163 ارب ڈالر کا بجٹ کٹوتی پلان: تعلیم، صحت اور ہاؤسنگ ٹرمپ کے نشانے پر
اشاعت کی تاریخ: 3rd, May 2025 GMT
امریکی صدر ڈونلڈ ٹرمپ کی انتظامیہ نے آئندہ مالی سال کے لیے وفاقی بجٹ میں 163 ارب ڈالر کی بڑی کٹوتی کی تجویز دی ہے، جس کے تحت تعلیم، ہاؤسنگ اور طبی تحقیق جیسے اہم شعبوں میں بھاری کمی کی جائے گی جبکہ دفاع اور بارڈر سیکیورٹی کے بجٹ میں اضافہ کیا جائے گا۔
خبررساں ادارے رائٹرز کے مطابق امریکی وزارت بجٹ و انتظامیہ (OMB) نے کہا ہے کہ غیر دفاعی اختیاری اخراجات میں 23 فیصد تک کٹوتی کی جائے گی، جو 2017 کے بعد سب سے کم سطح ہو گی۔ اس میں سوشل سیکیورٹی، میڈیکیئر اور قرضوں پر سود کے اخراجات شامل نہیں ہوں گے۔
ٹرمپ حکومت کی تجاویز میں قومی سلامتی کے بجٹ میں 65 فیصد تک اضافے کی تجویز ہے، جسے غیر قانونی امیگریشن کے خلاف سخت پالیسی کے تحت پیش کیا گیا ہے۔
مزید پڑھیں: ٹرمپ نے اپنے خلاف تنقید کرنے والے خبر رساں اداروں کی فنڈنگ روک دی
بجٹ میں انٹرنل ریونیو سروس (IRS) کے بجٹ میں 2.
وزارت تعلیم کا بجٹ بھی 15 فیصد کم کرنے کی تجویز دی گئی ہے جبکہ ہاؤسنگ اینڈ اربن ڈویلپمنٹ ڈیپارٹمنٹ کے فنڈز قریباً نصف کر دیے جائیں گے۔ صدر ٹرمپ کے قریبی ساتھی اور بجٹ ڈائریکٹر رس ووٹ نے کہا ہے کہ یہ بجٹ امریکیوں کو پہلی ترجیح دیتے ہوئے دفاع اور داخلی سلامتی کو بے مثال مدد فراہم کرے گا۔
بعض ریپبلکن ارکان نے دفاعی بجٹ کو ناکافی قرار دیا ہے، جبکہ ڈیموکریٹس نے بجٹ کو غریب اور متوسط طبقے پر براہ راست حملہ قرار دیا ہے۔ سینیٹر سوزن کولنز نے بجٹ تجاویز پر تحفظات کا اظہار کرتے ہوئے کہا کہ یہ تجاویز نہ صرف دیر سے پیش کی گئیں بلکہ کئی اہم تفصیلات بھی غائب ہیں۔
مزید پڑھیں: صدر ٹرمپ کے 100 دن مکمل ہوتے ہی انتظامیہ میں بڑی تبدیلی، نیشنل سیکیورٹی ایڈوائزر بھی فارغ
بجٹ میں ریاستی محکمے اور امریکی امدادی ایجنسی (USAID) کے انضمام سے 50 ارب ڈالر کی کمی کا منصوبہ بھی شامل ہے۔ ناسا کے چاند پروگرام، ایف بی آئی، اور دیگر وفاقی ایجنسیوں کے فنڈز میں بھی بڑی کٹوتیوں کی تجویز دی گئی ہے۔
وائٹ ہاؤس نے بارڈر سیکیورٹی کے لیے اضافی 1.2 ارب ڈالر مختص کرنے کی تجویز دی ہے، جس میں 500 ملین ڈالر سرحدی نگرانی اور 766 ملین ڈالر نئی ٹیکنالوجی کی خریداری شامل ہے، جبکہ 22 ہزار بارڈر پیٹرول اہلکاروں کو برقرار رکھنے اور مزید کسٹمز آفیسرز کی بھرتی بھی بجٹ پلان کا حصہ ہے۔
تجزیہ کاروں کے مطابق کانگریس بجٹ میں کئی ترامیم کر سکتی ہے، مگر صدر ٹرمپ کی ریپبلکن پارٹی پر گرفت کے پیش نظر امکان ہے کہ وہ اپنی بیشتر تجاویز منظور کروانے میں کامیاب ہو جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بجٹ کٹوتی ڈوملڈ ٹرمپ رائٹرزذریعہ: WE News
کلیدی لفظ: امریکا بجٹ کٹوتی ڈوملڈ ٹرمپ کی تجویز دی کے بجٹ میں ارب ڈالر
پڑھیں:
پشاور سی ٹی ڈی تھانے میں دھماکا، پاک افغان مذاکرات کے دوران دہشتگردی کا نیا واقعہ
افغانستان کے ساتھ حالیہ سیکیورٹی مذاکرات اور سرحدی رابطوں کے حساس مرحلے میں پشاور کے یونیورسٹی روڈ پر واقع کاؤنٹر ٹیررازم ڈیپارٹمنٹ (سی ٹی ڈی) کے تھانے میں دھماکا ہوا ہے۔
ابتدائی اطلاعات کے مطابق دھماکے سے عمارت کے ایک حصے کو نقصان پہنچا، تاہم فوری طور پر کسی جانی نقصان کی اطلاع نہیں ملی۔
پولیس کی کارروائی اور سیکیورٹی اقدامات
ایس ایس پی آپریشنز پشاور کے مطابق واقعے کے فوراً بعد علاقے کو گھیرے میں لے لیا گیا، بم ڈسپوزل اسکواڈ نے جائے وقوعہ کا معائنہ کیا، اور تھانے میں موجود تمام ملزمان کو حفاظتی اقدام کے طور پر سی ٹی ڈی ہیڈکوارٹرز منتقل کر دیا گیا۔
دہشتگردی کے تناظر میں واقعہ
یہ واقعہ ایسے وقت میں پیش آیا ہے جب پاکستان اور افغانستان کے درمیان دہشتگردی کے خاتمے اور سرحدی تعاون کے حوالے سے اعلیٰ سطح کے مذاکرات جاری ہیں۔
سیکیورٹی ماہرین کا کہنا ہے کہ ایسے حملے ممکنہ طور پر مذاکراتی عمل کو متاثر کرنے یا پاکستان میں عدم استحکام پیدا کرنے کی کوشش کا حصہ ہو سکتے ہیں۔
پولیس اور قانون نافذ کرنے والے اداروں نے دھماکے کی نوعیت جاننے کے لیے تحقیقات شروع کر دی ہیں، جبکہ ابتدائی شبہ داخلی تخریب کاری یا تخریبی مواد کے غیر ارادی دھماکے کی جانب کیا جا رہا ہے۔
مزید تفصیلات تفتیش مکمل ہونے کے بعد سامنے آئیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان