غزہ پر جاری امریکی و صیہونی جارحیت کے خلاف دنیائے عرب کا سب سے غریب ترین ملک لیکن ہمت و بہادری میں سب سے امیر ملک یمن ہے۔ یمن نے بحیرہ احمر میں سمندری ناکہ بندی کے ساتھ ساتھ عوامی سطح پر مظلوم فلسطینیوں کے ساتھ یکجہتی کی تاریخی مثالیں رقم کی ہیں اور یہ سلسلہ جاری ہے۔
عالمی سیاسی تجزیہ نگاروں کا کہنا تھا کہ امریکی بمباری کے بعد یمن غزہ کی حمایت سے پیچھے ہٹ جائے گا لیکن نتائج اس کے برعکس نکل رہے ہیں۔ جہاں دنیا کے دو ارب سے زائد مسلمان غزہ کی عملی مدد کرنے میں ناکام ہیں، وہاں ان دو عرب مسلمانوں میں سے چند لاکھ ایسے بھی ہیں جو اپنا سب کچھ غزہ کی خاطر داؤ پر لگائے بیٹھے ہیں۔
یمن پر امریکی بمباری اس لیے کی جا رہی ہے کیونکہ یمن نے غزہ کے ساتھ یکجہتی کے لیے ایک تو بحیرہ احمر میں امریکا اور اسرائیل کے بحری جہازوں سمیت ہر اس بحری جہاز کے لیے ناکہ بندی کر رکھی ہے جو غاصب صیہونی ریاست اسرائیل کی طرف جائے گا یا وہاں سے نکل کر کسی اور ملک جائے گا، یعنی تجارت کو بند کر رکھا ہے۔
اس ناکہ بندی کی وجہ سے غاصب صیہونی ریاست اسرائیل کی ایلات نامی بندرگاہ بینک کرپسی کا شکار ہو چکی ہے۔ غاصب صیہونیوں کی تجارتی سرگرمیاں مفلوج ہو چکی ہیں۔ یہ سب کچھ غزہ کی خاطر یمن کی یکجہتی کا ایک نمونہ ہے۔ اسی طرح امریکی جہازوں کو بھی بحیرہ احمر سے گزرنے نہیں دیا جا رہا ہے اور نہ ہی کوئی برطانوی جہاز اس سمندر سے گزر سکتا ہے۔
بحیرہ احمر میں یمن کی سمندری ناکہ بندی سے امریکا اور برطانیہ سمیت یورپ کی بحری جہازوں کی کمپنیاں دیوالیہ ہو رہی ہیں۔ یمن کا ایک ہی مطالبہ ہے کہ غزہ پر جارحیت کو بند کیا جائے۔ امریکی حکومت نے ہمیشہ کی طرح بدمعاشی اور دھونس دھمکی سے کام چلانے کی کوشش کی ہے لیکن یمن کے سامنے سارے حربے ناکام ہیں۔
امریکی بحری جنگی بیڑہ یو ایس ایس ہیری ٹرومین بحیرہ احمر میں یمن کی مسلح افواج کے میزائلوں کا نشانہ بن رہا ہے اور تازہ ترین اطلاعات کے مطابق یمن کی مسلح افواج نے اس امریکی جنگی بحری بیڑہ کو ناکارہ بنا دیا ہے۔ اس بات کی تصدیق اور تردید امریکی ذرایع کرنے سے قاصر ہیں لیکن امریکی حکومت نے اپنے اس ناکارہ ہونے والے بحری بیڑہ کو بچانے کے لیے ایک اور بحری بیڑہ بحیرہ احمر کی طرف روانہ کیا ہے جو خود یمن کی مسلح افواج کے دعویٰ کی تصدیق کر رہا ہے۔
اسی طرح یمن دنیا کا واحد ملک ہے کہ جس نے بہت کم عرصے میں اب تک امریکا کے جدید ترین ڈرون طیاروں یعنی MQ9 نامی ڈرون طیاروں کو شکار کیا ہے اور مارگرایا ہے۔ اب تک مارگرائے جانے والے ڈرون طیاروں میں 24 ڈرون طیارے ہیں جن کو یمن کی مسلح افواج نے پے در پے حملوں میں مار گرانے میں کامیابی حاصل کی ہے۔ گزشتہ دنوں امریکی تجزیہ نگاروں نے لکھا ہے کہ امریکا یمن میں ڈرون کی جنگ ہار چکا ہے، یعنی یہ با ت تو ثابت ہے کہ امریکا یمن کے مقابلے میں شکست سے دو چار ہو رہا ہے۔
یمن کی مثالی اور معجزاتی مزاحمت کی اور بھی دلیلیں موجود ہیں جیسا کہ پہلی بات یہ ہے غاصب صیہونی ریاست اسرائیل کے خلاف یمن کی مسلح افواج کے حملے اورکارروائیاں جاری ہیں جن میں سب سے اہم گزشتہ دنوں یمنی مسلح افواج کا مقبوضہ فلسطین میں حیفا پر میزائل حملہ تھا جس کے بعد خود غاصب صیہونی حکومت اسرائیل بھی سرپرائز ہے۔دوسری بات اور دلیل یہ ہے کہ بحیرہ احمرکے راستے پر امریکی اور اسرائیلی بحری جہازوں کی ناکہ بندی مسلسل جاری ہے اور امریکا تمام تر دہشت گردانہ کارروائیوں کے باوجود اس ناکہ بندی کو توڑنے میں اور یمن کو روکنے میں ناکام رہا ہے۔
تیسری اہم ترین دلیل یہ بھی ہے کہ امریکی جنگی جہازوں کے خلاف یمن کی مسلح افواج کی کارروائیوں میں تیزی آئی ہے اور یو ایس ایس ہیری ٹرومین نامی بحری جنگی بیڑہ ناکارہ ہو چکا ہے جس کے بارے میں اب سرکاری سطح پر موقف آنا شروع ہو چکا ہے۔
چوتھی دلیل یہ بھی ہے کہ یمن کا دفاعی نظام انتہائی موثر ہے کہ جس نے اب تک یمن کے اوپر آسمان میں امریکی جاسوس ڈرون طیاروں MQ9کو مار گرانے کا سلسلہ جاری رکھا ہوا ہے، جوکہ موثر طریقہ سے ایک عالمی ریکارڈ بنتا جا رہا ہے۔ مسلسل ڈرون طیاروں کے نشانہ بنائے جانے سے پوری دنیا میں امریکا کی ٹیکنالوجی کو بڑا دھچکا بھی پہنچ رہا ہے۔
خلاصہ یہ ہے کہ یمن غزہ کے ساتھ یکجہتی کے لیے اس جنگ میں بھرپور مزاحمت اور حقیقی معنوں میں معجزے دکھا رہا ہے۔کاش! کہ عرب دنیا کے دیگر حکمران یمن کا ساتھ دیتے تو صورت حال غزہ کے حق میں تبدیل کی جا سکتی تھی۔
.ذریعہ: Express News
کلیدی لفظ: یمن کی مسلح افواج غاصب صیہونی ڈرون طیاروں ناکہ بندی کے ساتھ غزہ کی رہا ہے کے لیے ہے اور
پڑھیں:
حیران کن پیش رفت،امریکا نے بھارت سے10سالہ دفاعی معاہدہ کرلیا
data-id="863a0a8" data-element_type="widget" data-widget_type="theme-post-content.default">
کوالالمپو ر،نئی دہلی،اسلام آباد(خبر ایجنسیاں، مانیٹرنگ ڈیسک) امریکا اور بھارت کے درمیان 10 سالہ دفاعی فریم ورک معاہدے پر دستخط ہوگئے امریکی وزیر دفاع پیٹ ہیگ ستھ نے گزشتہ روز کوالالمپور میں اپنے بھارتی ہم منصب راج ناتھ سنگھ سے ملاقات کے بعد اس پیش رفت کا اعلان کیا۔ پیٹ ہیگ ستھ نے سماجی رابطے کی ویب سائٹ ایکس پر بتایا کہ یہ معاہدہ خطے میں استحکام اور دفاعی توازن کے لیے سنگِ میل کی حیثیت رکھتا ہے۔ پیٹ ہیگ سیتھ کے مطابق معاہدے سے دونوں ممالک کے درمیان تعاون، معلومات کے تبادلے اور ٹیکنالوجی کے اشتراک میں اضافہ ہوگا۔انہوں نے کہا کہ یہ دونوں ممالک کی افواج کے درمیان تعاون کو مزید مضبوط بنانے کی سمت میں ایک اہم قدم ہے، جو مستقبل میں زیادہ گہرے اور مؤثر دفاعی تعلقات کی راہ ہموار کرے گا۔دونوں وزرا کے درمیان ملاقات آسیان ڈیفنس سمٹ کے دوران ہوئی، یہ ملاقات ایک ایسے وقت میں ہوئی جب امریکا نے اگست میں بھارت کی روسی تیل کی خریداری پر ناراضگی ظاہر کرتے ہوئے بھارتی مصنوعات پر 50 فیصد ٹیکس عائد کیا تھا۔ان اضافی محصولات کے بعد بھارت نے امریکی دفاعی سازوسامان کی خریداری کا عمل عارضی طور پر روک دیا تھا، تاہم دونوں ممالک کے درمیان گزشتہ روز ہونے والی ملاقات میں دفاعی خریداری کے منصوبوں پر نظرثانی کے حوالے سے بھی بات چیت کی گئی۔بھارتی اخبار ’ہندوستان ٹائمز‘ کے مطابق یہ ملاقات کوالالمپور میں ہونے والے آسیان ڈیفنس منسٹرز میٹنگ پلس کے موقع پر ہوئی، جو ہفتہ سے شروع ہونے جا رہی ہے۔معاہدے پر دستخط کے بعد پیٹ ہیگ سیتھ نے بھارتی وزیر دفاع راجناتھ سنگھ کا شکریہ ادا کرتے ہوئے کہا کہ یہ دنیا کی سب سے اہم امریکی بھارتی شراکت داریوں میں سے ایک ہے، ہمارا اسٹریٹجک اتحاد باہمی اعتماد، مشترکہ مفادات اور ایک محفوظ و خوشحال بحیرہ ہندبحرالکاہل خطے کے عزم پر قائم ہے۔وزیر دفاع راج ناتھ سنگھ نے بھی 10 سالہ معاہدے پر دستخط کی تصدیق کی اور ہیگ ستھ کے ساتھ اپنی ملاقات کو نتیجہ خیز قرار دیا۔ ایکس پر ایک پوسٹ میں راج ناتھ نے کہا،کوالالمپور میں میرے امریکی ہم منصب پیٹر ہیگ سیتھ کے ساتھ ایک نتیجہ خیز ملاقات ہوئی،ہم نے 10 سالہ امریکابھارت بڑی دفاعی شراکت داری کے فریم ورک پر دستخط کیے ہیں۔راج ناتھ سنگھ نے مزید زور دیا کہ یہ فریم ورک بھارت امریکا دفاعی تعلقات کے پورے اسپیکٹرم کو پالیسی کی سمت اہمیت فراہم کرے گا۔انہوں نے کہا کہ یہ ہماری پہلے سے مضبوط دفاعی شراکت داری میں ایک نئے دور کا آغاز کرے گا۔ یہ ہمارے بڑھتے ہوئے اسٹریٹجک ہم آہنگی کا اشارہ ہے اور شراکت داری کے ایک نئے عشرے کا آغاز کرے گا۔ ہماری شراکت داری آزادانہ اصولوں پر مبنی ہے۔علاوہ ازیںنئی دہلی کی وزارتِ خارجہ نے تصدیق کی ہے بھارت کو ایران میں واقع اسٹریٹجک چاہ بہار بندرگاہ منصوبے پر امریکی پابندیوں سے 6 ماہ کی چھوٹ دے دی گئی ہے، جو افغانستان جیسے خشکی میں گھرے ملک تک رسائی کا ایک اہم راستہ ہے۔ خبر رساں ادارے ’اے ایف پی‘ کی رپورٹ کے مطابق گزشتہ سال نئی دہلی اور تہران نے چاہ بہار منصوبے کو ترقی دینے اور اسے جدید سہولتوں سے آراستہ کرنے کے لیے ایک معاہدے پر دستخط کیے تھے جس کے تحت بھارت کو بندرگاہ کے استعمال کے لیے 10 سال کی رسائی حاصل ہوئی تاہم امریکا نے ستمبر میں ایران کے جوہری پروگرام پر دباؤ بڑھانے کے اقدامات کے تحت اس منصوبے پر پابندیاں عائد کر دی تھیں، امریکی قانون کے مطابق جو کمپنیاں چاہ بہار منصوبے سے وابستہ رہیں گی ان کے امریکا میں موجود اثاثے منجمد کیے جا سکتے تھے اور ان کے امریکی لین دین روک دیے جاتے۔بھارت نے کہا کہ پابندیاں عارضی طور پر معطل کر دی گئی ہیں۔ بھارتی وزارتِ خارجہ کے ترجمان رندھیر جیسوال نے نئی دہلی میں صحافیوں کو بتایا کہ میں تصدیق کر سکتا ہوں کہ ہمیں امریکی پابندیوں سے 6 ماہ کے لیے استثنا دیا گیا ہے۔انہوں نے بتایا کہ یہ استثناحال ہی میں دیا گیا ہے، جس کا مطلب ہے کہ یہ اپریل 2026 تک مؤثر رہے گا۔یہ رعایت ایسے وقت میں دی گئی ہے جب پاکستان اور افغانستان حالیہ ہفتوں میں اپنی غیر مستحکم سرحد پر جھڑپوں کے بعد نازک امن بات چیت میں مصروف ہیں۔امریکا نے افغانستان میں اپنی فوجی موجودگی کے دوران چاہ بہار بندرگاہ منصوبے کو بمشکل قبول کیا تھا، کیونکہ وہ نئی دہلی کو کابل حکومت کی حمایت میں ایک قیمتی شراکت دار سمجھتا تھا، جو 2021 میں تحلیل ہو گئی تھی۔ بعد ازاں بھارت نے طالبان حکومت کے ساتھ اپنے تعلقات میں بہتری لائی۔افغانستان کے اقوام متحدہ کی پابندیوں کے زد میں آنے والے وزیرِ خارجہ امیر خان متقی نے رواں ماہ بھارت کا دورہ کیا، جس کے بعد نئی دہلی نے کابل میں اپنا سفارتی مشن دوبارہ مکمل سفارتخانے کی سطح پر بحال کر دیا۔دریں اثناء ترجمان دفتر خارجہ کا کہنا ہے کہ پاکستان نے امریکا اور بھارت کے درمیان ہونے والے دفاعی معاہدے کا نوٹس لیا ہے۔ ترجمان دفتر خارجہ طاہر انداربی نے کہا کہ خطے پر امریکا بھارت دفاعی معاہدے کے اثرات کا جائزہ لے رہے ہیں۔ترجمان کا کہنا تھا کہ مسلح افواج بھارتی فوجی مشقوں پر نظر رکھے ہوئے ہیں، بھارت کی کسی بھی مہم جوئی کا بھرپور جواب دیا جائے گا۔ طاہر اندرابی نے مزید کہا کہ یہ سوال کہ پاکستان نے کتنے بھارتی جنگی جہاز گرائے؟ بھارت سے پوچھنا چاہیے، حقیقت بھارت کے لیے شاید بہت تلخ ہو۔ ان کا مزید کہنا تھا کہ پاک افغان تعلقات میں پیشرفت بھارت کو خوش نہیں کرسکتی لیکن بھارت کی خوشنودی یا ناراضی پاکستان کے لیے معنی نہیں رکھتی۔ قبل ازیںبھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔گزشتہ دنوں افغانستان میں برسراقتدار طالبان رجیم کے سپریم لیڈر ملا ہیبت اللہ اخوندزادہ نے وزارت توانائی کو چترال سے نکلنے والے دریائے کنڑ پر جلد از جلد ڈیم کی تعمیر شروع کرنے کا حکم دیا تھا۔افغان میڈیا کے مطابق سپریم لیڈر ملا ہیبت اللہ اخوندزادہ نے کہا تھا کہ ڈیم کیلیے ملکی کمپنیوں کے ساتھ معاہدے کیے جائیں اور غیر ملکی کمپنیوں کا انتظار نہ کیا جائے۔اب بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔بھارتی وزارت خارجہ کے ترجمان رندھیر جیسوال نے ہفتہ وار پریس کانفرنس میں ایک سوال کے جواب میں کہا کہ بھارت ہائیڈروالیکٹرک پروجیکٹس کی تعمیر میں افغانستان کی مدد کیلیے تیار ہے، دونوں ممالک میں پانی سے متعلق معاملات میں تعاون کی ایک تاریخ ہے، ہرات میں سلما ڈیم کی مثال موجود ہے۔دوسری جانب افغان طالبان نے بھارتی اعلان کا خیرمقدم کیا اور قطر میں طالبان کے سفیر سہیل شاہین نے دی ہندو سے گفتگو میں کہا کہ دونوں ممالک کے درمیان تعاون کے بہت سے مواقع موجود ہیں۔خیال رہے کہ دریائے کنڑ چترال سے نکلتا ہے اور تقریباً 482 کلومیٹر کا سفر طے کرنے کے بعد دریائے کابل میں شامل ہو کر واپس پاکستان آتا ہے۔
خبر ایجنسی
گلزار
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ