چاکیواڑہ میں ٹرک کی ٹکر سے بائیک سوار نوجوان جاں بحق
اشاعت کی تاریخ: 3rd, May 2025 GMT
کراچی:
شہر قائد کے علاقے چاکیواڑہ میں ٹرک کی ٹکر سے بائیک سوار ایک نوجوان جاں بحق ہوگیا۔
ایکسپریس نیوز کے مطابق واقعہ چاکیواڑہ نمبر دو میں سالار پیٹرول پمپ کے قریب پیش آیا جہاں ٹرک نے بائیک سوار کو کچل دیا۔
جاں بحق بائیک سوار کو چھیپا ایمبولینس کے ذریعے سول اسپتال منتقل کردیا گیا، بائیک سوار کی شناخت نہیں ہوسکی اندازاً عمر 30 سال کے لگ بھگ ہے۔
.ذریعہ: Express News
کلیدی لفظ: بائیک سوار
پڑھیں:
5 دن تک زیر آب پھنسے رہنے والا نوجوان معجزانہ طور پر زندہ بچ گیا
جنوبی چین میں ایک چونکا دینے والا واقعہ پیش آیا، جہاں ایک 40 سالہ چینی غوطہ خور، جو ایک زیرآب غار میں پانچ دن تک پھنسا رہا، بالآخر کرشماتی طور پر زندہ بچنے میں کامیاب ہوگیا۔
غوطہ خور، جس کا نام وانگ بتایا گیا ہے، 19 جولائی کو اپنے دوست کے ساتھ صوبہ گوانگ ژی کے ایک گہرے دریا میں غوطہ خوری کے دوران لاپتا ہوگیا۔ اس دریا میں کئی پیچیدہ اور گہرے غار موجود ہیں، جو سطحِ آب سے تقریباً 9 میٹر نیچے واقع ہیں۔
وانگ کے لاپتا ہونے کے بعد پولیس اور ریسکیو ٹیموں نے فوری طور پر سرچ آپریشن شروع کیا۔ خصوصی غوطہ خوروں کی ٹیم نے غاروں کا جائزہ لیا، مگر ابتدائی کوششیں ناکام رہیں۔ تاہم دوسری بار کی تلاش کے دوران ٹیم کو چٹانوں پر دستک جیسی آوازیں سنائی دیں، جس کے بعد انجن بند کر کے سننے کی مزید کوشش کی گئی، لیکن آواز پھر غائب ہوگئی۔
130 میٹر گہرائی تک تلاش کے باوجود غوطہ خور کا کچھ پتا نہ چلا، مگر واپسی پر فیصلہ کن لمحہ آیا۔ وانگ، جو اب بھی زندہ تھا، نے امدادی ٹیم کو غار کے نچلے حصے میں فلیش لائٹ کے ذریعے سگنل دیا، جس سے اس کی جان بچائی جا سکی۔
وانگ نے بتایا کہ وہ حادثاتی طور پر غار کے اندر گم ہوگیا تھا اور راستہ بھول بیٹھا۔ جب اس کی آکسیجن صرف 4 فیصد رہ گئی، تو وہ ایک ایسے مقام پر جا پہنچا جہاں غار کے اندر ہی ہوا کا قدرتی ذخیرہ (ائر پاکٹ) موجود تھا۔ وہیں اس نے کئی دن گزارے اور کچی مچھلی کھا کر اپنی زندگی بچائی۔
حیران کن طور پر، پانچ دن تک زیرآب رہنے کے باوجود وانگ کی حالت زیادہ خراب نہیں تھی اور وہ خود چل کر ایمبولینس میں سوار ہوا۔
سانحہ دریائے سوات؛ انکوائری رپورٹ میں حکومتی غفلت سمیت افسوسناک حقائق سامنے آگئے