آصف علی زرداری اور ایرانی وزیر خارجہ کیجانب سے غزہ میں صیہونی جرائم کی مذمت
اشاعت کی تاریخ: 5th, May 2025 GMT
صدر پاکستان سے اپنی ایک ملاقات میں سید عباس عراقچی کا کہنا تھا کہ تہران، اسلام آباد کے ساتھ اپنے تعلقات کو نہایت اہمیت دیتا ہے۔ اسلام ٹائمز۔ آج اسلام آباد میں صدر پاکستان "آصف علی زرداری" سے ایرانی وزیر خارجہ "سید عباس عراقچی" اور ان کے ساتھ موجود اعلیٰ سطحی وفد نے ملاقات کی۔ اس موقع پر آصف علی زرداری اور ایرانی وزیر خارجہ نے ایران و پاکستان کے درمیان دوطرفہ تعلقات میں وسعت کا جائزہ لیا۔ انہوں نے علاقائی صورت حال پر تبادلہ خیال بھی کیا۔ صدر پاکستان نے سید عباس عراقچی کے ساتھ ملاقات پر اطمینان کا اظہار کیا۔ انہوں نے کہا کہ ایران اور پاکستان کے درمیان تاریخی و برادرانہ تعلقات ہیں۔ انہوں نے اس نازک مرحلے پر پاکستان کا دورہ کرنے کی وجہ سے سید عباس عراقچی کا شکریہ ادا کیا۔ انہوں نے خطے میں امن اور خوشحالی کے فروغ کے لیے دونوں ممالک کے درمیان تعاون کی اہمیت پر زور دیا۔ انہوں نے بھارت کے جارحانہ موقف پر تشویش کا اظہار کیا۔ آصف علی زرداری نے کہا کہ پاکستان ہر مسئلے کو مذاکرات اور سفارت کاری کے ذریعے حل کرنے کے لیے پُرعزم ہے۔
صدر پاکستان نے کہا کہ باہمی مفادات کے لیے ایران کے ساتھ دو طرفہ تجارت کو مضبوط بنایا جائے۔ اس دوران دونوں رہنماوں نے غزہ کی صورت حال پر تبادلہ خیال کیا۔ انہوں نے غزہ میں اسرائیل کی جانب سے انسانی حقوق کی پامالیوں اور جرائم کی مذمت کی۔ دوسری جانب سید عباس عراقچی نے اس ملاقات میں انڈیا و پاکستان سے جنوبی ایشیاء میں کشیدگی میں کمی کے لئے تحمل کا مظاہرہ کرنے کا مطالبہ کیا۔ ایرانی وزیر خارجہ نے کہا کہ تہران، اسلام آباد کے ساتھ اپنے تعلقات کو نہایت اہمیت دیتا ہے۔ سید عباس عراقچی نے کہا کہ دو برادر ممالک کی عوام کے مفاد کے لئے ایران، دوطرفہ تعلقات کو مستحکم کرنے کا خواہاں ہے۔ انہوں نے دونوں ممالک کے درمیان تجارتی حجم میں اضافے پر زور دیا۔ افغانستان کی صورتحال کا جائزہ لیتے ہوئے سید عباس عراقچی نے علاقائی مسائل پر پاکستان کے ساتھ تعاون پر اعتماد کا اظہار کیا۔ قابل غور بات یہ ہے کہ اپنے ایک روزہ دورہ پاکستان کے اختتام پر ایرانی وزیر خارجہ واپس تہران روانہ ہو گئے۔
ذریعہ: Islam Times
کلیدی لفظ: ایرانی وزیر خارجہ سید عباس عراقچی آصف علی زرداری صدر پاکستان پاکستان کے کے درمیان نے کہا کہ انہوں نے کے ساتھ
پڑھیں:
حماس کیجانب سے 3 اسرائیلی قیدیوں کی لاشیں واپس کرنے پر خوشی ہوئی، ڈونلڈ ٹرمپ
غیر ملکی میڈیا کے مطابق امریکی صدر کا کہنا تھا کہ انہوں نے اب تک دنیا بھر میں 8 جنگیں رکوائیں۔ امریکی صدر نے کہا کہ امریکا یوکرین کو ٹوماہاک کروز میزائل دینے پر فی الحال غور نہیں کر رہا۔ اسلام ٹائمز۔ امریکا کے صدر ڈونلڈ ٹرمپ نے کہا ہے کہ حماس کی جانب سے 3 قیدیوں کی لاشیں واپس کرنے پر خوشی ہوئی ہے۔ غیر ملکی میڈیا کے مطابق امریکی صدر ڈونلڈ ٹرمپ نے کہا ہے کہ انہوں نے اب تک دنیا بھر میں 8 جنگیں رکوائیں۔ امریکی صدر نے کہا کہ امریکا یوکرین کو ٹوماہاک کروز میزائل دینے پر فی الحال غور نہیں کر رہا۔ انہوں نے کہا کہ نائجیریا میں امریکی زمینی فوج یا فضائی حملے ممکن ہیں، نائجیریا میں مسیحیوں کو بڑے پیمانے پر ہلاک کیا جا رہا ہے۔ امریکی صدر ٹرمپ نے بتایا کہ سپریم کورٹ میں ٹیرف سے متعلق کیس ملک کی تاریخ کا اہم کیس ہے، سپریم کورٹ میں ٹیرف کیس کی سماعت میں شرکت نہیں کروں گا اور میں کوئی ایسا اقدام نہیں کرنا چاہتا، جو اس فیصلے کی اہمیت کو کم کرے۔
انہوں نے مزید کہا ہے کہ دنیا برسوں سے ہمارے خلاف ٹیرف لگا رہی تھی، ہم کئی ممالک خاص طور پر چین کی جانب سے استحصال کا شکار رہے، مگر اب ایسا نہیں ہے، ٹیرف نے ہمیں زبردست قومی سلامتی دی ہے۔ برطانوی شاہی خاندان سے شہزادہ اینڈیو کی شاہی نوازشات سے بے دخلی کے حوالے سے امریکی صدر ٹرمپ نے کہا ہے کہ "شہزادہ اینڈریو، جیفری ایپسٹین اسکینڈل افسوسناک ہے اور شاہی خاندان کے ساتھ جو کچھ ہوا، وہ برا ہوا۔"
کینیا میں چھوٹا طیارہ گرکر تباہ‘ کئی ہلاکتوں کا خدشہ