کینال منسوخی تحریری نوٹیفکیشن ملنے تک وکلا دھرنا جاری رکھنے کا اعلان
اشاعت کی تاریخ: 25th, April 2025 GMT
کینال منسوخی تحریری نوٹیفکیشن ملنے تک وکلا دھرنا جاری رکھنے کا اعلان WhatsAppFacebookTwitter 0 25 April, 2025 سب نیوز
کراچی (آئی پی ایس )پاکستان کے صوبہ سندھ میں خیرپور میرس کے ببرلو بائی پاس پر دھرنے کی سربراہی کرنے والے وکیل رہنما اور کراچی بار ایسوسی ایشن کے صدر عامر نواز وڑائچ نے کینالز کی منسوخی کا تحریری نوٹیفکیشن ملنے تک دھرنے کو جاری رکھنے کا اعلان کیا ہے۔
عامر نواز وڑائچ نے کہا: ہم نے دریائے سندھ پر چھ متنازع کینالز کی منسوخی، کارپوریٹ فارمنگ کے لیے سندھ میں زمین کی الاٹمنٹ سمیت چار مطالبات رکھے تھے۔ زبانی اعلان کو ہم نہیں مانتے۔ہم قانون دان ہیں اور کینالز کی منسوخی کا تحریری نوٹیفکیشن ملنے تک یہ دھرنا ہر صورت میں جاری رہے گا۔
وزیرِ اعلی سندھ سید مراد علی شاہ نے دریائے سندھ پر متنازع کینالز کے خلاف خیرپور میرس کے ببرلو بائی پاس پر قومی شاہراہ پر دھرنا دینے والے وکیلوں سے اپیل کی ہے کہ وفاقی حکومت کی جانب سے باہمی رضامندی کے بغیر دریائے سندھ پر کوئی منصوبہ نہ بنانے کی یقین دہانی کے بعد اب احتجاج ختم کرکے سڑک کو ٹریفک کے لیے کھولا جائے۔
جمعے کی دوپہر کو وزیراعلی ہاس میں پریس کانفرنس کرتے ہوئے وزیرِ اعلی سندھ سید مراد علی شاہ نے کہا کہ گذشتہ روز بلاول بھٹو زرداری کی سربراہی میں پاکستان پیپلز پارٹی کے وفد نے وزیراعظم شہباز شریف سے ملاقات کرکے متنازعہ کینالز پر سندھ کے خدشات سے آگاہ کیا، جس پر وزیراعظم نے یقین دہانی کرائی کہ باہمی رضامندی کے بغیر کوئی منصوبہ نہیں بنے گا۔
مراد علی شاہ کے مطابق: پاکستان پیپلز پارٹی کے وفد سے ملاقات کے بعد وزیراعظم شہباز شریف اور چیئرمین پی پی پی بلاول بھٹو نے مشترکہ پریس کانفرنس کرکے واضح کیا کہ جب تک تمام سٹیک ہولڈر ان منصوبوں پر راضی نہیں ہو جاتے یہ منصوبے نہیں بنائے جائیں گے۔
وزیراعظم نے یقین دلایا کہ انڈس ریور سسٹم اتھارٹی (ارسا) کی جانب سے 2024 میں دریائے سندھ میں پانی کی وافر مقدار کے متعلق سرٹیفکیٹ جاری کیا گیا، جس کی بنیاد پر کینالز کا منصوبہ بنا، اس سرٹیفکیٹ کو مشترکہ مفادات کونسل (سی سی آئی) کے دو مئی کو ہونے والے اجلاس میں منسوخ کیا جائے گا۔
جس کے بعد کینالز کا منصوبہ ہمیشہ کے لیے ختم ہو جائے گا۔ ہم قومی شاہراہ پر دھرنے کے منتظمین کو اپیل کرتے ہیں کہ اب سڑک کو کھولا جائے۔
وزیراعظم کی یقین دہانی کرانے اور اس معاملے کو مشترکہ مفادات کونسل (سی سی آئی) میں لے جانے کے اعلان پر پاکستان پیپلز پارٹی سندھ کی قیادت نے صوبے میں تین روزہ جشن کا اعلان کیا ہے۔دوسری جانب ان کینالز کے خلاف بلاول بھٹو زرداری جمعے کی شام کو سکھر میں عوامی اجتماع سے بھی خطاب کریں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی ناظم الامور کا دورہ کراچی، وزیراعلی سندھ اور کاروباری شخصیات سے ملاقاتیں امریکی ناظم الامور کا دورہ کراچی، وزیراعلی سندھ اور کاروباری شخصیات سے ملاقاتیں پہلگام واقعے پر اقوام متحدہ کی پاکستان اور بھارت کو تحمل کا مظاہرہ کرنے کی تلقین پہلگام واقعے کے بعد مقبوضہ کشمیر میں غیرقانونی قید دو سے 3 پاکستانیوں کو جیل سے غائب کردیا گیا سی ڈی اے، 65لوئرکیڈرملازمین کو بطور جونیئراسسٹنٹ ترقی دے دی گئی نیتن یاہو اور مودی کا گٹھ جوڑ بے نقاب، 20 اسرائیلی اہلکار مقبوضہ کشمیر پہنچ گئے عمران خان نے چیف جسٹس یحیی آفریدی کو خط لکھ دیا، 200 سے زائد کیسز کا حوالہCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: دریائے سندھ کا اعلان کے بعد کے لیے
پڑھیں:
فیلڈ مارشل کو ملنے والا اعزاز پوری پاکستانی قوم کے لیے باعث فخر ہے، جاوید اقبال انصاری
ملتان پریس کلب میں پریس کانفرنس کرتے ہوئے سابق اسسٹنٹ اٹارنی جنرل کا کہنا تھا کہ جب پاکستان نہ صرف سیاسی بلکہ معاشی دیوالیہ کے دہانے پر پہنچ گیا تھا فیلڈ مارشل جنرل سید عاصم منیر نے پاکستان کے دفاع بلکہ معاشی اور خارجہ امور پر عوامی قیادت کو ساتھ ملا کر حالات پر قابو پایا اور اقوام عالم کے سامنے پاکستان کی پوزیشن کو مستحکم کرنے میں اہم کردار ادا کیا۔ اسلام ٹائمز۔ سابق اسسٹنٹ اٹارنی جنرل پاکستان، سابق ایڈیشنل ڈپٹی پراسٹیکیوٹر جنرل نیب محمد جاوید اقبال انصاری ایڈووکیٹ سپریم کورٹ آف پاکستان نے کہا ہے کہ فیلڈ مارشل جنرل سید عاصم منیر نے وطن عزیز پاکستان کی بگڑتی ہوئی معیشت کو سیاسی قیادت کو ساتھ لے کر سنبھالا بلکہ معرکہ حق آپریشن بنیان المرصوص میں بے مثال فتح حاصل کی جبکہ دہشت گردی کے خلاف جنگ میں فتنہ الخوارج کے خلاف بطور سپہ سالار بھرپور کردار ادا کر رہے ہیں جس پر ان کی بیش بہا خدمات کو وزیراعظم پاکستان میاں شہباز شریف اور پیپلزپارٹی کے چیئرمین بلاول بھٹو زرداری نے سراہا ہے، ان خیالات کا اظہار انہوں نے پریس کلب میں پریس کانفرنس کے دوران کیا۔
انہوں نے مزید کہا کہ جب پاکستان نہ صرف سیاسی بلکہ معاشی دیوالیہ کے دہانے پر پہنچ گیا تھا فیلڈ مارشل جنرل سید عاصم منیر نے پاکستان کے دفاع بلکہ معاشی اور خارجہ امور پر عوامی قیادت کو ساتھ ملا کر حالات پر قابو پایا اور اقوام عالم کے سامنے پاکستان کی پوزیشن کو مستحکم کرنے میں اہم کردار ادا کیا۔ وفاقی کابینہ کی منظوری کے بعد وزیراعظم پاکستان اور صدر مملکت اصف علی زرداری کی مشاورت کے بعد جنرل سید عاصم منیر کو فیلڈ مارشل کے منصب جلیلہ اور اعزاز سے نوازا گیا جبکہ ایئر چیف مارشل ظہیر احمد بابر سدھو کو ان کی پیشہ ورانہ صلاحیتوں پر ان کی خدمات کو جاری رکھنے کا فیصلہ بھی کیا گیا۔
فیلڈ مارشل کو ملنے والا اعزاز پوری پاکستانی قوم کے لیے خواہ اس کا تعلق کسی بھی طبقہ سے ہو باعث فخر ہے، جبکہ 66 سال قبل 1959 میں اس وقت کے آرمی چیف جنرل ایوب خان کی صدارتی کابینہ نے فیلڈ مارشل کا عہدہ عطا کیا تھا، جنرل سید عاصم منیر دوسرے جمہوری دور کے پہلے مرد آہن فیلڈ مارشل کے عہدہ پر فائض ہوئے ہیں جو پاکستان کے موجودہ سیاسی حالات پر بھی گہری نظر رکھے ہوئے ہیں اور پاکستان کی موجودہ سیاسی قیادت کے ساتھ مل کر پاکستان کو ترقی اور خوشحالی کی راہ پر گامزن کرنے کے لیے ملکی اور بین الاقوامی سطح پر بھرپور کردار ادا کر رہے ہیں۔
یہی وجہ ہے کہ فیلڈ مارشل کی کاوشوں کی بدولت سعودی عرب جیسے اہم ترین ملک میں پاکستان کے دفاعی اور تجارتی معاہدات پر عمل درآمد جاری ہے اور مجھے یہ جان کر انتہائی خوشی ہوئی ہے کہ آئی ایس پی ار کی جاری کردہ پریس ریلیز میں فیلڈ مارشل جنرل عاصم منیر کی جانب سے یہ اعزاز پوری قوم افواج پاکستان خاص طور پر سول اور ملٹری شہدا اور غازیوں کے نام وقف کرتا ہوں جو ان کی جذبہ حب الوطنی اور اعلی قائدانہ صلاحیتوں کا مظہر ہے۔
کراچی، نادرن بائی پاس پر پلاسٹک کے گودام میں آگ لگ گئی