پہلگام حملہ: شاہد آفریدی نے بھارتی فوج کو نالائق اور نکما قرار دیدیا
اشاعت کی تاریخ: 28th, April 2025 GMT
سابق پاکستانی کرکٹر شاہد آفریدی نے مودی سرکار کو آڑے ہاتھوں لیتے ہوئے مقبوضہ کشمیر میں سیاحوں پر حملے کو روکنے میں ناکامی پر بھارتی فوج کو نالائق اور نکما قرار دیدیا۔
یہ بھی پڑھیں:پی سی بی چیئرمین بننے کی خواہش نہیں، اگر کبھی بنا تو ملک کے لیے بنوں گا، شاہد آفریدی
سما نیوز کے پروگرام میں مقبوضہ کشمیر کے سیاحتی مقام پہلگام میں دہشت گردی کے واقعہ پر بھارتی اقدامات پر اپنے رد عمل میں مایہ ناز آل راؤنڈر شاہد آفریدی کا کہنا تھا کہ انڈیا میں پٹاخا بھی پھٹ جائے تو الزام پاکستان پر دھردیا جاتا ہے۔
View this post on Instagram
A post shared by SAMAA TV (@samaatv)
’تم لوگوں کی 8 لاکھ فوج وہاں کشمیر میں بیٹھی ہے اور یہ واقعہ ہوگیا، اس کا مطلب ہوا کہ نالائق اور نکمے ہیں سب جو اپنے لوگوں کو سیکیورٹی نہیں دے سکے۔‘
مزید پڑھیں:’کوئی شاہد آفریدی کو بتائے وزیراعظم بننے کے لیے ڈگری چاہیے ہوتی ہے‘ سابق کپتان تنقید کی زد میں کیوں؟
دوسری جانب خواجہ جنید ہاکی اکیڈمی میں صحافیوں سے گفتگو کرتے ہوئے شاہد آفریدی نے کہا کہ دہشت گرد ایک گھنٹہ تک پہلگام میں دہشت گردی کرتے ہوئے تو 8 لاکھ بھارتی فوجیوں میں سے کوئی نہیں آیا وہاں اور جب آئے تو 10 منٹ الزام پاکستان پر دھردیا۔
Look India Look
His Name is Shahid Khan Afridi ????????????????????
Shahid afridi said that terrorism continued in #Pahalgam for an hour why didn’t Indian forces arrive on time?Out of 800,000 soldiers no one showed up but when they did they blamed Pakistan.
— Qadir Khawaja (@iamqadirkhawaja) April 27, 2025
’خود ہی بلنڈرز مارتے رہتے ہیں، خود ہی لوگوں کو مروادیتے ہیں پھر انہی کی ویڈیوز دکھاتے ہیں کہ نہیں وہ تو زندہ ہیں، اس طرح نہ کریں، دہشت گردی کی کوئی بھی ملک کوئی بھی مذہب حمایت نہیں کرتا۔
شاہد آفریدی کا کہنا تھا کہ پاکستان اور دینِ اسلام امن کا پیغام دیتا ہے، ہم لوگ انڈیا سے اچھے تعلقات بنانے کی ہمیشہ کوشش کرتے رہے ہیں۔ ’ہمیں ہمیشہ وہاں (انڈیا) سے دھمکیاں ملتی رہی ہیں، ٹور سے پہلے کچھ پتا نہیں ہوتا تھا کہ ہم وہاں جاسکیں گے کہ نہیں۔‘
مزید پڑھیں:
شاہد آفریدی نے پاک بھارت تعلقات کے حوالے سے کہا کہ ’اسپورٹس ڈپلومیسی‘ ہمیشہ سے بہترین طریقہ رہا ہے، جسے تعلقات کی بہتری کے لیے موقع دینا چاہیے۔
’انڈیا کی کبڈی کی ٹیم کو آجاتی ہے پاکستان کھیلنے لیکن کرکٹ نہیں کھیلتے آپس میں، بند کرنا ہے تو پوری طرح سے کرو اگر چلنا ہے تو پوری طرح چلو۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس ڈپلومیسی انڈیا خواجہ جنید ہاکی اکیڈمی سما نیوز شاہد آفریدی کبڈی کرکٹذریعہ: WE News
کلیدی لفظ: اسپورٹس ڈپلومیسی انڈیا سما نیوز شاہد ا فریدی کبڈی کرکٹ شاہد ا فریدی نے کے لیے
پڑھیں:
وفاقی وزیرداخلہ محسن نقوی کا بنوں میں دہشت گردوں کا حملہ ناکام بنانے پرپولیس جوانوں کی تحسین
اسلام آباد (اُردو پوائنٹ اخبارتازہ ترین - آن لائن۔ 25 جولائی2025ء) وفاقی وزیر داخلہ محسن نقوی نے بنوں میں بسیہ خیل تھانے پر بھارتی سپانسرڈ دہشت گردوں کے حملے کو ناکام بنانے پر خیبرپختونخوا پولیس کے جوانوں کی بہادری اور پیشہ وارانہ صلاحیتوں کو سراہا ہے۔ وزیر داخلہ نے کہا کہ پولیس جوانوں نے دہشت گردوں کے مذموم عزائم کو ناکام بنانے میں اپنی جرات اور عزم کا شاندار مظاہرہ کیا۔(جاری ہے)
محسن نقوی نے دہشت گردوں کا مقابلہ کرنے والے پولیس اہلکاروں کی دلیری کو سراہتے ہوئے کہا بھارتی سپانسرڈ دہشت گردوں کے حملے کا دلیری سے مقابلہ کرنے والے پولیس جوانوں کو سلام پیش کرتا ہوں۔ خیبرپختونخوا پولیس دہشت گردی کے خلاف جنگ میں فرنٹ لائن پر ہے اور ان کے حوصلے اور عزم نے دشمن کے عزائم کو خاک میں ملا دیا۔انہوں نے مزید کہا کہ کے پی کے پولیس کے جوانوں کی جرات اور قربانیوں پر پورا ملک فخر کرتا ہے، اور وہ دہشت گردی کے خلاف جنگ میں اپنے کردار کی وجہ سے ہمارے ہیرو ہیں۔
کے پی حکومت نے نئی اسامیوں کی تخلیق اور گاڑیوں کی خریداری پر پابندی لگادی