عملی اقدامات نہ ہونے سے لاہور ایک دہائی سے شدید اسموگ اور فضائی آلودگی کا شکار
اشاعت کی تاریخ: 3rd, April 2025 GMT
لاہور:
لاہور گزشتہ ایک دہائی سے شدید اسموگ اور فضائی آلودگی کا شکار ہے، لیکن ہر آنے والی حکومت سبز انقلاب کے دعوے تو کرتی ہے مگر عملی اقدامات میں خاطر خواہ تبدیلی نہیں لاتی۔
اس سلسلے کو جاری رکھتے ہوئے، حال ہی میں تشکیل دی گئی ماحولیاتی تحفظ فورس نے مثال قائم کرنے کا بیڑا اٹھایا ہے، مگر یہ کوشش بھی حقیقت کے برعکس دکھائی دیتی ہے۔ شہر میں زیادہ تر نجی اور تجارتی گاڑیاں اب بھی پیٹرول پر چل رہی ہیں اور ان کے اخراج کی نگرانی کا کوئی مناسب نظام موجود نہیں ہے۔
ماحولیاتی تحفظ فورس کی جانب سے متعارف کی گئی نئی حکمتِ عملی کے تحت 25 ہائبرڈ گاڑیاں خریدی گئی ہیں، جن پر 250 ملین روپے کی خطیر رقم خرچ کی گئی، جو کہ ورلڈ بینک کے گرین پروگرام کے تحت فراہم کی گئی تھی۔ بعض ماہرین اسے مثبت پیش رفت قرار دیتے ہیں، مگر حقیقت یہ ہے کہ جب عام شہری برقی موٹر سائیکل تک خریدنے سے قاصر ہیں، تو ماحول دوست کاروں کا خواب دیکھنا بھی بے سود ہے۔
اس فورس کو 250 الیکٹرک موٹر سائیکلوں کے علاوہ جدید معائنے کے آلات بھی فراہم کیے گئے ہیں، جن میں ٹیبلٹس اور گیس و پانی کے تجزیے کے آلات شامل ہیں۔ ان پر مزید 300 ملین روپے کی رقم خرچ کی گئی، جو کہ صوبائی حکومت نے فراہم کی۔ تاہم، ماہرین کے مطابق یہ اقدامات شہر کی مجموعی فضائی کیفیت میں بہتری کے لیے ناکافی ہیں۔
’’ایکسپریس ٹریبیون‘‘ کی ایک رپورٹ کے مطابق، لاہور میں رجسٹرڈ 7.
اسی طرح PM2.5 کی مقدار 52 مائیکروگرام فی مکعب میٹر رہی، جو عالمی ادارہ صحت کے مقررہ 24 گھنٹوں کے محفوظ معیار سے تین گنا زیادہ ہے۔
ماحولیاتی ماہرین کا کہنا ہے کہ محض 25 ہائبرڈ گاڑیاں متعارف کروا کر ماحولیاتی آلودگی کو کم نہیں کیا جا سکتا۔ پاک وہیلز کے بانی سنیل سرفراز منج کے مطابق ’’اگر حکومت واقعی ماحول دوست ٹرانسپورٹ کے حوالے سے سنجیدہ ہوتی، تو وہ مکمل طور پر برقی گاڑیاں خریدتی نہ کہ ہائبرڈ، جو پھر بھی ایندھن استعمال کرتی ہیں۔‘‘ انہوں نے مزید کہا کہ ’’یہ ایسا ہی ہے جیسے دوسروں کو نصیحت کرنا مگر خود عمل نہ کرنا۔‘‘
پنجاب ماحولیاتی تحفظ ایجنسی کے سیکریٹری راجہ جہانگیر انور کے مطابق ’’250 الیکٹرک موٹر سائیکلیں اور 25 ہائبرڈ گاڑیاں خریدنے کا مقصد آلودگی پھیلانے والے صنعتی یونٹس، فیکٹریوں اور بھٹوں کا معائنہ کرنا ہے۔ چونکہ صوبہ صفر کاربن اخراج کی جانب گامزن ہے، اس لیے ضروری تھا کہ محکمہ ماحولیات کی گاڑیاں بھی ماحول دوست ہوں۔‘‘
تاہم، ماہرین کے مطابق، جب تک عوام کے لیے مناسب عوامی ٹرانسپورٹ، صنعتی آلودگی کے سخت ضوابط اور معیاری ایندھن کی دستیابی یقینی نہیں بنائی جاتی، تب تک فضائی آلودگی میں نمایاں کمی ممکن نہیں۔ لاہور کی 14.8 ملین آبادی کے لیے موجودہ سفری سہولیات ناکافی ہیں۔ مثال کے طور پر، میٹرو بس سروس صرف 27 کلومیٹر کے سفر کا احاطہ کرتی ہے، جبکہ اورنج لائن میٹرو ٹرین کے 26 اسٹیشنز بھی شہر کے وسیع حصے کا احاطہ نہیں کرتے۔
پنجاب کے ماحولیاتی تبدیلی ایکشن پلان 2024 کے مطابق، 2030 تک 15 فیصد اور 2035 تک 20 فیصد گاڑیاں برقی ہوں گی جبکہ 60 فیصد توانائی قابلِ تجدید ذرائع سے حاصل کرنے کا ہدف ہے۔ تاہم، ماہرین ان اہداف کے حصول کے حوالے سے شکوک و شبہات کا شکار ہیں۔ ماحولیاتی ماہر داؤر حمید بٹ کے مطابق ’’قابل تجدید توانائی کا ہدف کسی حد تک 40 سے 45 فیصد تک پہنچ سکتا ہے، لیکن برقی گاڑیوں کا ہدف بمشکل 1 فیصد تک ہی پہنچ پائے گا۔‘‘
ماہرین کا کہنا ہے کہ چارجنگ انفرا اسٹرکچر کی عدم دستیابی اور برقی گاڑیوں کی بلند قیمت ان کے فروغ میں بڑی رکاوٹیں ہیں۔ لاہور جیسے شہر میں ایک مؤثر اور مربوط عوامی ٹرانسپورٹ نظام ناگزیر ہے، جس کے بغیر سڑکوں پر گاڑیوں کی تعداد کم کرنا ممکن نہیں ہے۔
لاہور کی فضائی آلودگی ایک پیچیدہ مسئلہ ہے، جس کے حل کے لیے حکومت کو محض علامتی اقدامات سے آگے بڑھنا ہوگا۔ ٹرانسپورٹ نظام میں بہتری، صنعتی آلودگی پر قابو پانے کے لیے سخت قوانین اور معیاری ایندھن کی فراہمی جیسے اقدامات کے بغیر، ماحولیاتی بہتری کے دعوے محض نعرے ہی رہیں گے۔
ذریعہ: Express News
کلیدی لفظ: فضائی آلودگی کے مطابق کے لیے کی گئی
پڑھیں:
فضائی آلودگی کا وبال، لاہور دنیا کے آلودہ شہروں میں پھر سرفہرست
سٹی42: باغوں کا شہر لاہور فضائی آلودگی کے شدید نرغے میں آ گیا ہے۔ دنیا کے آلودہ ترین شہروں میں لاہور نے پہلے نمبر کا مقام حاصل کر لیا ہے اور ایئر کوالٹی انڈیکس (AQI) کی مجموعی شرح 339 ریکارڈ کی گئی ہے۔
سی ای آر پی آفس میں آلودگی کی شرح 623، سول سیکرٹریٹ میں 610، اقبال ٹاؤن 607 جبکہ ساندہ روڈ پر 486 ریکارڈ کی گئی۔برکی روڈ پر آلودگی کی سطح 478، سید مراتب علی روڈ پر 471، پیراگون میں 455 اور جی سی یونیورسٹی کے اطراف 447 ریکارڈ ہوئی۔
بھارتی نژاد دنیا کی معروف کمپنی کو اربوں کا چونا لگا کر فرار
محکمہ موسمیات کے مطابق شہر کا زیادہ سے زیادہ درجہ حرارت 30 ڈگری سینٹی گریڈ تک جانے کا امکان ہے جبکہ آئندہ 24 گھنٹوں میں بارش کا کوئی امکان نہیں ہے۔شہر میں 3 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 85 فیصد ریکارڈ کیا گیا ہے۔
دوسری جانب موسمی تبدیلی اور بڑھتی ہوئی فضائی آلودگی کے باعث سانس اور جلد کے امراض میں خطرناک حد تک اضافہ ہونے لگا ہے۔ معروف ماہرِ طب پروفیسر ڈاکٹر جاوید اکرم کا کہنا ہے کہ لاہور دنیا کے آلودہ ترین شہروں میں شامل ہو چکا ہے، جس کے باعث شہریوں کی صحت بری طرح متاثر ہو رہی ہے۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
پروفیسر جاوید اکرم نے خصوصی گفتگو میں بتایا کہ بزرگ افراد اور بچے فضائی آلودگی سے سب سے زیادہ متاثر ہوتے ہیں جبکہ پہلے سے بیمار افراد کے لیے یہ آلودگی انتہائی مہلک ثابت ہو سکتی ہے۔
ان کا کہنا تھا کہ شہری کھلی فضا میں نکلتے وقت لازمی ماسک استعمال کریں اور آلودگی کے منفی اثرات سے بچنے کے لیے پانی کا زیادہ استعمال کریں۔پروفیسر جاوید اکرم نے مشورہ دیا کہ بوڑھے اور بیمار افراد کو نمونیا سے بچاؤ کی ویکسین ضرور لگوانی چاہیے تاکہ موسمی بیماریوں کے اثرات کو کم کیا جا سکے۔
نئے بھرتی کنٹریکٹ ملازمین کو ریگولر ہونے پر بھی پنشن نہیں ملے گی
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟