عالمی اور مقامی مارکیٹوں میں سونے کی قیمت میں کمی ریکارڈ
اشاعت کی تاریخ: 28th, April 2025 GMT
عالمی اور مقامی مارکیٹوں میں سونے کی قیمت میں آج کمی ریکارڈ کی گئی۔
رپورٹ کے مطابق سونے کی عالمی قیمت میں اضافے کا تسلسل رکنے سے مقامی صرافہ مارکیٹوں میں بھی سونے کی قیمتوں میں کمی کا سلسلہ برقرار ہے۔
بین الاقوامی بلین مارکیٹ میں ٹیکنیکل کریکشن اور منافع پر فروخت بڑھنے سے پیر کو فی اونس سونے کی قیمت مزید 16ڈالر کی کمی سے 3ہزار 289 ڈالر کی سطح پر آگئی جس سے مقامی صرافہ مارکیٹوں میں بھی 24قیراط کے حامل فی تولہ سونے کی قیمت بھی 1ہزار 600روپے کی کمی سے 3لاکھ 47ہزار 100روپے کی سطح پر آگئی۔
اس کے علاوہ فی دس گرام سونے کی قیمت 1ہزار 368روپے گھٹ کر 2لاکھ 97ہزار 582روپے کی سطح پر آگئی ہے۔
فی تولہ چاندی کی قیمت بغیر کسی تبدیلی کے 3ہزار 497روپے اور دس گرام چاندی کی قیمت بھی بغیر کسی تبدیلی کے 2ہزار 998روپے کی سطح پر مستحکم رہی۔
.ذریعہ: Express News
کلیدی لفظ: مارکیٹوں میں سونے کی قیمت کی سطح پر
پڑھیں:
سوئس نوجوان نے برف میں دب کر 2 گھنٹے گزار دیے، عالمی ریکارڈ قائم
data-id="863a0a8" data-element_type="widget" data-widget_type="theme-post-content.default">
زیورخ: سوئٹزرلینڈ کے ایک نوجوان نے سردی برداشت کرنے کی حیرت انگیز صلاحیت کا مظاہرہ کرتے ہوئے برف میں دبے رہنے کا نیا عالمی ریکارڈ قائم کر دیا، حیران کن بات یہ ہے کہ ایلائس مائر نامی اس نوجوان نے یہ کارنامہ صرف سوئمنگ ٹرنک پہن کر سرانجام دیا۔
عالمی میڈیا رپورٹس کےمطابق ایلائس مائر نامی شخص ایک تجربہ کار پاور لفٹر بھی ہیں، جنہوں نے برف کے نیچے 2 گھنٹے اور 7 سیکنڈ تک مکمل جسمانی رابطے میں رہ کر گنیز ورلڈ ریکارڈ اپنے نام کیا، اس سے قبل یہ ریکارڈ 2022 میں پولینڈ کے ویلرجن رومانوسکی نے 1 گھنٹہ، 45 منٹ اور 2 سیکنڈ تک برف میں رہ کر قائم کیا تھا۔
مائر نے انوکھے چیلنج کے بارے میں بتایا کہ انہیں سب سے زیادہ تکلیف برف کے وزن سے ہوئی، نہ کہ سردی سے،بھاری برف نے مجھے دبا رکھا تھا، جس سے میرے کندھوں اور کہنیوں میں درد ہونے لگا، شاید آپ کی پیٹھ پر کوئی برف کا نوکیلا ٹکڑا بھی لگے، لیکن آپ کچھ نہیں کر سکتے، بس شکر ادا کر سکتے ہیں، ہر چیز کا شکر۔
مائر کا کہنا تھا کہ وہ دنیا کو یہ پیغام دینا چاہتے ہیں کہ”انسانی جسم ناقابلِ یقین صلاحیتوں کا حامل ہے، اگر اسے چیلنج دیا جائے۔
ان کا یہ اقدام نہ صرف ایک جسمانی مظاہرہ تھا بلکہ ذہنی طاقت، صبر اور خود پر قابو پانے کی بہترین مثال بھی ہے۔ گنیز ورلڈ ریکارڈز نے ان کے اس کارنامے کو باضابطہ طور پر تسلیم کر لیا ہے۔
وفاقی وزیر ریلوے کا خانیوال سٹیشن پر مسافر پل کا حصہ گرنے کے واقعے کا نوٹس، اعلی سطحی انکوائری کمیٹی قائم کر دی