حالیہ امریکی و صیہونی جارحیت ناکام ہو گی، یمنی وزیر دفاع
اشاعت کی تاریخ: 29th, April 2025 GMT
حکومتی کونسل کے سامنے ایک رپورٹ پیش کرتے ہوئے میجر جنرل محمد العاطفی کا کہنا تھا کہ خدا کے فضل و کرم، انقلابی قیادت اور سپریم پولیٹیکل کونسل کے بے پناہ تعاون کی بدولت، یمن نے ڈیفنس سسٹم و جدید ٹیکنالوجی کے میدان میں نمایاں ترقی کی ہے۔ اسلام ٹائمز۔ یمنی وزیر دفاع میجر جنرل "محمد العاطفی" نے حکومتی کونسل کے سامنے ایک رپورٹ پیش کی جس میں امریکی و صیہونی دشمن کے خلاف جنگ اور یمنی مسلح افواج کی فتوحات سے متعلق پیش رفت پر تبادلہ خیال کیا گیا۔ اس رپورٹ میں یمنی مسلح افواج کے ہاتھوں بحیرہ احمر میں F-18 امریکی لڑاکا طیارے کا گر کر تباہ ہونا بھی ذکر کیا گیا۔ اس موقع پر میجر جنرل محمد العاطفی نے ملک کی عسکری و فضائی دفاعی صنعتوں میں نمایاں پیش رفت کا ذکر کیا۔ انہوں نے کہا کہ ہمارے خلاف حالیہ امریکی و صیہونی جارحیت ناکام ہو گی۔ انہوں نے کہا کہ خدا کے فضل و کرم، انقلابی قیادت اور سپریم پولیٹیکل کونسل کے بے پناہ تعاون کی بدولت، یمن نے ڈیفنس سسٹم و جدید ٹیکنالوجی کے میدان میں نمایاں ترقی کی ہے۔
میجر جنرل محمد العاطفی نے کہا کہ ہمارے خلاف امریکہ و اسرائیل کی حالیہ جارحیت بالکل ویسے ہی ناکام ہو گی جیسے ان کے علاقائی ایجنٹوں کو یمن سے گزشتہ 10 سالوں میں شکست ہوئی۔ دشمن کے حملے و کارروائیوں سے ہماری مسلح افواج اور دفاعی صلاحیت پر کوئی فرق نہیں پڑا بلکہ اس اقدام سے غزہ کی حمایت اور دشمن سے مقابلے کے لئے ہمارا عزم مزید مستحکم ہو جاتا ہے۔ ہماری مسلح افواج امریکی و صیہونی جارحیت اور ملک میں ان کے ایجنٹوں سے مقابلے کے لئے ہر وقت تیار ہے۔ واضح رہے کہ گزشتہ صبح امریکی جنگی طیاروں نے شمالی یمن کے صوبے "صعدہ" میں مہاجر کیمپ پر بمباری کر دی جس کے نتیجے میں 60 افریقی مہاجر شہید اور 65 کے قریب زخمی ہو گئے۔ یاد رہے کہ امریکہ و برطانیہ نے صیہونی رژیم کی حمایت میں 15 مارچ 2025ء سے یمن کے خلاف اپنی فضائی جارحیت کا آغاز کر رکھا ہے۔
ذریعہ: Islam Times
کلیدی لفظ: امریکی و صیہونی محمد العاطفی مسلح افواج کونسل کے
پڑھیں:
ایران کیخلاف صیہونی جارحیت پوری امت اسلامی کیلئے خطرہ ہے، حماس
اپنے ایک جاری بیان میں فلسطین کی مقاومت اسلامی کا کہنا تھا کہ آج ایران اپنی مستقل قومی پالیسی، فلسطین اور مقاومت کی حمایت میں اپنے ثابت موقف کی وجہ سے بھاری قیمت ادا کر رہا ہے۔ اسلام ٹائمز۔ فلسطین کی مقاومتی تحریک "حماس" نے ایک جاری بیان میں اسلامی جمہوریہ ایران کے خلاف تازہ ترین صیہونی جارحیت کی مذمت کی۔ حماس نے صیہونی حملے کو خطرناک تبدیلی اور امت کے اصلی دشمن کے ساتھ جنگ کی تباہ کن نوعیت قرار دیا۔ انہوں نے کہا کہ صیہونیوں کی یہ دشمنی صرف فلسطینیوں تک ہی محدود نہیں بلکہ سارے خطے اور امت اسلامی کے ساتھ ہے۔ آج صبح غاصب اسرائیل کی اسلامی جمہوریہ ایران کے خلاف وسیع پیمانے پر جارحیت ایک انتہائی خطرناک جرم ہے جو انتہاء پسند نتین یاہو کابینہ کے اس کردار کی عکاسی کرتا ہے جو وہ خطے کو وسیع پیمانے پر تصادم میں گھسیٹ کر اپنے باطل تلمودی نظریات کی خدمت اور تسلط پسندانہ کوششوں کے پیرائے میں انجام دیتا ہے۔ حماس نے زور دے کر کہا کہ یہ اقدام بین الاقوامی قوانین و روایات کی کھلی خلاف ورزی ہے اور ایک بار پھر ثابت کرتا ہے کہ صیہونی ریاست کی تشکیل کا منصوبہ نہ صرف فلسطین بلکہ پورے خطے کے لیے ایک وجودی خطرہ ہے۔ یہ وہ خطرہ ہے جو اُن تمام اقوام و حکومتوں کو نشانہ بنا رہا ہے جو صیہونی قبضے کی خُو کے خلاف اُٹھ کھڑے ہوئے ہیں اور امت اسلامی کے مسائل خاص طور پر فلسطین کاز کی حمایت کرتے ہیں۔
حماس نے اسلامی جمہوریہ ایران کے ساتھ اظہار یکجہتی کرتے ہوئے سپاہ پاسداران انقلاب اسلامی ایران کے سربراہ جنرل "حسین سلامی" اور مسلح افواج کے کمانڈر انچیف میجر جنرل "محمد باقری" سمیت دیگر برجستہ شخصیات کی شہادت پر تعزیت پیش کی جب کہ زخمیوں کی جلد صحت یابی کے لئے نیک تمناوں کا اظہار کیا۔ آخر میں حماس نے کہا کہ آج ایران اپنی مستقل قومی پالیسی، فلسطین اور مقاومت کی حمایت میں اپنے ثابت موقف کی وجہ سے بھاری قیمت ادا کر رہا ہے۔ اس حقیقت کی وجہ سے امتِ اسلامی اور اس کی زندہ قوتوں کا فرض بنتا ہے کہ وہ خطرناک صیہونی جارحیت کے خلاف متحد و ہم آہنگ موقف اپنائیں۔ کیونکہ اسرائیل، امت مسلمہ کا مرکزی دشمن ہے۔ اس کے ساتھ جنگ ایک فیصلہ کن مرحلے پر ہے۔ جس کے لئے ہمیں اپنی صفوں میں اتحاد و ہم آہنگی کی ضرورت ہے تاکہ ہم اپنی اقوام کو اس رژیم کے جرائم اور توسیع پسندانہ منصوبوں سے بچا سکیں۔
وزیراعظم اور فیلڈ مارشل نے عمرے کی سعادت حاصل کرلی