فیملی پر ہوٹنگ کرنے سے منع کیوں کیا؟ نوجوان پر فائرنگ کرنے والے ملزمان گرفتار
اشاعت کی تاریخ: 3rd, April 2025 GMT
راولپنڈی:
تھانہ بنی کے علاقے میں عید کے دوسرے دن فیملی پر آوازیں کسنے سے منع کرنے پر نوجوان کو فائرنگ کرکے زخمی کرنے والے مسلح ملزمان کو گرفتار کر لیا گیا۔
پولیس کے مطابق راجا وحید نے بتایا کہ فیملی کے ساتھ گھر کے پاس پہنچے تو ایک گاڑی میں کچھ اوباش نوجوان بیٹھے تھے جو میری فیملی پر ہوٹنگ کرنے لگے، میں نے اور میرے بیٹے فہد نے ان کو ایسا کرنے سے منع کیا تو وہ لڑائی جھگڑا کرنے پر اتر آئے۔
راجا وحید نے بتایا کہ میرے بیٹے فہد کے منع کرنے پر دو لڑکوں نے اسے بازوؤں سے پکڑ لیا اور تیسرے نوجوان کو کہا کہ اسے گولی مار دو تو اس نوجوان نے پسٹل نکالی اور فائرنگ شروع کر دی۔ گولی بیٹے کے پیٹ کی بائیں جانب لگی جس سے میرا بیٹا شدید زخمی ہوکر گر پڑا اور ملزمان موقع سے فرار ہوگئے۔
پولیس نے مقدمہ درج کیا جبکہ سی پی او راولپنڈی خالد ہمدانی نے واقعے کا نوٹس لیکر پولیس کو ملزمان کی گرفتاری کا ٹاسک سونپا۔ پولیس نے تینوں ملزمان گرفتار کرلیا جن کی شناخت اسامہ، شرجیل اور واصف کے ناموں سے ہوئی۔
ایس پی راول کا کہنا تھا کہ ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی، شہریوں کی جان ومال کی حفاظت اولین ذمہ داری ہے، جسے ہر صورت یقینی بنایا جائے گا۔
.ذریعہ: Express News
پڑھیں:
جادو ٹونا کرنے کے شبہے میں قتل عمر رسیدہ شخص کا ڈھانچہ برآمد، ملزمان گرفتار
بھارتی ریاست اوڈیشہ کے علاقے بھوبنیشور میں ایک 72 سالہ بزرگ شخص کو اپنے خلاف جادو ٹونا کرنے کے شبہے میں 2 افراد نے مبینہ طور پر قتل کر دیا۔
بھارتی پولیس کے مطابق واقعہ تقریباً ایک ماہ قبل پیش آیا تھا، تاہم اس کا انکشاف اس وقت ہوا جب جمعے کے روز جنگلات سے مقتول کی ہڈیوں کا ڈھانچہ برآمد ہوا۔
یہ بھی پڑھیے: کالا جادو یا شرارت؟ دہلی کی عدالت میں ملزم کی انوکھی حرکت پر کارروائی معطل
پولیس نے اس قتل میں ملوث ہونے کے الزام میں دو ملزمان کو گرفتار کر لیا ہے۔
بھوبنیشور کے پولیس کمشنر کے مطابق مقتول کی شناخت اس کے بیٹے نے ایک گلے کے زیور کی بنیاد پر کی، جو ڈھانچے کے ساتھ ملا تھا۔ مقتول کی شناخت بلرام دیوگم کے نام سے ہوئی۔
پولیس کے مطابق 30 ستمبر کی رات بلرام اپنے کھیت کی نگرانی کے لیے گئے تھے اور واپس نہیں لوٹے۔ بعد ازاں تحقیقات میں انکشاف ہوا کہ دونوں ملزمان نے انہیں قتل کر کے لاش جنگل میں دفنا دی اور ان کے سامان کو قریبی تالاب میں پھینک دیا۔
ایک پولیس افسر کے مطابق دونوں گرفتار ملزمان نے دورانِ تفتیش جرم کا اعتراف کر لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت قتل کالا جادو
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے