برطانوی نوجوان نے’فل بک‘ کی تیاری سے ورلڈ ریکارڈ توڑ دیا
اشاعت کی تاریخ: 12th, April 2025 GMT
برطانوی نوجوان نے 13سو صفحات پر مشتمل ہاتھ سے فلپ بک بنا کر گنیز ورلڈ ریکارڈ اپنے نام کر لیا۔
یہ بھی پڑھیں:امریکی خاتون نے سب سے بڑی بائٹ کا ورلڈ ریکارڈ کیسے بنایا؟
میکس بڈجن نامی 17 سالہ نوجوان نے گنیز ورلڈ ریکارڈ کو بتایا کہ اس نے ’تھنڈر اسٹرائیکس‘ کے عنوان سے اپنی فلپ بک کئی دنوں کے شب و روز محنت کے بعد تیار کی۔
میکس بڈجن کو ہاتھ بنی فلپ بک کی تیاری کے بعد سب سے زیادہ صفحات کی حامل فلپ بک بنانے کا اعزاز حاصل ہے۔
نوجوان میکس بڈجن کے مطابق اس ریکارڈ کے بنانے میں انہوں کچھ مشکل ترین لمحات کا سامنا بھی کیا، میرے خیال میں یہ حقیقت ہے کہ فلپ بک کا مطلب عام طور پر مختصر، تیز اور دلچسپ بیانیہ ہوتا ہے۔
نوجوان نے بتایا کہ جب صفحہ 500 یا اس سے زیادہ ہوچکے تھے، تب میں کافی بور ہو چکا تھا، کیونکہ آئیڈیاز ختم ہو رہے تھے۔ تاہم اس کے باوجود میں نے اپنے آپ کو یاد دلایا کہ عالمی ریکارڈز بنانا آسان نہیں ہوتا ہے۔ اس لیے میں ثابت قدمی کے ساتھ آگے بڑھتا رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تھنڈر اسٹرائیکس فلپ بک گنیز ورلڈ ریکارڈ میکس بڈجن.ذریعہ: WE News
کلیدی لفظ: تھنڈر اسٹرائیکس فلپ بک گنیز ورلڈ ریکارڈ میکس بڈجن ورلڈ ریکارڈ نوجوان نے میکس بڈجن فلپ بک
پڑھیں:
لیونل میسی 2026 کے فیفا ورلڈ کپ میں بطور کپتان شرکت کریں گے، ارجنٹینا فٹبال ایسوسی ایشن کی تصدیق
عالمی شہرت یافتہ فٹبال اسٹار لیونل میسی 2026 میں ہونے والے فیفا ورلڈ کپ میں ارجنٹینا کی قیادت کریں گے۔ یہ اعلان ارجنٹائن فٹبال ایسوسی ایشن (AFA) کے ایک سینئر عہدیدار نے دبئی میں ایک تقریب کے دوران کیا، جس میں میسی کی قومی ٹیم میں واپسی کو بھی باضابطہ تسلیم کیا گیا۔
میسی کی قومی ٹیم میں واپسی38 سالہ لیونل میسی نے 7 ماہ کے وقفے کے بعد حالیہ انٹرنیشنل میچز میں ارجنٹینا کی نمائندگی کی، جہاں وہ چلی کے خلاف بطور متبادل کھلاڑی میدان میں آئے اور کولمبیا کے خلاف میچ میں ابتدائی کھلاڑی کے طور پر شریک ہوئے۔ اگرچہ میسی مارچ میں انجری کے باعث غیر حاضر رہے، مگر ٹیم نے ان کے بغیر ہی ورلڈ کپ 2026 کے لیے کوالیفائی کر لیا۔
یہ بھی پڑھیں اسٹار فٹبالر میسی کی اہلیہ جذبات کی رو میں کیا کربیٹھیں؟
باقی میچز اور تیاریارجنٹینا کو کوالیفائنگ مرحلے کے دوران اب 2 مزید میچز کھیلنے ہیں:
9 ستمبر: وینزویلا کے خلاف، بیونس آئرس میں
14 ستمبر: ایکواڈور کے خلاف، ایکواڈور میں
کلب سطح پر شاندار کارکردگیدوسری جانب، میسی نے امریکا میں اپنے کلب انٹر میامی کے لیے شاندار فارم برقرار رکھتے ہوئے نیویارک ریڈ بُلز کے خلاف 5-1 فتح میں 2 گول اور 2 اسسٹ فراہم کیے۔ یہ ان کی 7 میچز میں چھٹی بارس تھی، جس نے انہیں ایک بار پھر شائقین کا مرکز بنا دیا ہے۔
AFA کے اعلیٰ عہدیدار کی تصدیقدبئی میں اے ایف اے اور لولو فنانشل ہولڈنگز کے درمیان شراکت داری کے اعلان کے دوران، اے ایف اے کے چیف مارکیٹنگ اور کمرشل آفیسر لیاندرو پیٹرسن نے تصدیق کی ’میسی جسمانی طور پر مکمل فٹ ہیں۔ ان کا حالیہ سیزن شاندار رہا ہے، اور ہمیں یقین ہے کہ وہ 2026 کے ورلڈ کپ میں نمایاں کردار ادا کریں گے۔ ارجنٹینا فتح کا نہ صرف مضبوط امیدوار بنے گا، بلکہ میسی اس ٹورنامنٹ کے ستاروں میں شامل ہوں گے۔‘
کوچ لیونل اسکالونی کی قیادت کو سراہا گیاپیٹرسن نے قومی کوچ لیونل اسکالونی کے کردار کو بھی سراہا اور کہا ’اسکالونی محض کوچ نہیں بلکہ ارجنٹائن کے اقدار کے سفیر ہیں۔ ان کی اور میسی کی موجودگی نے ارجنٹینا کو دنیا بھر میں ایک مثبت تشخص دیا ہے۔‘
شراکت داری اور عالمی رسائیدبئی میں منعقدہ تقریب میں لولو ایکسچینج اور لولو منی کو اے ایف اے کے ریجنل فِن ٹیک پارٹنرز کے طور پر متعارف کرایا گیا، جو مشرق وسطیٰ، بھارت، اور جنوب مشرقی ایشیا میں شائقین سے جُڑنے میں مدد دیں گے۔ لولو فنانشل ہولڈنگز کے بانی عدیب احمد نے کہا
یہ بھی پڑھیں کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
’ارجنٹینا کی ٹیم صرف ایک فٹبال ٹیم نہیں بلکہ اُمید، استقامت اور خوشی کی علامت ہے۔ ہم 10 ممالک میں 347 مقامات پر شائقین کے لیے ایک بڑی مہم کا آغاز کریں گے۔‘
ارجنٹینا کی مشرق وسطیٰ میں سرگرمیاںہیڈ کوچ اسکالونی نے اشارہ دیا کہ وہ آئندہ سرما میں دوبارہ مشرق وسطیٰ کا دورہ کریں گے تاکہ ٹیم کی سرگرمیاں جاری رکھی جا سکیں۔ انہوں نے کہا کہ کھیل ہمارے دل و دماغ میں رچ بس گیا ہے۔ یہ شراکت داری صرف آغاز ہے۔ ہم طویل المدتی شراکت کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارجنٹینا فیفا فٹبال کپ 2026 لیونل میسی
صرف غریب نہیں، بڑی صنعتیں، فرنس آئل پلانٹس بھی بجلی چوری میں ملوث ہیں: وزیرِ توانائی