بھارت میں انتقال کرجانے والے آریان شاہ کی میت کراچی نہ پہنچائی جاسکی
اشاعت کی تاریخ: 29th, April 2025 GMT
بھارت میں دوران علاج انتقال کرجانے والے آریان شاہ کی میت غیر ملکی ایئرلائن کے عملے کی غفلت کے باعث کراچی پہنچائی نہ جاسکی۔
آریان کے اہلخانہ نے بتایا کہ آریان کا غیر ملکی ایئرلائن سے پاکستان پہنچایا گیا تابوت خالی نکلا۔
غیر ملکی عملے کی غفلت کے باعث آریان کی میت ابھی کولمبو ہی میں ہے، اب میت کو کل کراچی لایا جائے گا۔
آریان شاہ گذشتہ جمعہ کو بھارت کے شہر چنئی کے ایک اسپتال میں دوران علاج انتقال کرگیا تھا، ان کی میت اسپتال انتظامیہ نے علاج کے بقایاجات کی عدم ادائیگی کی بناء پرروک لی تھی۔
حکومت بلوچستان نے پاکستانی سفارتخانہ کے ذریعے اسپتال اور سفری اخراجات کی ادائیگی ممکن بنائی۔
.ذریعہ: Jang News
پڑھیں:
بھارت : غیر ملکی کوچ آوارہ کتوں کے کاٹنے سے زخمی
data-id="863a0a8" data-element_type="widget" data-widget_type="theme-post-content.default">
نئی دہلی (انٹرنیشنل ڈیسک) بھارتی دارالحکومت نئی دہلی میں جاری ورلڈ پیرا ایتھلیٹکس چیمپئن شپ 2025 ء کے دوران جواہر لال نہرو اسٹیڈیم میں آوارہ کتوں نے 2غیر ملکی کوچز کو کاٹ لیا۔ بھارتی میڈیا رپورٹس کے مطابق واقعہ جمعہ کی صبح تقریباً ساڑھے9 بجے پیش آیا، جب کینیا کے سپرنٹ کوچ ڈینس میوانزو اور جاپانی کوچ مییکو ماتسوموتو کو آوارہ کتوں نے کاٹ کر زخمی کیا۔ کینیا کے کوچ ڈینس میوانزو اس وقت 200 میٹر کی دوڑ کی کھلاڑی اسٹیسی اوبونیو کو پریکٹس ایریا میں تربیت دے رہے تھے جو اسٹیڈیم کے قریب واقع ہے کہ اچانک ایک کتے نے انہیں کاٹ لیا۔ بدقسمت واقعے کے فوراً بعد میوانزو کو نزدیکی صفدرجنگ اسپتال منتقل کیا گیا تھا جہاں انہیں ریبیز کی ویکسین لگائی گئی۔ مقابلوں کے دوران گیٹ پر ڈیوٹی پر مامور سیکورٹی گارڈ بھی کتے کے حملے میں زخمی ہوا ۔ کینیا کی ٹیم کے رکن مائیکل اوکارو نے اس واقعے پر حیرت کا اظہار کرتے ہوئے کہا کہ عالمی سطح کے مقابلوں میں ایسا واقعہ ہونا باعث تشویش ہے۔ کتوں کے کاٹنے کے بڑھتے واقعات کے بعد ایونٹ کے منتظم نے نئی دہلی کے بلدیاتی اداروں سے درخواست کی کہ وہ ایونٹ کے دوران آوارہ کتوں کے لیے انتظامات کریں،جس کے بعد کتوں کے پکڑنے کے لیے 2 گاڑیاں اسٹیڈیم پہنچادی گئی ہیں۔ دوسری جانب ایسے واقعات نے بھارت میں کھیلوں کے عالمی مقابلے میں انتظامیہ کے لیے سوالات کھڑے کردیے ہیں۔ اس واقعے پر کانگریس کے رکن پارلیمان کارتی چدمبرم نے سوشل میڈیا پلیٹ فارم ایکس پر پوسٹ میں لکھا کہ ہم اولمپکس کی میزبانی کرنا چاہتے ہیں۔ سپریم کورٹ انڈیا کے فیصلے کے بعد اس گراؤنڈ میں کچھ نہیں بدلا ہے۔ یاد رہے کہ رواں برس ہی اگست میں بھارتی سپریم کورٹ نے نئی دہلی کی حکومت کو کتوں کو ختم کرنے کا حکم بھی دیا تھا۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری