گلوکار کو کانسرٹ میں کرتب دکھانا مہنگا پڑ گیا، پٹخنی نے جوڑ ہلا دئے
اشاعت کی تاریخ: 14th, April 2025 GMT
معروف گلوکار اور نغمہ نگار ڈیوڈ (d4vd) کو کوچیلا 2025 میوزک فیسٹیول کے دوران ایک اسٹیج پر بیک فِلپ کرنے کی کوشش میں شدید چوٹ کا سامنا کرنا پڑا۔
بیس سالہ ڈیوڈ انتھونی برک، جو 2021 میں ویڈیو گیم ”فورٹ نائٹ“ کی ویڈیو ایڈیٹنگ کے ذریعے مشہور ہوئے، اس بار اپنے پہلے کوچیلا شو میں گوبی اسٹیج پر پرفارم کر رہے تھے۔
جیسے ہی انہوں نے بیک فِلپ کی کوشش کی، وہ الٹا اپنی پیٹھ پر گر گئے اور کچھ لمحے کے لیے درد سے تڑپتے دکھائی دیے۔
وہاں موجود ہزاروں ناظرین کے لیے یہ منظر چونکا دینے والا تھا۔ مگر d4vd نے ہمت نہ ہاری ۔ خود کو سنبھالا، دوبارہ کھڑے ہوئے، اور پورا سیٹ مکمل کیا۔ اس موقع پر سامعین نے ان کے جذبے پر خوب داد دی۔
سوشل میڈیا پر اس واقعے کی ویڈیو وائرل ہو گئی، جس میں دکھایا گیا کہ ڈیوڈ منہ کے بل گر پڑے۔ ایک صارف نے پوسٹ کیا، ڈیوڈ نے کوچیلا میں بیک فِلپ کی کوشش کی اور سیدھا منہ کے بل گر گیا
واقعے کے بعد سوشل میڈیا صارفین نے جہاں گلوکار کے لیے ہمدردی کا اظہار کیا، وہیں اس کے جذبے اور پیشہ ورانہ رویے کو بھی خوب سراہا۔
ایک صارف نے لکھا، ”سلام ہے تم پر کہ تم نے اس لمحے کو کتنے اچھے طریقے سے سنبھالا۔ منفی کو مثبت میں بدل دیا!“
جبکہ ایک اور مداح نے کہا، ”بھائی نے گرنے کے بعد بھی گانے کی کوشش کی، ہاہاہا۔ زبردست حوصلہ!“
ایک صارف نے مذاق میں تبصرہ کیا، ”خدارا، امید ہے آپ کو چوٹ نہیں آئی یا کوئی چوٹ دماغی نہیں لگی!“
خود ؤیوڈ نے بھی اس پراپنا ردعمل دیا اور اس حادثے کو ہنسی میں اڑا دیا ۔
اپنے ایکس (سابقہ ٹوئٹر) اکاؤنٹ پر ایک اداس سے کتے کی تصویر پوسٹ کرتے ہوئے لکھا، ”ذلت کی رسم مکمل… اگلے ہفتے ملتے ہیں کوچیلا، میں تم سے محبت کرتا ہوں!“
انہوں نے بعد میں ایک ویڈیو بھی شیئر کی جس میں وہ بیک فِلپ کی پریکٹس کر رہے تھے، اور اس کا کیپشن دیا،“اگلے کے لیے ٹریننگ جاری ہے۔ “
ڈیوڈ، جن کا اصل نام ڈیوڈ انتھونی برک ہے، نے حالیہ برسوں میں خاصی مقبولیت حاصل کی ہے، بالخصوص اپنے مشہور گانوں ”رومانٹک ہومی سائیڈ“ اور ”ہیئر وِد می“ کے ذریعے۔ انہیں سنہ 2022 میں ایک معروف ریکارڈ لیبل نے سائن کیا، اور وہ ”بل بورڈ ہاٹ 100“ کی فہرست میں بھی جگہ بنا چکے ہیں۔
حادثے کے باوجود، ڈیوڈ نے تصدیق کی ہے کہ وہ اس ہفتے کے آخر میں کوچیلا فیسٹیول کے دوسرے راؤنڈ میں دوبارہ پرفارم کریں گے۔
Post Views: 3.
ذریعہ
ذریعہ: Daily Mumtaz
پڑھیں:
گوگل کا نیا سیکیورٹی فیچر، کیا اب پاس ورڈ کی ضرورت ہی نہیں رہے گی؟
گوگل نے صارفین کی آن لائن سیکیورٹی مزید مضبوط بنانے کے لیے سیلفی ویڈیو پر مبنی نئی بایومیٹرک شناختی سہولت متعارف کرا دی ہے جس کے ذریعے اہل صارفین پاس ورڈ یا ریکوری ڈیوائس دستیاب نہ ہونے کی صورت میں اپنے اکاؤنٹس تک دوبارہ رسائی حاصل کر سکیں گے۔
کمپنی کے مطابق نیا فیچر بنیادی طور پر اکاؤنٹ ریکوری کے لیے تیار کیا گیا ہے۔ صارفین ابتدائی مرحلے میں اسکرین پر دی گئی ہدایات کے مطابق ایک مختصر سیلفی ویڈیو ریکارڈ کریں گے جس میں مختلف زاویوں سے چہرہ دکھانا ہوگا تاکہ شناخت محفوظ کی جا سکے۔
یہ بھی پڑھیں: گوگل پلے کی نئی پالیسی، متبادل ایپ مارکیٹس کو راستہ مل گیا
اگر بعد میں صارف اپنا پاس ورڈ بھول جائے، فون گم ہو جائے یا ٹو فیکٹر آتھنٹیکیشن استعمال نہ کر سکے تو وہ نئی سیلفی ویڈیو ریکارڈ کر کے اپنی شناخت کی تصدیق کرا سکے گا۔
گوگل کا سیکیورٹی سسٹم نئی ویڈیو کا پہلے سے محفوظ ویڈیو سے موازنہ کرے گا اور جدید لائیونیس چیک اور اینٹی اسپوفنگ ٹیکنالوجی کی مدد سے اس بات کی تصدیق کرے گا کہ سامنے حقیقی شخص موجود ہے، نہ کہ تصویر، ریکارڈ شدہ ویڈیو یا مصنوعی ذہانت (AI) سے تیار کردہ ڈیپ فیک۔
یہ بھی پڑھیں: راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں
گوگل کا کہنا ہے کہ یہ سہولت روزمرہ لاگ اِن کے لیے نہیں بلکہ صرف اکاؤنٹ ریکوری کے دوران استعمال کی جائے گی۔ کمپنی اس سے قبل پاس کیز (Passkeys)، سیکیورٹی کیز اور ٹو فیکٹر آتھنٹیکیشن جیسے متبادل طریقے بھی متعارف کرا چکی ہے تاکہ روایتی پاس ورڈز پر انحصار کم کیا جا سکے۔
پرائیویسی سے متعلق خدشات کے جواب میں گوگل نے کہا ہے کہ صارفین کی سیلفی ویڈیوز مکمل طور پر انکرپٹڈ انداز میں محفوظ کی جائیں گی، ان پر صارف کا مکمل اختیار ہوگا اور وہ کسی بھی وقت انہیں حذف کر سکیں گے۔ کمپنی کے مطابق یہ ویڈیوز صرف شناخت کی تصدیق کے لیے استعمال ہوں گی جب تک کہ صارف کسی اضافی استعمال کی اجازت نہ دے۔
یہ بھی پڑھیں: گوگل میپ کی ایک غلطی اور تاجر علی جمیل کے سفرِ آخرت کی کہانی
ماہرین کے مطابق گوگل کا یہ اقدام ٹیکنالوجی کی دنیا میں پاس ورڈ کے بغیر محفوظ لاگ اِن سسٹمز کی جانب بڑھتے ہوئے رجحان کا حصہ ہے۔ اس سے قبل ایپل، مائیکروسافٹ سمیت متعدد بینک، ایئرلائنز اور سرکاری ادارے بھی بایومیٹرک شناختی نظام اپنا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گوگل گوگل پاسپورڈ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم