کامیڈی کنگ کا نیا روپ: کپل شرما کے وزن میں غیر معمولی کمی، مداح حیران
اشاعت کی تاریخ: 9th, April 2025 GMT
بھارت کے معروف کامیڈین و اداکار کپل شرما نے حالیہ دنوں میں اپنی حیران کن جسمانی تبدیلی سے سب کو چونکا دیا ہے۔ رپورٹس کے مطابق کپل شرما نے نمایاں طور پر وزن کم کرلیا ہے جس کے بعد ان کا نیا روپ مداحوں کی توجہ کا مرکز بن گیا ہے۔
سوشل میڈیا پر کپل شرما کی ممبئی ائیرپورٹ پر بنائی گئی ویڈیو تیزی سے وائرل ہو رہی ہے، جس میں وہ ہلکی ٹی شرٹ میں دکھائی دے رہے ہیں۔ ویڈیو دیکھ کر مداحوں کی بڑی تعداد حیران رہ گئی۔ کچھ صارفین نے تو ان کی صحت پر تشویش کا اظہار کرتے ہوئے کہا کہ وہ پہلے کی نسبت کافی دبلا نظر آ رہے ہیں۔
View this post on InstagramA post shared by TellyMasala (@tellymasala)
مداحوں کی جانب سے مختلف تبصرے سامنے آ رہے ہیں۔ ایک صارف نے لکھا: "کیا طبیعت ٹھیک نہیں کپل کی؟" جب کہ ایک اور نے کہا: "ٹینشن میں وزن کم ہوگیا؟" کچھ نے تو یہ بھی پوچھا کہ "کپل بھائی، بیمار چل رہے ہو کیا؟ آج کل ایسے کیسے ہوگئے؟"
رپورٹس کے مطابق کپل شرما نے اکشے کمار کی فٹنس سے متاثر ہو کر جم جانا شروع کیا۔ وہ روزانہ صبح سویرے اٹھ کر سخت ٹریننگ کرتے ہیں، جس میں دو گھنٹے کی جم ایکسرسائز کے ساتھ ساتھ کک باکسنگ کی تربیت بھی شامل ہے۔ بتایا جا رہا ہے کہ کپل نے یہ معمول فروری سے اپنایا ہوا ہے اور مسلسل اس پر عمل پیرا ہیں۔
اگرچہ ابھی تک یہ واضح نہیں ہو سکا کہ کپل شرما نے کُل کتنے کلو وزن کم کیا ہے، تاہم پچھلے دنوں کی رپورٹس کے مطابق انہوں نے 11 کلو وزن کم کیا تھا۔
کامیڈی کے بادشاہ کی یہ نئی فٹنس جنّون اور حیران کن تبدیلی مداحوں کے لیے جہاں خوشگوار حیرت کا باعث بنی ہے، وہیں بہت سے لوگ ان کی صحت سے متعلق فکر مند بھی نظر آ رہے ہیں۔ اب دیکھنا یہ ہے کہ کپل شرما اس نئے روپ میں اسٹیج یا اسکرین پر کب جلوہ گر ہوتے ہیں۔
.ذریعہ: Express News
کلیدی لفظ: کپل شرما نے رہے ہیں
پڑھیں:
پاکستانی کرکٹرز کا عیدالاضحیٰ پر مداحوں کے نام محبت بھرا پیغام
کراچی:پاکستان کرکٹ ٹیم کے کھلاڑیوں نے عیدالاضحیٰ کے موقع پر اپنے مداحوں کو خصوصی مبارکباد دی ہے۔
پاکستان کرکٹ بورڈ (پی سی بی) کی جانب سے جمعہ کو ایک ویڈیو جاری کی گئی جس میں قومی ٹیم کے کئی نمایاں کھلاڑیوں نے دنیا بھر میں موجود شائقینِ کرکٹ کو عید کی خوشیوں، صحت اور خوشحالی کی دعاؤں کے ساتھ تہنیتی پیغامات دیے۔
ویڈیو میں جن کھلاڑیوں کے پیغامات شامل تھے اُن میں نئے کپتان سلمان علی آغا، محمد رضوان، آل راؤنڈر فہیم اشرف، وکٹ کیپر بیٹر محمد حارث، شاہین شاہ آفریدی، نوجوان بلے باز صائم ایوب، صاحبزادہ فرحان اور عامر جمال شامل تھے۔
اگرچہ ویڈیو کو سراہا گیا ہے لیکن شائقین نے ویڈیو میں سابق کپتان اور اسٹار بیٹر بابر اعظم کی غیر موجودگی پر سوالات اٹھائے ہیں۔
اس وقت کھلاڑی عید کی چھٹیاں اپنے خاندان کے ساتھ گزار رہے ہیں، اور امکان ہے کہ ٹیم جولائی میں دوبارہ بنگلہ دیش کا دورہ کرے گی۔
https://cdn.jwplayer.com/players/lrQK026u-jBGrqoj9.html
حکومت کا سارا زور تنخواہ دار اور کارپوریٹ طبقے پر رہا