فاسٹ باؤلر کاگیسو ربادا کے آئی پی ایل سے باہر ہونے کی وجہ سامنے آگئی
اشاعت کی تاریخ: 4th, May 2025 GMT
جنوبی افریقہ کے فاسٹ باؤلر کاگیسو ربادا کے انڈین پریمیئر لیگ (آئی پی ایل) سے باہر ہونے کی وجہ سامنے آگئی ہے۔ جنوبی افریقہ کے فاسٹ باؤلر کاگیسو ربادا ممنوعہ دوا استعمال کرنے کے اعتراف کے بعد آئی پی ایل سے عارضی معطلی کا شکار ہیں۔
یہ بھی پڑھیں:آئی پی ایل: سوریا ونشی کا تاریخی کارنامہ، 14 سال کی عمر میں شاندار سینچری
انٹرنیشنل میڈیا رپورٹ کے مطابق جنوبی افریقہ کے فاسٹ باؤلر کاگیسو ربادا نے ممنوعہ دوا کے استعمال کا اعتراف کیا ہے، جس کے بعد سے وہ آئی پی ایل سے عرضی معطلی کا شکار ہیں۔
کاگیسو ربادا آئی پی ایل ایس سے اچانک اس وقت آؤٹ ہوگئے تھے جب وہ گجرات ٹائٹنز کے لیے کھیل رہے تھے۔ جس کے بعد 3 اپریل کو فرنچائز کی جانب سے بیان آیا کہ کاگیسو ربادا ’نجی معاملے‘ کی وجہ سے گھر واپس لوٹ گئے ہیں۔
اس حوالے سے فرنچائز نے مزید کوئی تفصیلات شیئر نہیں کی تھیں۔
کرکٹ جنوبی افریقہ (سی ایس اے) کے مطابق یہ واقعہ افسوسناک امر ہے، تاہم، ربادا نے سی ایس اے اور اپنے مداحوں کو پیشہ ورانہ معیارات کو برقرار رکھنے کے اپنے عزم کا یقین دلایا ہے۔
ربادا نے یہ بھی کہا کہ وہ کرکٹ میں واپسی کے منتظر ہیں اور انہوں نے اپنے خاندان، قانونی ٹیم اور گجرات ٹائٹنز کی حمایت پر شکریہ ادا کیا۔
واضح رہے کہ یہ ابھی تک واضح نہیں ہے کہ کاگیسو ربادا نے کون سی دوا استعمال کی ہے، تاہم دوا کے کوکین یا بھنگ ہونے کا امکان ہے۔
ساؤتھ افریقن انسٹی ٹیوٹ فار ڈرگ فری اسپورٹ (SAIDS)، جس نے یہ ٹیسٹ کیا ہے، توقع ہے کہ پیر کو ایک بیان جاری کرے گا جو مزید وضاحت فراہم کر سکتا ہے۔
اس حوالے سے کرکٹ جنوبی افریقہ کو ربادا کے آئندہ میچوں سے محروم ہونے پر کوئی تشویش نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل انڈین پریمیئر لیگ کاگیسو ربادا کرکٹ ساؤتھ افریقہ ممنوعہ دوا.
ذریعہ
ذریعہ: WE News
کلیدی لفظ: ا ئی پی ایل انڈین پریمیئر لیگ کاگیسو ربادا ممنوعہ دوا جنوبی افریقہ ا ئی پی ایل
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی