ٹک ٹاک اب گوگل میپس کو ٹکر دینے کیلئے بھی تیار،اہم خبر آ گئی
اشاعت کی تاریخ: 16th, April 2025 GMT
ٹک ٹاک کی جانب سے ایپ کے اندر سرچ انجن کو بتدریج بہتر بنایا جا رہا ہے اور اب یہ ویڈیو شیئرنگ پلیٹ فارم گوگل میپس کو بھی ٹکر دینے کے لیے تیار ہے۔
ٹک ٹاک کی جانب سے مخصوص مقامات کے ریویوز کسی ویڈیو کے کمنٹس ٹیب میں ہی فراہم کیے جارہے ہیں۔یہ نیا فیچر فی الحال آزمائشی مراحل سے گزر رہا ہے اور اس سے صارفین کے لیے نئی سرچ کرنا یا گوگل اوپن کرکے کسی مقام کو جاننے کی ضرورت باقی نہیں رہے گی۔
جن صارفین کو اس نئے فیچر تک رسائی حاصل ہے، وہ جب ویڈیو کے کمنٹس پر کلک کریں گے تو انہیں ریویوز نامی ٹیب نظر آئے گی۔مثال کے طور پر اگر وہ نیویارک کے سینٹرل پارک کی ویڈیو دیکھتے ہیں، وہ صارفین کی لوکیشن کے بارے میں اسٹار ریٹنگز، ان کے ریویوز اور اپ لوڈ کی جانے والی تصاویر کو بھی دیکھ سکیں گے۔
آپ ریویو کرنے والے فرد کے یوزر نیم پر کلک کرکے اس کی ٹک ٹاک پروفائل پر جاسکیں گے۔یہ ٹک ٹاک کی جانب سے گوگل کو ٹکر دینے کی کوششوں میں نیا اضافہ ہے۔
2022 میں گوگل کے ایک عہدیدار نے بتایا تھا کہ ٹک ٹاک ایپ بہت تیزی سے سرچ انجن کے شعبے میں گوگل کے حصے پر قبضہ کر رہی ہے خصوصاً نوجوان انٹرنیٹ سرچ کے لیے ٹک ٹاک کو ترجیح دے رہے ہیں۔اب ٹک ٹاک کی جانب سے متعدد شعبوں میں گوگل کی بالادستی کو چیلنج کیا جا رہا ہے۔نوجوانوں کے لیے انٹرنیٹ سرچز کے لیے ترجیح پلیٹ فارم بننے کے ساتھ ٹک ٹاک نے 2024 میں امیج سرچ کے آپشن کو متعارف کرایا تھا۔
.
ذریعہ
ذریعہ: Daily Ausaf
کلیدی لفظ: ٹک ٹاک کی جانب سے کے لیے
پڑھیں:
10 لاکھ تک بِلا سود قرضہ کیسے حاصل کریں؟ درخواست دینے کا طریقہ جانیے
حکومت نے شہریوں کو اپنے گھروں کی مرمت، بہتری اور توسیع کے لیے مالی معاونت فراہم کرنے کے مقصد سے "اپنی چھت، محفوظ چھت" پروگرام 2026 شروع کر دیا ہے، جس کے تحت اہل افراد کو 5 سے 10 لاکھ روپے تک بلاسود قرضے فراہم کیے جائیں گے۔حکومتی منصوبے کے تحت قرضوں کی فراہمی دو مختلف کیٹیگریز میں کی جائے گی۔ پہلی کیٹیگری میں وہ شہری شامل ہوں گے جو اپنے موجودہ گھروں کی چھتوں کی مرمت یا بنیادی ڈھانچے کو مضبوط بنانا چاہتے ہیں۔ انہیں 5 لاکھ روپے تک بلاسود قرض دیا جائے گا، جس کی واپسی 9 سال کے عرصے میں ماہانہ تقریباً 4 ہزار 700 روپے کی اقساط کی صورت میں کرنا ہوگی۔ دوسری کیٹیگری ان افراد کے لیے ہے جو اپنے گھروں کی توسیع، مثلاً دوسری منزل کی تعمیر، کرنا چاہتے ہیں۔ اس مقصد کے لیے 10 لاکھ روپے تک بلاسود قرض فراہم کیا جائے گا، جس کی واپسی بھی 9 سال میں ماہانہ تقریباً 9 ہزار 300 روپے کی اقساط کے ذریعے کی جائے گی۔ آن لائن درخواست دینے کا طریقہ خواہش مند شہری "اپنی چھت، محفوظ چھت" لون اسکیم کے لیے آن لائن درخواست پنجاب حکومت کے متعلقہ پورٹل acag.punjab.gov.pk کے ذریعے جمع کرا سکتے ہیں۔ درخواست گزاروں کو رجسٹریشن کے لیے اپنی ضروری دستاویزات فراہم کرنا ہوں گی۔ وہ شہری جو آن لائن درخواست دینے کی سہولت استعمال نہیں کر سکتے، وہ اپنی درخواستیں ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع