64 برس کے فٹبالر کی 26 سالہ ماڈل کیساتھ ڈیٹنگ
اشاعت کی تاریخ: 3rd, May 2025 GMT
1990 میں جرمنی کو ورلڈکپ جتوانے میں اہم کردار ادا کرنیوالے اور بیلون ڈی آر کے فاتح لوٹھر ماتھاؤس 26 سالہ ماڈل کو ڈیٹ کرنے لگے۔
میڈیا رپورٹس کے مطابق جرمن فٹبال لیجنڈ لوٹھر ماتھاؤس، اسوقت 64 برس کے ہیں جبکہ ماڈل تھیریسا سومر کی عمر محض 26 سال ہے اور انہیں ماڈلنگ کے باعث پہنچانا جاتا ہے۔
اس جوڑے کو آسٹریا کے اسکی ریزورٹ میں ایک ساتھ دیکھا گیا، جہاں ماتھاؤس نے میڈیا کے سوالات کو “ذاتی معاملہ” قرار دیکر جان چھڑائی۔
لوٹھر ماتھاؤس نے 1990 میں جرمنی کی ورلڈکپ جیت میں اہم کردار ادا کیا تھا اور اسی سال انہوں نے بیلون ڈی آر ایوارڈ اپنے نام کیا تھا جبکہ لیجنڈری فٹبالر اس سے پہلے 5 شادیاں کرچکے ہیں، انکی آخری طلاق 2021 میں ہوئی تھی۔
تھیریسا سومر ایک انسٹاگرام ماڈل ہیں جبکہ کنگز کالج لندن سے معاشیات کی ڈگری بھی حاصل کررکھی ہے۔
دوسری جانب لیجنڈری فٹبالر اور ماڈل کی عمر کے فرق کو دیکھتے ہوئے انہیں تنقید کا نشانہ بنایا جارہا ہے۔
Post Views: 2.ذریعہ: Daily Mumtaz
پڑھیں:
آج سے عازمین حج سے واجبات کی وصولی کا آغاز
وزارت مذہبی امور نے اعلان کیا ہے کہ آج سے عازمین حج سے حج واجبات کی وصولی کا باقاعدہ آغاز کر دیا گیا ہے نامزد بینکوں اور آن لائن پورٹل کے ذریعے درخواستوں کی سہولت فراہم کی گئی ہے جہاں پہلے آئیے پہلے پائیے کی بنیاد پر رجسٹرڈ افراد سے 4 تا 9 اگست کے دوران پہلی قسط وصول کی جائے گی وزارت کے مطابق نشستیں مکمل ہونے پر حج واجبات کی وصولی روک دی جائے گی اور نشستوں کی دستیابی کی صورت میں 11 تا 16 اگست نئے عازمین کو درخواست دینے کا موقع دیا جائے گا حج پیکیج 2026 کیلئے ساڑھے 11 سے ساڑھے 12 لاکھ روپے کے درمیان ہوگا جبکہ دوسری قسط یکم نومبر سے وصول کی جائے گی وزارت نے واضح کیا ہے کہ دوبارہ حج کرنے اور عمر کی بالائی حد سے متعلق پابندی ختم کر دی گئی ہے تاہم یکم مارچ 2014 کے بعد پیدا ہونے والے بچے حج کیلئے درخواست نہیں دے سکیں گے ذرائع کے مطابق 38 سے 42 روزہ حج پیکیج کیلئے پانچ لاکھ روپے جبکہ 20 سے 25 روزہ مختصر حج کیلئے ساڑھے پانچ لاکھ روپے بطور پہلی قسط جمع کرانا ہوں گے درخواستیں ملک بھر کے 14 نامزد بینکوں میں جمع کرائی جا سکتی ہیں جہاں عازمین کو آسان اور شفاف طریقہ کار کے تحت حج کی سہولیات فراہم کی جائیں گی
پیپلزپارٹی کا این اے 129 کی خالی ہونے والی نشست پر ضمنی الیکشن لڑنے کا اعلان