کراچی، فائرنگ کے مختلف واقعات میں خاتون سمیت دو افراد جاں بحق، ایک بچی زخمی
اشاعت کی تاریخ: 27th, April 2025 GMT
کراچی:
شہر قئد کے مختلف علاقوں میں فائرنگ کے واقعات میں خاتون سمیت 2 افراد جاں بحق جبکہ بچی زخمی ہوگئی۔
تفصیلات کے مطابق بلدیہ ٹاؤن یوسف گوٹھ گلی نمبر 36 میں ایک گھر کے اندر فائرنگ کے نتیجے میں 24 سالہ خاتون عائشہ جاں بحق ہو گئیں۔
لاش کو ضابطے کی کارروائی کیلئے سول اسپتال منتقل کردیا گیا۔۔ایس ایچ او سعید آباد ادریس بنگش کے مطابق واقعہ مبینہ طور پر ذاتی دشمنی کا شاخسانہ معلوم ہوتا ہے تاہم مزید تفتیش جاری ہے۔
مزید پڑھیں: کراچی فائرنگ کے مختلف واقعات میں 3 افراد زخمی
ادھر بلدیہ سیکٹر 3 سی میں نامعلوم سمت سے آنے والی گولی لگنے سے 10 سالہ کرن دختر علاؤالدین زخمی ہوگئی۔
جسے ریسکیو ٹیم نے فوری طور پر سول اسپتال کے ٹراما سینٹر منتقل کر دیا، جہاں اس کی حالت تشویشناک بتائی جارہی ہے، ایدھی حکام کے مطابق گولی بچی کی گردن پر لگی ہے۔
دوسری جانب کورنگی مہران ٹاؤن میں فارماسیوٹیکل کمپنی کے باہر ڈیوٹی پر تعینات سیکیورٹی گارڈ کے اپنے ہی اسلحے سے چلنے والی گولی خود سیکیورٹی گارڈ کو جا لگی جس کے نتیجے میں وہ شدید زخمی ہوگیا۔
مزید پڑھیں: کراچی فائرنگ کے مختلف واقعات میں 2 افراد زخمی
ریسکیو اہلکاروں نے زخمی گارڈ کو فوری طور پر جناح اسپتال منتقل کیا جہاں وہ دوران علاج دم توڑ گیا۔
کورنگی صنعتی ایریا پولیس کے مطابق سیکیورٹی گارڈ نے خود کو گولی مار کر خودکشی کی تاہم تاحال وجوہات سامنے نہیں آسکی ہیں۔
ہلاک سیکیورٹی گارڈ کے اہل خانہ سے رابطہ کیا جارہا ہے جبکہ واقعے کی مختلف پہلوؤں سے تفتیش کی جارہی ہے۔
.
ذریعہ
ذریعہ: Express News
کلیدی لفظ: سیکیورٹی گارڈ واقعات میں فائرنگ کے کے مختلف کے مطابق
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی