نوجوان پاکستانی کرکٹر میچ کے دوران انتقال کر گئے
اشاعت کی تاریخ: 7th, May 2025 GMT
لاہور (نیوز ڈیسک) خیبرپختونخوا کے ضلع بنوں میں جاری پاکستان کرکٹ بورڈ (پی سی بی) چیلنج کپ کے دوران ایک افسوسناک واقعہ پیش آیا جہاں نوجوان اور باصلاحیت کرکٹر علیم خان میدان میں ہی زندگی کی بازی ہار گئے۔
میڈیا رپورٹس کے مطابق میچ کے دوران علیم خان کی طبیعت اچانک بگڑ گئی، گراونڈ میں موجود ساتھی کھلاڑی اور عملہ فوری طور پر متحرک ہوا اور علیم کو قریبی ہسپتال پہنچایا گیا تاہم وہ جانبر نہ ہو سکے، ڈاکٹروں کے مطابق ان کا انتقال دل کا دورہ پڑنے سے ہوا۔
علیم خان ایک پرجوش اور محنتی نوجوان کرکٹر تھے جنہوں نے حال ہی میں ڈومیسٹک سطح پر اچھی کارکردگی دکھا کر کوچز اور سلیکٹرز کی توجہ حاصل کی تھی، ان کی موت سے کرکٹ حلقوں میں گہرے رنج و غم کی لہر دوڑ گئی۔
پاکستان کرکٹ بورڈ کے ڈائریکٹر ڈومیسٹک عبداللہ خرم نیازی نے نوجوان کرکٹر کے انتقال پر افسوس کا اظہار کرتے ہوئے کہا کہ علیم خان ایک ابھرتا ہوا سٹار تھا، ان کی اچانک موت پر پورا کرکٹ بورڈ سوگوار ہے اور ہم ان کے اہل خانہ کے غم میں برابر کے شریک ہیں۔
عینی شاہدین کے مطابق علیم خان کی حالت خراب ہوتے ہی میچ فوری طور پر روک دیا گیا اور گراؤنڈ میں فضا سوگوار ہو گئی، کچھ کھلاڑی فرط جذبات پر قابو نہ رکھ سکے اور آبدیدہ ہو گئے۔
واضح رہے کہ کرکٹر علیم خان کا انتقال گزشتہ روز میچ کے دوران ہوا جس کے بعد رات گئے ان کی نمازِ جنازہ ادا کی گئی، جنازے میں ساتھی کرکٹرز، اہل محلہ، کوچز، اہلِ علاقہ اور دوستوں کی بڑی تعداد نے شرکت کی، بعد ازاں انہیں ان کے آبائی علاقے بنوں میں سپردِ خاک کر دیا گیا۔
مرحوم کے کوچ نے بتایا کہ علیم نہ صرف ایک باصلاحیت کھلاڑی تھا بلکہ وہ اخلاق، نظم و ضبط اور عاجزی کا پیکر بھی تھا، ان کی کمی طویل عرصے تک محسوس کی جائے گی۔
سوشل میڈیا پر بھی علیم خان کو خراج عقیدت پیش کیا جا رہا ہے اور صارفین پی سی بی سے مطالبہ کر رہے ہیں کہ نوجوان کھلاڑیوں کے طبی معائنے اور فٹنس ٹیسٹنگ کو میچ سے قبل لازم قرار دیا جائے تاکہ ایسے افسوسناک واقعات سے بچا جا سکے۔
بھارت کو حملے کا اس کی سوچ سے بڑھ کر جواب دیں گے: خواجہ آصف
.ذریعہ: Daily Ausaf
پڑھیں:
صدر آصف علی زرداری کی وزیراعظم سے انکے کزن میاں شاہد شفیع کے انتقال پر تعزیت
صدر آصف علی زرداری کی وزیراعظم سے انکے کزن میاں شاہد شفیع کے انتقال پر تعزیت WhatsAppFacebookTwitter 0 4 August, 2025 سب نیوز
اسلام آباد (سب نیوز)صدر آصف علی زرداری کی وزیراعظم ہاوس آمد،صدر آصف علی زرداری اور وزیراعظم محمد شہباز شریف کے درمیان ملاقات ہوئی ، صدر آصف علی زرداری کی وزیراعظم سے ان کے کزن میاں شاہد شفیع کے انتقال پر تعزیت ،صدر کا میاں شاہد کی بلندی درجات ان کے اہل خانہ کے لئے صبر جمیل کی دعا،صدر آصف علی زرداری نے مرحوم میاں شاہد شفیع کے بڑے بھائی جاوید شفیع سے بھی ٹیلی فون پر رابطہ کیا اور تعزیت کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسہہ ماہی ایڈجسٹمنٹ ،بجلی کی قیمت میں ایک روپے 75پیسے فی یونٹ کمی کی منظوری سہہ ماہی ایڈجسٹمنٹ ،بجلی کی قیمت میں ایک روپے 75پیسے فی یونٹ کمی کی منظوری وزیر خارجہ اسحاق ڈار کا امریکی ہم منصب سے رابطہ، خطے کی صورتحال پر گفتگو پی ٹی آئی کے 5اگست احتجاج سے قبل لاہور میں کریک ڈاون، 200سے زائد کارکن گرفتار درفشاں سلیم نے بلال عباس کیساتھ خفیہ نکاح کی خبروں پر خاموشی توڑ دی تحریک تحفظ آئین پاکستان کا چیف جسٹس سے شوگر اسکینڈل پر ازخود نوٹس لینے اور کمیشن بنانے کا مطالبہ جمعیت علما اسلام ف کا پاک امریکا تجارتی معاہدے پر پارلیمنٹ میں بحث کا مطالبہ، توجہ دلاو نوٹس جمعCopyright © 2025, All Rights Reserved
رابطہ کریں ہمارے بارے ہماری ٹیم
کسی عالمی رہنما نے بھارت کو جنگ روکنے کیلئے نہیں کہا