اسلام آباد کو جدید اور بہترین ٹرانسپورٹ کی سہولیات کی فراہمی اولین ترجیح ہے،چیئرمین سی ڈی اے محمد علی رندھاوا
اشاعت کی تاریخ: 1st, May 2025 GMT
اسلام آباد کو جدید اور بہترین ٹرانسپورٹ کی سہولیات کی فراہمی اولین ترجیح ہے،چیئرمین سی ڈی اے محمد علی رندھاوا WhatsAppFacebookTwitter 0 1 May, 2025 سب نیوز
اسلام آباد(سب نیوز)وفاقی دارالحکومت اسلام آباد میں جدید اور ماحول دوست ٹرانسپورٹ کی بہترین سہولیات کی فراہمی کے لیے ایک اہم پیش رفت۔ چیئرمین سی ڈی اے محمد علی رندھاوا کی زیر صدارت سی ڈی اے ہیڈکوارٹرز میں ایک اہم اجلاس ۔اجلاس میں سافٹ وہیل الیکٹرک ٹرام اور الیکٹرک فیڈر بسیز کے آپریشنز کے حوالے سے تبادلہ خیال۔
اجلاس میں سی ڈی اے کے ممبران، این آر ٹی سی کے نمائندوں، اور دیگر شعبوں کے سینئر حکام نے شرکت کی۔ اجلاس میں چیئرمین سی ڈی اے محمد علی رندھاوا کو وفاقی دارالحکومت اسلام آباد میں الیکٹرک ٹرام اور فیڈر بسیں چلانے کے منصوبہ پر جامع بریفنگ دی گئی۔ چیئرمین نے کہا کہ اسلام آباد کو جدید اور بہترین ٹرانسپورٹ کی سہولیات کی فراہمی سی ڈی اے کی اولین ترجیح ہے۔ الیکٹرک ٹرام اور فیڈر بسوں کے زریعے عوام کو نہ صرف ٹرانسپورٹ کی جدید سہولیات فراہم کی جائیں گی بلکہ اس سے فضائی آلودگی میں کمی اور پٹرول کی بھی بچت ہو گی۔چیئرمین سی ڈی اے نے ہدایت دی کہ ٹرام نظام کی فیزیبلٹی اسٹڈی کو حتمی شکل دی جائے تاکہ شہر کے مصروف ترین روٹس پر جدید بسسز کی سہولیات کی فراہمی کو یقینی بنایا جائے۔
انہوں نے کہا کہ ٹرام کے ڈبے مختلف کمپارٹمنٹس پر مشتمل ہوں تاکہ زیادہ سے زیادہ مسافر سفر کر سکیں۔بسوں کو معذور افراد اور خواتین کے لیے بھی موافق بنایا جائے۔چیئرمین سی ڈی اے محمد علی رندھاوا نے منصوبے کی مکمل فزیبلٹی رپورٹ خصوصا مالیاتی اخراجات پر مکمل ورکنگ کرنے کی ہدایت کی۔ چئیرمن سی ڈی اے نے کہا کہ ایسا فنانشل ماڈل تیار کیا جائے جو طویل مدتی خودکفالت کو یقینی بنائے۔ نجی شعبے کے ساتھ شراکت داری کے آپشنز پر بھی غور کیا جائے گا ۔ ٹرام کے منصوبے کو حتمی شکل اور آپریشنل بنانے کے ہداف اور شیڈول طے کیے جائیں۔الیکٹرک فیڈر بسیں کے حوالے سے چیئرمین نے کہا کہ بسوں کے روٹس کا انتخاب ڈیٹا پر مبنی ہو۔ ایسے علاقوں کو ترجیح دی جائے جہاں روزانہ مسافروں کی تعداد سب سے زیادہ ہو۔انہوں نے یہ بھی ہدایت کی کہ تمام بس ٹرمینلز کو جدید ٹیکنالوجی سے آراستہ کیا جائے۔ ڈیجیٹل اسکرینز کے ذریعے نہ صرف اشتہارات بلکہ ٹائم ٹیبل اور حفاظتی ہدایات بھی شائع کی جائیں گی
چیئرمین سی ڈی اے نے الیکٹرک بسوں کی عوامی ٹرانسپورٹ میں سبسڈی پر انحصار کم کرنے کی پالیسی کو دہراتے ہوئے کہا کہ ہماری کوشش ہے کہ عوامی خدمات کے معیار کو برقرار رکھتے ہوئے سبسڈی کو مرحلہ وار کم کیا جائے۔ اس کے لیے آمدنی کے متبادل ذرائع جیسے اشتہارات اور اسمارٹ ٹکٹنگ سسٹم کو فعال کیا جائے گا۔چیئرمین سی ڈی اے محمد علی رندھاوا نے کہا کہ یہ منصوبے ہمارے شہر کو ایک جدید، صاف، اور پرکشش دارالحکومت بنانے کی طرف اہم قدم ہیں۔ ہمیں یقین ہے کہ شہری بھی اپنی ذمہ داری سمجھتے ہوئے اس وژن کو حقیقت بنانے میں سی ڈی اے کی کاوشوں کا ساتھ دیں گئے ۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرصدر مملکت اور وزیر اعظم کی ملاقات، بھارت کے جارحانہ رویہ پر شدید تشویش کا اظہار صدر مملکت اور وزیر اعظم کی ملاقات، بھارت کے جارحانہ رویہ پر شدید تشویش کا اظہار قائمہ کمیٹی نے پی ایس ایل کی کارکردگی پر بریفنگ کیلئے چیئرمین پی سی بی محسن نقوی کو طلب کرلیا پاکستان خطے میں امن کا خواہاں لیکن بھارت کی کسی بھی کارروائی کا منہ توڑ جواب دینگے، آرمی چیف انصاف تو اللہ کا کام ہے، ہم جج تو دستاویز دیکھ کر فیصلہ کرتے ہیں، جسٹس جمال مندوخیل بھارت کے ساتھ تصادم جوہری جنگ کا باعث بن سکتا ہے، بلاول بھٹو نے دنیا کو خبردار کردیا بھارت کو اس بار فنٹاسٹک ٹی نہیں فنٹاسٹک مار ملے گی، عطا تارڑCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: چیئرمین سی ڈی اے محمد علی رندھاوا کی سہولیات کی فراہمی ٹرانسپورٹ کی اسلام آباد نے کہا کہ جدید اور کیا جائے کو جدید کے لیے
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی