اے ٹی سی راولپنڈی نے 26 نومبر مقدمات کے 124 گرفتار ملزمان کو سزائیں سنا دیں
اشاعت کی تاریخ: 2nd, May 2025 GMT
راولپنڈی کی انسداد دہشتگردی عدالت نے 26 نومبر مقدمات کے 124 گرفتارملزمان کوسزائیں سنا دیں، اعتراف جرم پر 4، 4 ماہ قید کی سزا دی گئی، غیر حاضر ایک ہزار74 ملزمان کی ضمانت خارج اور شناختی کارڈ بلاک اور اکاؤنٹ منجمد کرنے کے احکامات بھی جاری کر دیے گئے، آئندہ سماعتوں پر سیکیورٹی سخت کرنے کی ہدایت کی گئی۔
انسداد دہشتگردی عدالت کے جج امجد علی شاہ نے 26 نومبر کے 24 مقدمات کی سماعت کی ، پولیس نے 124 گرفتارملزمان کو عدالت میں پیش کیا کیا جبکہ ضمانت پرموجود 362 ملزمان حاضرپیش ہوئے۔
پیش ہونے والے ملزمان نے عدالت سے استدعا کی کہ غریب افراد تھے مقامی لیڈرشپ کے اکسانے پرایسا اقدام کیا آئندہ کسی احتجاج میں حصہ نہیں لیںگے نرم رویہ اختیارکیا جائے۔
عدالت نے اعتراف کرنے والے 82 ملزمان کوچارچارماہ قید اورپندرہ پندرہ ہزار روپے جرمانہ کی سزا سنا دی۔
عدالت نے غیرحاضررہنے والے 1ہزار49 ملزمان کی ضمانت خارج کیں جبکہ جج نے 25 ملزمان کی ضمانتیں بعد ازگرفتاری بھی خارج کردیں۔ شناختی کارڈ بلاک کرنے اور اکاؤنٹ منجمد کرنے کے حکمات بھی جاری کر دیے۔
26 نومبر احتجاج میں 24 مقدمات میں کل ملزمان کی تعداد 1ہزار609 ہے، عدالت نے ایم این اے شاندانہ گلزار کیخلاف توہین عدالت کا نوٹس جاری کر دیا ہے، عدالت نے مقدمات کی سماعت 7 ،8 اور9 مئی تک ملتوی کردیں، آئندہ سماعتوں پر سیکیورٹی سخت کرنے کے احکامات بھی دیے۔
ذریعہ
ذریعہ: Daily Mumtaz
پڑھیں:
راولپنڈی میں ہوٹل سے سرکاری ادارے کے اہلکار کی پھندا لگی لاش برآمد
تھانہ نیو ٹاؤن کے ہوٹل سے سرکاری ادارے کے اہلکار کی پھندا لگی لاش برآمد ہوئی ہے۔
پولیس کے مطابق سندھ سے تعلق رکھنے والے کاشف علی نے ہوٹل کا کمرہ بک کرایا تھا، کافی وقت گزرنے پر کمرے سے جواب نہ ملنے پر ہوٹل انتظامیہ نے پولیس سے رجوع کیا۔
پولیس پہنچنے پر کمرہ کھولا گیا تو اندر سے کاشف علی کی پھندا لگی نعش ملی، پولیس نے فرانزک شواہد اکٹھے کرکے لاش پوسٹ مارٹم کے لیے اسپتال منتقل کردی۔
پاکستان نے ورلڈ کپ 2028 کیلیے براہ راست کوالیفائی کر لیا