مرید کے، بہاولپور، مظفر آباد، احمد پور، کوٹلی، بزدل بھارت کے معصوم شہریوں پر میزائل حملے، پاکستان کی بھرپور جوابی کارروائی، 2 رافیل سمیت 3 طیارے گرا دیئے
اشاعت کی تاریخ: 7th, May 2025 GMT
اسلام آباد (نوائے وقت رپورٹ) بھارت نے رات کی تاریکی میں پاکستان میں 5 مقامات پر میزائل حملہ کردیا۔ پاکستان کی جوابی کارروائی میں دو رافیل سمیت 3 بھارتی طیارے مار گرائے گئے۔ پاک فوج کے شعبہ تعلقات عامہ (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری کا کہنا ہے کہ بھارت کی جانب سے کوٹلی، بہاولپور، مریدکے، باغ اور مظفر آباد میں بزدلانہ میزائل حملے میں 3 پاکستانی شہید اور 12 زخمی ہوگئے۔ یہ حملے ایسے وقت میں کیے گئے ہیں جب مقبوضہ کشمیر کے علاقے پہلگام میں عسکریت پسندوں کے حملے کے بعد دونوں ممالک کے درمیان کشیدگی میں شدت سے اضافہ ہوا ہے۔ اے آر وائی نیوز سے گفتگو کرتے ہوئے ڈی جی آئی ایس پی آر لیفٹیننٹ جنرل احمد شریف چوہدری کا کہنا تھا کہ کچھ دیر قبل بزدل دشمن بھارت نے بہاولپور کے علاقے احمد ایسٹ، کوٹلی اور مظفر آباد میں سبحان اللہ مسجد پر فضا سے تین مقامات پر فضائی حملے کیے۔ ان کا کہنا تھا کہ ’میں واضح طور پر کہنا چاہتا ہوں کہ پاکستان اپنی مرضی کے وقت اور جگہ پر اس کا جواب دے گا۔ اس گھناؤنی اشتعال انگیزی کا جواب ضرور دیا جائے گا۔ ممکنہ جانی نقصان کے بارے میں پوچھے جانے پر ڈی جی آئی ایس پی آر کا کہنا تھا کہ نقصانات کا تخمینہ لگایا جا رہا ہے اور وہ بعد میں مزید معلومات فراہم کریں گے۔ اس بزدلانہ حملے سے بھارت نے جو عارضی خوشی حاصل کی ہے وہ دائمی غم میں بدل جائے گی۔ انہوں نے کہا کہ بھارت کی جانب سے کوٹلی، بہاولپور کے احمد پور شرقیہ، باغ، مظفر آباد اور مریدکے کو نشانہ بنایا گیا۔ ڈی جی آئی ایس پی آر کا کہنا تھا کہ احمد پور شرقی میں ایک بچے کی شہادت اور 12 افراد کے زخمی ہونے کی اطلاع ہے۔ انہوں نے مزید کہا کہ کوٹلی میں 2 شہری شہید ہوئے۔ انہوں نے کہا کہ احمد پور شرقیہ میں ایک مسجد پر حملہ کیا گیا تھا، میزائل اس کے قریب ایک گھر پر گرا ہے، جہاں والدین اور ایک بچہ پھنسے ہوئے ہیں جنہیں ریسکیو کیا جا رہا ہے۔ ڈی جی آئی ایس پی آر کا کہنا تھا کہ کوٹلی کی ایک مسجد پر بھی حملہ کیا گیاہے، انہوں نے کہا کہ مساجد پر یہ حملے آر ایس ایس کے ہندوتوا نظریے کی نشاندہی کرتے ہیں کیونکہ انہوں نے مساجد کو نشانہ بنایا ہے۔ انہوں نے کہا کہ مظفر آباد میں ایک میزائل سڑک پر گرا تاہم اس سے کوئی نقصان نہیں ہوا ہے ، لیکن مزید تخمینہ لگایا جارہا ہے۔ انہوں نے کہا کہ میں آپ کو بتانا چاہتا ہوں کہ پاکستان کی جوابی کارروائی زمین اور فضا میں جاری ہے۔ سرکاری نشریاتی ادارے کی ایکس پر ایک پوسٹ میں سیکیورٹی ذرائع کے حوالے سے کہا گیا ہے کہ پاکستان نے جوابی کارروائی شروع کردی ہے۔ اس بزدلانہ حملے میں اب تک ایک معصوم بچہ شہید ہو چکا ہے جبکہ ایک خاتون اور ایک مرد شدید زخمی ہے۔ بھارت نے رات کی تاریکی میں بزدلانہ حملے میں بے گناہ پاکستانیوں کو نشانہ بنایا۔ وزیر دفاع خواجہ آصف نے بتایا کہ بھارت کی جانب سے شہری علاقوں پر حملہ کیا گیا ہے۔ ہماری زمین پر قبضے کی حکمت عملی بھارت کو مہنگی پڑے گی۔ امریکی نیوز چینل سکائی نیوز اور برطانوی میڈیا کے مطابق پاک فضائیہ نے رافیل سمیت 2 بھارتی طیارے گرا دیئے ہیں۔ دوسرا طیارہ مگ 21 ہے۔ ذرائع کے مطابق پاک افواج نے کارروائی کر کے بھارتی بریگیڈ ہیڈ کوارٹرز بھی تباہ کر دیا۔ دریں اثناء بھارت نے پاکستان پر حملے کو ’’آپریشن سندور‘‘ کا نام دے دیا۔ غیر ملکی میڈیا کے مطابق بھارت نے کسی پاکستانی فوجی تنصیبات کو نشانہ نہیں بنایا۔ بھارتی وزارت دفاع نے پاکستان میں حملوں کی تصدیق کر دی اور کہا ہے کہ پاکستان میں 9 مقامات پر حملہ کیا ہے۔ سکیورٹی ذرائع کے مطابق پاک فوج نے جوابی کارروائی میں بھارت کا بریگیڈ ہیڈ کوارٹرز تباہ کر دیا۔ سکائی نیوز نے دعویٰ کیا ہے کہ پاکستان نے بھارت کا رافیل جہاز مار گرایا ہے۔ کئی چوکیاں تباہ کر دی گئیں۔ پاکستان نے برنالہ سیکٹر میں بھارتی ڈرون بھی مار گرایا۔ علاوہ ازیں تمام پروازیں منسوخ اور ری ڈائیورس کی گئیں ،پاکستان کی پوری فضائی حدود کی بندش کا یہ فیصلہ حفاظتی وجوہات یا قومی سلامتی کی بنیاد پر کیا گیا ہے۔رپورٹس کے مطابق پاکستان کی فضائی حدود کو ابتدائی طور پر 48 گھنٹوں کے لیے مکمل طور پر بند کر دیا گیا ہے، جس کے باعث اسلام آباد انٹرنیشنل ایئرپورٹ پر تمام پروازیں منسوخ کر دی گئیں اور تمام مسافروں کو فوری طور پر گھر جانے کی ہدایت دی گئی ہے۔اس اقدام کے تحت اسلام آباد آنے والی سعودی ایئرلائن کی پرواز SV 726 کو بھی کراچی ایئرپورٹ پر موڑ دیا گیا ہیتمام فلائٹس کو کراچی ایئرپورٹ پر ری ڈائیورس کیا گیا ہے تاکہ روانگی اور آمد کے عمل کو بغیر کسی رکاوٹ کے جاری رکھا جا سکے۔رپورٹس کے مطابق پاکستان کی پوری فضائی حدود کی بندش کا یہ فیصلہ حفاظتی وجوہات یا قومی سلامتی کی بنیاد پر کیا گیا ہے، جس کے تحت متعلقہ حکام حالات کا جائزہ لے رہے ہیں اور آئندہ اقدامات کا اعلان متوقع ہے۔ علاوہ ازیں پاک فوج کی میزائل سٹرائیک نے ایل او سی پر دودھیال سیکٹر میں دشمن کی پوسٹ اڑا دی ۔ سکیورٹی ذرائع کے مطابق تمام مظفر آباد میں بجلی بند کر دی گئی ہے۔ علاوہ ازیں ایل او سی وادی لیپہ سیکٹر پر بھارتی فوج کی گولہ باری جاری ہے۔ مظفر آباد کے تمام ہسپتالوں میں ایمرجنسی نافذ کر دی گئی۔ مظفر آباد کے علاقے شنوانی نالہ بھارتی حملے میں دو بچیاں زخمی ہو گئیں۔ جن کو سی ایم ایچ منتقل کر دیا گیا ہے۔
.
ذریعہ
ذریعہ: Nawaiwaqt
کلیدی لفظ: ڈی جی ا ئی ایس پی ا ر جوابی کارروائی انہوں نے کہا کہ کا کہنا تھا کہ کے مطابق پاک کہ پاکستان پاکستان کی کیا گیا ہے حملہ کیا کو نشانہ احمد پور بھارت نے حملے میں ذرائع کے کر دیا
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ