ٹرمپ نے اپنے خلاف تنقید کرنے والے خبر رساں اداروں کی فنڈنگ روک دی
اشاعت کی تاریخ: 2nd, May 2025 GMT
امریکی صدر ڈونلڈ ٹرمپ نے خبر رساں اداروں این پی آر اور پی بی ایس کو ’معتصب‘ قرار دیتے ہوئے انہیں ملنے والے تمام وفاقی فنڈز روکنے کے ایک ایگزیکٹو آرڈر پر دستخط کر دیے۔
یہ بھی پڑھیں:ایران سے تیل خریدنے والے ملک پر پابندیاں لگائیں گے، ٹرمپ نے خبردار کردیا
ٹرمپ طویل عرصے سے ان دونوں خبر رساں اداروں ہدف تنقید بنائے ہوئے تھے، لہٰذا آج انہوں نے خصوصی حکم نامے پر دستخط کیساتھ کارپوریشن فار پبلک براڈکاسٹنگ کو ہدایت کی ہے کہ وہ این پی آر اور پی بی ایس کو ملنے والی براہ راست فنڈنگ قانون کی اجازت کی حد تک بند کر دے۔
این پی آر اور پی بی ایس کو بالواسطہ عوامی فنڈنگ روکنے کے لیے ایگزیکٹو آرڈر میں سی پی بی کو یہ ہدایت بھی کی ہے کہ وہ اس بات کو یقینی بنائے کہ پبلک ریڈیو اور ٹیلی ویژن اسٹیشنوں کے لائسنس اور اجازت نامہ کے ساتھ ساتھ اس کے فنڈز کے دیگر وصول کنندگان، دونوں خبر رساں ادارے وفاقی فنڈز کا استعمال نہ کریں۔
یہ بھی پڑھیں:صدر ٹرمپ کے 100 دن مکمل ہوتے ہی انتظامیہ میں بڑی تبدیلی، نیشنل سیکیورٹی ایڈوائزر بھی فارغ
اس حکم کے تحت تمام ایجنسیوں کے سربراہوں کو ہدایت کی گئی ہے کہ وہ تنظیموں کو دی جانے والی کسی بھی فنڈنگ کی نشاندہی کریں اور اسے ختم کر دیں۔
واضح رہے کہ سی پی بی کے کانگریس سے منظور شدہ 535 ملین ڈالر بجٹ کا 70 فیصد سے زیادہ براہ راست عوامی میڈیا اسٹیشنوں کو گرانٹس کے ذریعے جاتا ہے۔
این پی آر کے مطابق اس کے سالانہ آپریٹنگ بجٹ کا تقریباً ایک فیصد سی پی بی اور وفاقی ایجنسیوں اور محکموں سے گرانٹ کی شکل میں آتا ہے۔
یاد رہے کہ گزشتہ ماہ کے اوائل میں ٹرمپ نے ریپبلکنز پر زور دیا تھا کہ وہ پی بی ایس اور این پی آر دونوں کو چھوڑ دیں۔
ٹرمپ کا یہ بھی کہنا تھا کہ ریپبلکنز کو اپنے آپ کو این پی آر اور پی بی ایس سے مکمل طور پر الگ کر دینا چاہیے، یہ بنیاد پرست بائیں بازو کے وہ ادارے ہیں جو ہمارے ملک کو بری طرح نقصان پہنچاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این پی آر پی بی ایس ڈونلڈ ٹرمپ ریپبلکنز.
ذریعہ
ذریعہ: WE News
کلیدی لفظ: این پی آر پی بی ایس ڈونلڈ ٹرمپ ریپبلکنز اور پی بی ایس
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی