نادرا ریکارڈ میں پیدائش و اموات کا اندراج اب آن لائن کروانے کی سہولت
اشاعت کی تاریخ: 1st, May 2025 GMT
نیشنل ڈیٹا بیس اینڈ رجسٹریشن اتھارٹی (نادرا) نے اپنی ایک نئی موبائل ایپلیکیشن کے ذریعے پیدائش و اموات کا اندارج آسان بنا دیا ہے۔
یہ بھی پڑھیں:‘مردہ’ شخص زندہ ہوکر نادرا دفتر پہنچ گیا، ‘ہر جگہ الرٹ آتا ہے کہ آپ مرچکے ہیں’
میڈیا رپورٹ کے مطابق نادرا کی جانب سے متعارف کروائی جانے والی موبائل ایپ کے ذریعے شہریوں کے لیے اپنے اپنی ازدواجی حیثیت، پیاروں کی پیدائش اور اموات کا اندارج آسان بنا دیا گیا ہے۔
شہری نادرا ریکارڈ میں درج اپنی ازدواجی حیثیت یا خاندان میں پیدائش و موت سے متعلق معلومات حسب موقع اپ ڈیٹ کر سکیں گے۔
نادرا کی نئی موبائل ایپ سے متعلق اعلان نیشنل رجسٹریشن اینڈ بائیو میٹرک پالیسی فریم ورک امپلیمنٹیشن کمیٹی کے دوسرے اجلاس کے دوران کیا گیا۔
اجلاس میں متعدد وفاقی وزارتوں، ریگولیٹری اتھارٹیز اور صوبائی محکموں کے نمائندوں نے شرکت کی۔
نادرا کے چیئرمین لیفٹیننٹ جنرل (ر) محمد منیر افسر نے شرکا کو قومی رجسٹریشن سسٹم میں ہونے والی بہتری کے بارے میں آگاہ کیا۔
چیئرمین نادرا کا کہنا تھا کہ موبائل ایپلیکیشن شہریوں کو اپنے گھر بیٹھے ہی زندگی کے واقعات کو آن لائن رجسٹر کرنے کے قابل بناتی ہے۔
ابتدائی طور پر ایپ کو پنجاب میں متعارف کرایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ازدواجی حیثیت پیدائش و اموات نادرا.ذریعہ: WE News
کلیدی لفظ: ازدواجی حیثیت پیدائش و اموات موبائل ایپ
پڑھیں:
کراچی میں دوبارہ زلزلے کے جھٹکے، لانڈھی فالٹ لائن متحرک
کراچی کے مختلف علاقوں میں ایک بار پھر زلزلے کے ہلکے جھٹکے محسوس کیے گئے، جس سے شہریوں میں خوف و ہراس پھیل گیا۔ محکمہ موسمیات کے چیف میٹرولوجسٹ امیر حیدر کے مطابق جھٹکے ملیر، شاہ فیصل کالونی، قائد آباد، گلزار ہجری، یونیورسٹی روڈ اور قریبی علاقوں میں محسوس کیے گئے۔
ماہرین کا کہنا ہے کہ یہ زلزلے لانڈھی فالٹ لائن کے متحرک ہونے کا نتیجہ ہیں۔ امیر حیدر کے مطابق یہ کہنا فی الحال ممکن نہیں کہ یہ جھٹکے کب تک جاری رہیں گے۔ انہوں نے مزید یاد دہانی کرائی کہ سال 2009 میں بھی لانڈھی فالٹ لائن متحرک ہوئی تھی اور اس وقت دو ماہ سے زائد عرصے تک ہلکے زلزلے ریکارڈ کیے جاتے رہے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئندہ مالی سال کے وفاقی بجٹ کے اہم نکات سامنے آگئے