مجلس وحدت مسلمین محنت کش طبقے کی نمائندہ جماعت ہے، علامہ مقصود ڈومکی
اشاعت کی تاریخ: 1st, May 2025 GMT
یوم مزدور کی مناسبت سے جاری بیان میں علامہ مقصود ڈومکی نے کہا کہ کم اجرت، غیر محفوظ کام کے حالات، بے روزگاری، مہنگائی، سماجی تحفظ سے محرومی اور لیبر قوانین کا عدم نفاذ وہ بنیادی مسائل ہیں جنہوں نے مزدور کو زندہ درگور کر دیا ہے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے یوم مزدور کے موقع پر اپنے خصوصی پیغام میں محنت کش طبقے کو خراج تحسین پیش کرتے ہوئے کہا ہے کہ مزدور قوم کی ریڑھ کی ہڈی ہیں۔ ان کی جدوجہد، قربانیاں اور خون پسینے سے معیشت کا پہیہ چلتا ہے۔ آج کا دن ہمیں یاد دلاتا ہے کہ دنیا کی تمام ترقی محنت کشوں کی شبانہ روز محنت کا نتیجہ ہے۔ ہم ان عظیم انسانوں کی عظمت کو سلام پیش کرتے ہیں۔ انہوں نے کہا کہ پاکستان کے محنت کش آج بھی بدترین استحصال کا شکار ہیں۔ کم اجرت، غیر محفوظ کام کے حالات، بے روزگاری، مہنگائی، سماجی تحفظ سے محرومی اور لیبر قوانین کا عدم نفاذ وہ بنیادی مسائل ہیں جنہوں نے مزدور کو زندہ درگور کر دیا ہے۔
علامہ ڈومکی نے کہا کہ اسلامی تعلیمات میں مزدور کو اس کی محنت کا مکمل اور بروقت معاوضہ ادا کرنے کی سخت تاکید کی گئی ہے، مگر بدقسمتی سے وطن عزیز میں مزدور کو اس کا حق دینا تو درکنار، اس سے بنیادی انسانی سلوک بھی روا نہیں رکھا جاتا۔ محنت کشوں کو منظم ہونے، یونین سازی اور اپنے حقوق کے لیے آواز بلند کرنے کا موقع فراہم کیا جانا چاہیے۔ انہوں نے اپنے بیان میں مسائل کے حل کے لیے متعدد تجاویز پیش بھی پیش کیں۔ انہوں نے تجویز دی کہ حکومت کم از کم اجرت کے قانون کا مؤثر اور عملی نفاذ یقینی بنائے۔ تمام غیر رسمی مزدوروں کو سوشل سکیورٹی، EOBI اور صحت سہولیات کے نظام میں شامل کیا جائے۔
انہوں نے تجویز دی کہ ہر صنعتی اور تجارتی ادارے میں لیبر سیفٹی اور پروٹیکشن کے اقدامات لازم کیے جائیں۔ مہنگائی کے تناسب سے اجرتوں میں سالانہ اضافہ کیا جائے۔ مزدوروں کو ٹیکنیکل ایجوکیشن اور ہنر سکھانے کے ادارے مہیا کیے جائیں۔ اور لیبر کورٹس کو بااختیار اور مزدور دوست بنایا جائے، تاکہ وہ جلد انصاف حاصل کر سکیں۔ علامہ مقصود علی دومکی نے مزید کہا کہ مجلس وحدت مسلمین محنت کش طبقے کی نمائندہ جماعت ہے اور ہمیشہ مظلوموں، محروموں اور پسے ہوئے طبقے کے لئے آواز بلند کرتی رہے گی۔
ذریعہ: Islam Times
کلیدی لفظ: علامہ مقصود مزدور کو انہوں نے کہا کہ
پڑھیں:
دنیا بھر کے تمام مزدور پیشہ افراد کو خراج تحسین پیش کرتا ہوں؛ بیرسٹر سلطان محمود
سٹی 42 : صدر آزاد جموں وکشمیر بیرسٹر سلطان محمودچوہدری یکم مئی اپنے حقوق کے لیے جانیں نچھاور کرنے والے محنت کشوں کی قربانیوں کی یاد دلاتا ہے۔
یکم مئی کو محنت کشوں کے عالمی دن کے موقع پر صدر آزاد جموں وکشمیر بیرسٹر سلطان محمودچوہدری نے اپنے پیغام میں کہا کہ حکومت مزدوروں اور محنت کشوں کی حوصلہ افزائی جاری رکھے گی اور اُن کا وقار بھی برقراررکھا جائے گا۔ انہوں نے کہا کہ یہ دن ملک کی معاشی ترقی کے لیے مزدوروں اور محنت کشوں کی اہمیت کا اعتراف ہے۔
بس سٹاپس پر پنکھوں، الیکٹرک واٹر کولر کی چوری کو روکنے کا نیا حل
بیرسٹر سلطان محمودچوہدری نے کہا کہ ہمارا مذہب سماجی انصاف اور لوگوں کے حقوق کے احترام کے اصولوں پر زور دیتا ہے۔ دنیا بھر کے تمام مزدور پیشہ افراد کو خراج تحسین پیش کرتا ہوں۔ انہوں نے کہا کہ1886ء میں شکاگو کے مزدورں نے اپنے حقوق کے لئے آواز بلند کرکے انہیں اپنی جرات اور تنظیم پروان چڑھانے کا شعوردیا۔قربانی اور اس تحریک میں محنت کی قدر واحترام کا تصور ایک روح کی حیثیت رکھتا ہے۔
انہوں نے مزید کہا کہ اس دن ہمیں عہد کرنا ہوگا کہ ہم قومی ترقی کیلئے نیک نیتی سے کام کریں گے۔
پاکستان ائیر فورس کی بروقت کارروائی،بھارتی رافیل طیارے راہ فرار اختیار کر گئے
پاکستانی اداکاروں کا پہلگام واقعے پر اظہارِ افسوس