مولانا فضل الرحمٰن نے گرینڈ الائنس میں شامل ہونے سے انکار کردیا، شیخ وقاص اکرم
اشاعت کی تاریخ: 6th, May 2025 GMT
—فائل فوٹو
پاکستان تحریک انصاف (پی ٹی آئی) کے مرکزی سیکریٹری اطلاعات شیخ وقاص اکرم نے کہا ہے کہ مولانا فضل الرحمٰن نے گرینڈ الائنس میں شامل ہونے سے انکار کردیا۔
جیو نیوز سے گفتگو کرتے ہوئے شیخ وقاص اکرم کا کہنا تھا کہ مولانا فضل الرحمٰن نے پہلے پارٹی سے مشاورت کےلیے وقت مانگا اور پھر انکار کیا، مقامی سیاست سے متعلق اُن کے کچھ خدشات تھے۔
شیخ وقاص اکرم نے کہا کہ انتخابی اتحاد جب ہوتے ہیں تو کچھ لے دے ہوتا ہے، بانی پی ٹی آئی کی ہدایت پر مولانا فضل الرحمٰن کو خدشات دور کرنے کی یقین دہانی کروائی گئی۔
پاکستان تحریک انصاف کے رہنما اعظم سواتی کا کہنا ہے کہ پی ٹی آئی کے قائدین نے مولانا فضل الرحمٰن سے ملاقات کی ہے، ان کا گرینڈ الائنس میں آنا انتہائی ضروری ہے۔
پی ٹی آئی کے مرکزی سیکریٹری اطلاعات نے کہا کہ مجوزہ معدنیات بل سے متعلق بانی پی ٹی آئی کا بیان آچکا، وزیراعلیٰ معدنیات بل پر پہلے بانی پی ٹی آئی کو بریفنگ دیں گے۔
شیخ وقاص اکرم نے یہ بھی کہا کہ بانی پی ٹی آئی کی مرضی ہوگی تو معدنیات بل پاس ہوگا ورنہ نہیں۔
.ذریعہ: Jang News
کلیدی لفظ: مولانا فضل الرحم ن گرینڈ الائنس میں بانی پی ٹی آئی شیخ وقاص اکرم
پڑھیں:
جعلی فٹبال ٹیم، انسانی اسمگلر کے بڑے انکشاف سامنے آ گئے، ڈائریکٹر ایف آئی اے
کراچی:جعلی فٹبال فیڈریشن اوروزارت خارجہ کے جعلی این او سی بنا کر فٹبال ٹیم کو جاپان بھیجنے والے ملزم وقاص بارے بڑے انکشافات سامنے آئے ہیں۔
جاپان سے ڈیپورٹ ہونے والے 22 افراد جب ایئرپورٹ پہ اترے توان سے پوچھ گچھ کی گئی جنہوں نے ملزم وقاص سے متعلق بتایا کہ اس نے انھیں جاپان کے ویزے لگوانے کے 45 لاکھ فی کس لیے تھے۔
اس حوالہ سے ڈائریکٹر زون محمد بن اشرف نے ایکسپریس نیوزسے خصوصی گفتگو میں بتایاکہ ملزم وقاص نے ایک جعلی فٹبال فیڈریشن بنائی پھرجعل سازی سے وزارت خارجہ کا این او سی بنایا اور 22 افراد جن کا دور دورتک فٹبال کھیلنے سے تعلق نہ تھا ان کو ٹریننگ دلائی ، وردیاں کٹس پہنائیں اورایمبیسی سے ویزے لگوا لیے.
ڈائریکٹرکاکہناتھاکہ ویزے تو ٹھیک لگ گئے تھے لیکن اس کے پیچھے جوعمل تھا وہ جعل سازی پہ مبنی تھا، اس لیے ملزم وقاص علی کو سیالکوٹ سے گرفتار کیا گیا ہے.
دوران تفتیشن انکشاف ہوا ہے کہ ملزم 2024میں بھی ایسے ہی ٹیم بناکر17لڑکوں کوبھیج چکا ہے جو کہ واپس نہیں آئے ، ڈائریکٹر کا کہنا ہے کہ یہ کام وقاص علی اکیلے کا نہیں ہوسکتا پورا گینگ پکڑیں گے۔
سوشل میڈیا پر پابندی مہنگی پڑ گئی، نیپالی وزیراعظم پرتشدد مظاہروں کے بعد مستعٰفی