بھارت کو کہہ دیتے ہیں کہ ایٹمی ہتھیار پٹاخے کے طور پر نہیں رکھے، عالیہ حمزہ
اشاعت کی تاریخ: 28th, April 2025 GMT
چیف آرگنائزر پی ٹی آئی پنجاب عالیہ حمزہ کہتی ہیں کہ پاکستان کی سالمیت کی بات آئے تو قوم یک جان ہے۔ اردلی حکومت نے فیصلہ کرنا ہے کہ اندرونی لڑائی لڑنا ہے یا بارڈر پر؟ حکومت جواب نہیں دیتی تو ہم بھارت کو کہہ دیتے ہیں کہ یہ ایٹمی ہتھیار ہم نے پٹاخے کے طور پر نہیں رکھے۔ یہ وقت آپس کی لڑائی کا نہیں بارڈر پر جانے کا ہے۔
انسداد دہشتگردی عدالت کے باہر میڈیا ٹاک کرتے ہوئے عالیہ حمزہ کا مزید کہنا تھا کہ پی ٹی آئی کو کیسز میں الجھا کر آپ آخر کیا پیغام دینا چاہتے ہیں؟ ایک جانب آپ موجودہ وقت میں ایک پیج پر آنے کی بات کرتے ہو، جو شخص قوم کو ایک پیج پر لا سکتا ہے اسے آپ نے جیل میں بند کر رکھا ہے۔
عالیہ حمزہ نے کہا کہ آپ نے تو ابھی تک بھارت کو منہ توڑ جواب بھی نہیں دیا، آپ انڈیا کو کم ازکم یہ سمجھ کر جواب دیں کہ آپ کے سامنے عمران خان کھڑا ہے اور ساتھ میں یہ پیغام ہو کہ ہم سوچیں گے نہیں بلکہ بدلہ لیں گے۔ بھارت کو ایک ہی شخص جواب دے سکتا ہے اور وہ ہے عمران خان۔
مزید پڑھیں: ہر کوئی کہہ رہا ہے میں ہارڈ لائنر ہوں، عالیہ حمزہ چیف آرگنائزر پی ٹی آئی پنجاب
ان کا کہنا تھا کہ اردلی حکومت بھارت کی آنکھوں میں آنکھیں ڈال کر بات نہیں کرسکتی، پہلگام واقعے پر فوری اے پی سی بلانا چاہیے تھی عمران خان کو ساتھ بٹھانا چاہیے تھا، آپ ہم سے لڑنا چھوڑ دیں، جبری گمشدگی چھوڑ دیں، ہماری کوئی لڑائی نہیں ہمیں گرفتار کرنا چھوڑ دیں، ہم تو قانون کی عمل داری اور عدلیہ کی آزادی کی بات کرتے ہیں۔
انسداددہشتگردی عدالت راولپنڈی میں جی ایچ کیو حملہ کیس کی سماعت بغیر کارروائی 3 مئی تک ملتوی
انسداد دہشتگردی عدالت راولپنڈی میں جی ایچ کیو حملہ کیس کی سماعت بغیر کارروائی 3 مئی تک ملتوی کر دی گئی۔ اپوزیشن لیڈر عمر ایوب، شیخ رشید اور عالیہ حمزہ سمیت دیگر ملزمان نے پیش ہو کر حاضری لگائی۔
مزید پڑھیں: پی ٹی آئی پنجاب کی چیف آرگنائزر عالیہ حمزہ جہلم جیل منتقل
انسداد دہشتگردی عدالت کے جج امجد علی شاہ نے جی ایچ کیو حملہ کیس کی سماعت کی۔ اپوزیشن لیڈر عمرایوب، شیخ رشید اور عالیہ حمزہ سمیت دیگر ملزمان عدالت میں پیش ہوئے وکلا صفائی اور پراسیکیوٹر ظہیر شاہ بھی پیش ہوئے۔
عدالت نے ملزمان کو حاضری لگا کر جانے کی اجازت دے دی۔ کیس کی سماعت بغیر کارروائی 3 مئی تک ملتوی کردی گئی۔ تھانہ آر اے بازار میں اہم تنصیبات پر حملے، توڑ پھوڑ اور ہنگامہ آرائی کے الزام میں مجموعی طور پر 118 ملزمان کے خلاف مقدمہ درج ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد دہشتگردی عدالت پی ٹی آئی جج امجد علی شاہ شیخ رشید عالیہ حمزہ عمر ایوب عمران خان.ذریعہ: WE News
کلیدی لفظ: انسداد دہشتگردی عدالت پی ٹی ا ئی جج امجد علی شاہ عالیہ حمزہ عمر ایوب انسداد دہشتگردی عدالت کیس کی سماعت عالیہ حمزہ بھارت کو
پڑھیں:
ایران نے اپنے جوہری پروگرام پر امریکا کو ٹکا سا جواب دیدیا
ایران نے امریکا کے ساتھ ممکنہ مذاکرات اور جوہری پروگرام سے متعلق واضح پالیسی بیان جاری کردیا۔
عالمی خبر رساں ادارے کے مطابق وزیر خارجہ عباس عراقچی نے کہا کہ امریکا کے ساتھ براہِ راست مذاکرات میں کوئی دلچسپی نہیں البتہ بالواسطہ بات چیت کے لیے تیار ہیں۔
الجزیرہ کو دیئے گئے انٹرویو میں انھوں نے مزید کہا کہ ہم ایک منصفانہ معاہدے کے لیے تیار ہیں لیکن امریکا نے ایسی شرائط پیش کی ہیں جو ناقابلِ قبول اور ناممکن ہیں۔
انھوں نے دو ٹوک انداز میں کہا کہ اپنے جوہری یا میزائل پروگرام پر کسی قسم کی پابندی قبول نہیں کریں گے۔ کوئی بھی سمجھدار ملک اپنی دفاعی صلاحیت ختم نہیں کرتا۔
ایرانی وزیر خارجہ نے مزید کہا کہ جو کام جنگ کے ذریعے ممکن نہیں وہ سیاست کے ذریعے بھی حاصل نہیں کیا جا سکتا۔
انھوں نے کہا کہ ایران کے جوہری پروگرام سے متعلق مخالفین کے خدشات دور کرنے کے لیے تیار ہے لیکن یورینیم افزودگی نہیں روکیں گے۔
عباس عراقچی نے مزید کہا کہ جون میں اسرائیل اور امریکا کے حملوں کے باوجود جوہری تنصیبات میں موجود مواد تباہ نہیں ہوا اور ٹیکنالوجی اب بھی برقرار ہے۔
ایرانی وزیر خارجہ نے کہا کہ جوہری مواد ملبے کے نیچے ہی موجود ہے، اسے کہیں اور منتقل نہیں کیا گیا۔ اسرائیل کے کسی بھی جارحانہ اقدام کا جواب دینے کے لیے تیار ہیں۔
ایکس اکاؤنٹ کو اپ ڈیٹ نہ کرنے پر اس کے لاک آؤٹ ہونیکا خطرہ