملاقات میں نائب وزیراعظم اسحاق ڈار اور فیلڈ مارشل سید عاصم منیر بھی شریک تھے۔
پاکستان کرکٹ بورڈ نےڈائریکٹر انٹرنیشنل کرکٹ عثمان واہلہ کو معطل کر دیا
ملاقات میں وزیراعظم نے 9 ستمبر کو دوحہ کے رہائشی علاقے پر اسرائیلی حملے کی پاکستان کی شدید مذمت کا اعادہ کیاجس کے نتیجے میں قیمتی جانیں ضائع ہوئیں اور متعدد افراد زخمی ہوئے۔
اس نازک وقت میں قطر کے ساتھ پاکستان کی ہرممکن حمایت اور یکجہتی کا اعادہ کرتے ہوئے وزیراعظم نے 9 ستمبر کو اسرائیل کے حملے کو قطر کی خود مختاری اور علاقائی سالمیت کی کھلی خلاف ورزی اور بین الاقوامی قانون کی سنگین پامالی قرار دیا۔
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
گزشتہ ہفتے دوحہ کے دورے کے دوران امیر قطر سے اپنی حالیہ ملاقات کا ذکر کرتے ہوئے وزیراعظم نے کہا کہ پاکستان اور قطر کے برادرانہ، تاریخی اور پائیدار تعلقات آنے والے دنوں میں مزید مضبوط ہوں گے۔
وزیراعظم نے مشرق وسطیٰ میں اسرائیل کی جارحیت کو فوری طور پر روکنے اور مسلم امہ کے اتحاد پر زور دیا، اس سلسلے میں انہوں نے قطر کی طرف سے دوحہ میں ہنگامی عرب اسلامی سربراہی اجلاس بلانے کے فیصلے کو بھی سراہا۔
لاہور کے مختلف علاقوں سے خاتون سمیت4 افراد کی لاشیں برآمد
وزیراعظم نے کہا کہ قطر کی درخواست پر پاکستان نے مشرق وسطیٰ کی بگڑتی ہوئی صورتحال پر بات چیت کے لیے اقوام متحدہ کی سلامتی کونسل کا ہنگامی اجلاس بلانے کی درخواست کی تھی۔
امیر قطر نے ہنگامی عرب اسلامی سربراہی اجلاس میں وزیر اعظم کی شرکت کے ساتھ ساتھ اس مشکل وقت میں قطر کے ساتھ اظہار یکجہتی کے لیے 12 ستمبر کو دوحہ کے دورے کو سراہا۔
دونوں رہنماؤں نے خطے کی ابھرتی ہوئی صورتحال کے پیش نظر قریبی رابطےمیں رہنے پراتفاق کیا۔
9 شہریوں کے قتل میں ملوث اشتہاری ملزم سعودی عرب سے گرفتار
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت