جیل میں پی ٹی آئی قیادت اور کارکنوں کے دل جلتے ہیں، باہر موجود رہنما توجہ دیں، شاہ محمودقریشی
اشاعت کی تاریخ: 8th, April 2025 GMT
جیل میں پی ٹی آئی قیادت اور کارکنوں کے دل جلتے ہیں، باہر موجود رہنما توجہ دیں، شاہ محمودقریشی WhatsAppFacebookTwitter 0 8 April, 2025 سب نیوز
لاہور: پی ٹی آئی رہنما شاہ محمود قریشی نے کہا ہے کہ جیل میں پڑے لوگ پی ٹی آئی کی باہر موجود قیادت کی طرف دیکھ رہے ہیں۔
انسداد دہشت گردی عدالت لاہور میں پیشی کے موقع پر میڈیا سے غیر رسمی گفتگو کرتے ہوئے شاہ محمود قریشی نے کہا کہ ہماری جماعت کی قیادت جو باہر ہے ان سے اپیل ہے، برائے مہربانی جو جیل میں پڑے ہیں وہ آپ کی طرف دیکھ رہے ہیں ۔ میری دست بستہ استدعا ہے کہ اتفاق رکھیے ، سلوک رکھیے اور جیل والوں کے لیے کوئی اقدام اٹھائیں۔
انہوں نے کہا کہ ایک دوسرے پر بیان بازی نہ کریں، نقطہ چینی سے بچیں۔ جیل میں جو قیادت اور کارکن پڑے ہیں ان کے دل جلتے ہیں ۔نقطہ نظر مختلف ہو سکتا ہے، احترام کے ساتھ برتاؤ کریں ۔ اپنی صفوں کے اندر یکجہتی رکھیں ۔
شاہ محمود قریشی کا کہنا تھا کہ میں قیدی نمبر 805 ہوں، قیدی نمبر 805 کی یہ اپیل ہے۔ مجھے بانی پی ٹی آئی نے یہ نمبر 805 دیا تھا ۔ میں دیانتداری سے کہہ رہا ہوں کہ جن کیسز میں ہم جیل میں ہیں، میں ان میں ملوث نہیں ہوں ۔ میں کسی سازش ، توڑپھوڑ یا واقعے میں موجود نہیں تھا ۔
پی ٹی آئی رہنما نے کہا کہ میرے خلاف جو مقدمات بنے ہیں، ان میں ایک ہی الزام ہے۔ میرے خلاف پنڈی میں 14 مقدمات ، ملتان میں 5 مقدمات میں ضمانت ہو چکی ہے۔ لاہور میں 14 مقدمات سے 8 میں ضمانت ہو گئی ہے، باقی 6 مقدمات رہ گئے ہیں ۔
انہوں نے کہا کہ میں نے ابھی اپیل کی ہے، اس پر فوکس کر رہا ہوں ۔ میں وزیر اعلیٰ پنجاب کی کارکردگی پر خاموشی اختیار کروں گا ۔ میرا کام آگ لگانا نہیں ہے، آگ بجھانا ہے۔
.ذریعہ: Daily Sub News
کلیدی لفظ: پی ٹی ا ئی جیل میں
پڑھیں:
بلاول بھٹو نے واشنگٹن میں عید منائی، دیگر رہنما کہاں عید منائیں گے؟
بلاول بھٹو زرداری—فائل فوٹوپاکستان پیپلز پارٹی کے چیئرمین بلاول بھٹو زرداری نے واشنگٹن میں عید منائی ہے۔
بلاول بھٹو زرداری اعلیٰ سطح کے وفد کی صدارت کر رہے ہیں جس کے ہمراہ وہ امریکا کے دورے پر ہیں۔
پیپلز پارٹی کے دیگر رہنما اور سندھ سے تعلق رکھنے والے دیگر سیاسی رہنما کہاں کہاں عید منائیں گے؟ اس حوالے سے تفصیلات سامنے آئی ہیں۔
پاکستان پیپلز پارٹی کے چیئرمین اور سابق وزیرِ خارجہ بلاول بھٹو زرداری کی قیادت میں اعلیٰ سطح کے پارلیمانی وفد نے پاکستان ہاؤس میں پاکستانی سفیر رضوان سعید شیخ کی میزبانی میں منعقدہ عشائیے کے استقبالیے میں دو جماعتی امریکی قانون سازوں کے گروپ سے ملاقات کی۔
وزیرِ اعلیٰ سندھ مراد علی شاہ عید الاضحیٰ اپنے آبائی علاقے سیہون شریف میں منائیں گے۔
گورنر سندھ کامران خان ٹیسوری فریضۂ حج کی ادائیگی کے دوران عید الاضحیٰ سعودی عرب میں منا رہے ہیں۔
قائم مقام گورنر اویس قادر شاہ عیدِ قرباں اپنے آبائی علاقے سکھر میں منائیں گے۔
عوامی نیشنل پارٹی سندھ کے صدر شاہی سید عید کراچی میں منائیں گے۔
وزیرِ اطلاعات شرجیل میمن عید الاضحیٰ اپنے حلقۂ انتخاب ٹنڈو جام حیدرآباد میں منائیں گے۔
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق